​ដោយៈ អង្គា​រ៍​ហេង / ភ្នំពេញៈ ព្រះរាជអាជ្ញារង និង​ជា​អ្នក នាំពាក្យ អយ្យការ​អម សាលាដំបូង រាជធានី​ភ្នំពេញ លោក ប្លង់ សុផល បាន​ថ្លែង​នៅថ្ងៃនេះ ឲ្យ​ដឹងថាៈ កាលពី​ព្រឹក ថ្ងៃទី​២៦ ខែតុលា ឆ្នាំ​២០២១ នេះ សាលាដំបូង រាជធានី​ភ្នំពេញ បាន​លើកយក សំណុំរឿង ញុះញង់​ឱ្យមាន​ភាពវឹកវរ ដល់​សន្ដិសុខ​សង្គម មក​ប្រកាស សាលក្រម ផ្តន្ទាទោស​លើ​ជនជាប់ចោទ ចំនួន ១៥ នាក់ ដាក់ពន្ធនាគារ កំណត់​ក្នុង​ម្នាក់ ចាប់ពី ២០ ខែ ដល់ ២ ឆ្នាំ និង​មាន​ពិន័យ​ជា​ប្រាក់ ចូល​ថវិការដ្ឋ ទៀតផង​។​

​អ្នកនាំពាក្យ​រូបនេះ បាន​បន្តថាៈ លទ្ធផល​នៃ​ការប្រកាស​សាលក្រម កាលពី​ព្រឹក​មិញ​នេះ ដែលមាន​សាលក្រម លេខ ៣៥១៥”​ន​” ចុះ​ថ្ងៃទី ២៦ ខែតុលា ឆ្នាំ ២០២១ លើ​សំណុំរឿង ព្រហ្មទណ្ឌ​លេខ ៥៥១៤ ចុះ​ថ្ងៃទី​០៦​ខែ សីហា ឆ្នាំ ២០២០ ដោយបាន​សម្រេច ផ្តន្ទាទោស​លើ ជនជាប់ចោទ​៖


១.​ឈ្មោះ ទុំ វុទ្ធី ហៅ ជុំ ពុ​ទ្ធី ភេទ​ប្រុស ដាក់ពន្ធនាគារ ២០ ខែ និង​ពិន័យ​ជា​ប្រាក់ ចំនួន ២ លាន​រៀល តែ​តម្រូវ​ឲ្យ​អនុវត្ត​ទោស ដាក់ពន្ធនាគារ ១៥ ខែ ទោស​នៅសល់ ព្យួរ​សាកល្បង រយៈពេល ២ ឆ្នាំ ។​
២.​ឈ្មោះ ឈួ ផេង ភេទ​ប្រុស ដាក់ពន្ធនាគារ ២០ ខែ និង​ពិន័យ​ជា​ប្រាក់ ចំនួន ២ លាន​រៀល តែ​អនុវត្ត​ទោស​ដាក់ពន្ធនាគារ ១៥ ខែ ទោស​ដែល​នៅសល់ ព្យួរ​សាកល្បង រយៈពេល ២ ឆ្នាំ ។​
៣. ឈ្មោះ ឈឿន ដា​រ៉ាវី ភេទ​ស្រី ដាក់ពន្ធនាគារ ២០ ខែ និង​ពិន័យ​ជា​ប្រាក់ ចំនួន ២ លាន​រៀល តែ​អនុវត្ត​ទោស​ដាក់ ពន្ធនាគារ ១៥ ខែ ទោស​ដែល​នៅសល់ ព្យួរ​សាកល្បង រយៈពេល ២ ឆ្នាំ​។​
៤. ឈ្មោះ ហ៊ុន វណ្ណៈ ភេទ​ប្រុស ដាក់ពន្ធនាគារ ២០ ខែ និង​ពិន័យ​ជា​ប្រាក់ ចំនួន ២ លាន​រៀល តែ​អនុវត្ត​ទោស ដាក់ពន្ធនាគារ ១៥ ខែ ទោស​ដែល​នៅសល់ ព្យួរ​សាកល្បង រយៈពេល ២ ឆ្នាំ​។​
៥. ឈ្មោះ គង់ សំអាន ភេទ​ប្រុស ដាក់ពន្ធនាគារ ២០ ខែ និង​ពិន័យ​ជា​ប្រាក់ ចំនួន ២ លាន​រៀល តែ​អនុវត្ត​ទោស ដាក់ពន្ធនាគារ ១៤ ខែ ទោស​ដែល​នៅសល់ ព្យួរ​សាកល្បង រយៈពេល ២ ឆ្នាំ​។​
៦.​ឈ្មោះ មាន ព្រហ្ម​មុនី ភេទ​ប្រុស ដាក់ពន្ធនាគារ ២០ ខែ និង​ពិន័យ​ជា​ប្រាក់ ចំនួន ២ លាន​រៀល តែ​អនុវត្ត​ទោស​ដាក់ ពន្ធនាគារ ១៤ ខែ ទោស​ដែល​នៅសល់​ព្យួរ​សាកល្បង រយៈពេល ២ ឆ្នាំ​។​
៧.​ឈ្មោះ កើត សារាយ ភេទ​ប្រុស ដាក់ពន្ធនាគារ ២០ ខែ និង​ពិន័យ​ជា​ប្រាក់ ចំនួន ២ លាន​រៀល តែ​អនុវត្ត​ទោស​ដាក់ពន្ធនាគារ ១៤ ខែ ទោស​ដែល​នៅសល់ ព្យួរ​សាកល្បង រយៈពេល ២ ឆ្នាំ​។​
៨.​ឈ្មោះ ថា ឡា​វី ភេទ​ប្រុស ដាក់ពន្ធនាគារ ២០ ខែ និង​ពិន័យ​ជា​ប្រាក់ ចំនួន ២ លាន​រៀល តែ​អនុវត្ត​ទោស​ដាក់ពន្ធនាគារ ១៤ ខែ ទោស​ដែល​នៅសល់ ព្យួរ​សាកល្បង រយៈពេល ២ ឆ្នាំ​។​
៩.​ឈ្មោះ មួង សុភ័ក្ត្រ ភេទ​ប្រុស ដាក់ពន្ធនាគារ ២០ ខែ និង​ពិន័យ​ជា​ប្រាក់ ចំនួន ២ លាន​រៀល តែ​អនុវត្ត​ទោស​ដាក់ពន្ធនាគារ ១៤ ខែ ទោស​ដែល​នៅសល់ ព្យួរ​សាកល្បង រយៈពេល ២ ឆ្នាំ​។​
១០.​ឈ្មោះ អេង ម៉ាឡៃ ភេទ​ស្រី ដាក់ពន្ធនាគារ ២០ ខែ និង​ពិន័យ​ជា​ប្រាក់ ចំនួន ២ លាន​រៀល តែ​អនុវត្ត​ទោស​ដាក់ពន្ធនាគារ ១៤ ខែ ទោស​ដែល​នៅសល់ ព្យួរ​សាកល្បង រយៈពេល ២ ឆ្នាំ​។​
១១.​ឈ្មោះ សេង ម៉េង​ប៉ុន​រ៉ុង ភេទ​ប្រុស ដាក់ពន្ធនាគារ ២ ឆ្នាំ និង​ពិន័យ​ជា​ប្រាក់ ចំនួន ៤ លាន​រៀល និង​ចេញ​ដីកា​បង្គាប់​ឱ្យ​ចាប់ខ្លួន ។ ជាប់ចោទ​ពីបទ ញុះញង់​ឱ្យមាន​ភាពវឹកវរ ដល់​សន្ដិសុខ​សង្គម ប្រព្រឹត្ត​នៅ​ប្រទេស​កម្ពុជា កាលពី​អំឡុង​ដើមខែ​សីហា ដល់ ថ្ងៃទី ៤ ខែ សីហា ឆ្នាំ​២០២០ តាម​បញ្ញត្តិ​មាត្រា ៤៩៤ និង​មាត្រា ៤៩៥ នៃ​ក្រមព្រហ្មទណ្ឌ ។​
១២.​ឈ្មោះ ហូរ វ៉ាន់ ភេទ​ប្រុស ដាក់ពន្ធនាគារ ២ ឆ្នាំ និង​ពិន័យ​ជា​ប្រាក់ ចំនួន ៤ លាន​រៀល និង​ចេញ​ដីកា​បង្គាប់​ឱ្យ​ចាប់ខ្លួន ។​
១៣.​ឈ្មោះ អ៊ូ ច័ន្ទ​ឫទ្ធិ ភេទ​ប្រុស ដាក់ពន្ធនាគារ ២ ឆ្នាំ និង​ពិន័យ​ជា​ប្រាក់ ចំនួន ៤ លាន​រៀល និង​ចេញ​ដីកា​បង្គាប់​ឱ្យ​ចាប់ខ្លួន​។​
១៤.​ឈ្មោះ គង់ សភា ភេទ​ប្រុស ដាក់ពន្ធនាគារ ២ ឆ្នាំ និង​ពិន័យ​ជា​ប្រាក់ ចំនួន ៤ លាន​រៀល និង​ចេញ​ដីកា​បង្គាប់​ឱ្យ​ចាប់ខ្លួន​។​
១៥.​ឈ្មោះ ហុង លីម ហៅ ហុង មុយ​លីម ភេទ​ប្រុស ឱ្យ​រួចផុត​ពីបទ​ចោទ​. ផ្ដើមគំនិត​ក្នុង​អំពើ​ញុះញង់ ឱ្យមាន​ភាពវឹកវរ ដល់​សន្ដិសុខ​សង្គម ប្រព្រឹត្ត​នៅ​ប្រទេស​កម្ពុជា កាលពី​ខែសីហា ឆ្នាំ ២០២០ តាម​បញ្ញត្តិ​មាត្រា ២៨ មាត្រា ៤៩៤ និង​មាត្រា ៤៩៥ នៃ​ក្រមព្រហ្មទណ្ឌ ៕/V​