​ប្រែ​សម្រួលៈ​វាសនា​៖ ពួក​មន្ត្រី​បាន​និយាយ​កាលពី​ថ្ងៃអាទិត្យ​ថា មេដឹកនាំ​ជាន់ខ្ពស់​តា​លី​បង់ លោក​ហាយ​បា​ទុល​ឡា អា​ឃុន​ហ្សា​ដា​( Haibatullah Akhundzada)​បាន​ថ្លែង​ទៅកាន់​​អ្នកគាំទ្រ​នៅ​ទីក្រុង​កាន់​ដា​ហា​ភាគខាងត្បូង​។​វា​ជា​ការបង្ហាញ​មុខជា​សាធារណៈ​លើកដំបូង​របស់​លោក​ចាប់តាំងពី​ក្រុម​តា​លី​បង់​ចូល​គ្រប់គ្រង​អំណាច​នៅ​ឆ្នាំ​២០១៦​។​

​អា​ឃុន​ហ្សា​ដា ជា​មេដឹកនាំ​សាសនា​របស់​ច​ល​នា​អ៊ីស្លាម​នេះ​តាំងពី​ឆ្នាំ​២០១៦ តែ​ជា​មេដឹកនាំ​មិន​បញ្ចេញ​មុខមាត់​ម្នាក់ សូម្បី​តែ​ក្រុម​របស់​លោក​បាន​វាយ​ដណ្តើម​បាន​អំណាច​នៅ​អា​ហ្វ​ហ្គានី​ស្ថាន​​កាលពី​ខែ​សីហា​ហើយ​ក្តី​។​ការ​មិន​បាន​បញ្ចេញ​មុខមាត់​ភ្លាមៗ​របស់លោក​នាំអោយ​មាន​ពាក្យ​ចចាមអារ៉ាម​អំពី​តួនាទី​របស់​លោក​នៅក្នុង​រដ្ឋាភិបាល​តា​លី​បង់​ថ្មី និង​ថែម​ទាំង​នាំអោយ​មាន​ការ​​និយាយថា​លោក​ស្លាប់​ទៀតផង​។​

​យោង​តាម​មន្ត្រី​តា​លី​បង់ កាលពី​ថ្ងៃ​សៅ​រ៍លោក​អា​ឃុន​ហ្សា​ដា បាន​ទៅ​ទស្សនា​ព្រះវិហារ​មួ​យ​និង​«​បាន​និយាយ​ទៅកាន់​ទាហាន​ដ៏​ក្លាហាន​និង​សាវក​របស់លោក​»​។​មានការ​យាមកាម​សន្តិសុខ​​ជា​ខ្លាំង​និង​មិន​ត្រូវ​អនុញ្ញាត​អោយ​ថតរូប​ទេ តែ​សារ​សម្លេង​១០​នាទី​របស់​លោក​ត្រូវបាន​ផ្សព្វផ្សាយ​ក្នង​បណ្តាញ​សង្គម​។​

​លោក អា​ឃុន​ហ្សា​ដា ត្រូវ​គេ​រំពឹងថា​នឹង​ត្រូវបាន​ជ្រើសរើស​ជា​មេដឹកនាំ​សាសនា​ម្នាក់ ជាជាង​មេបញ្ជាការ​យោធា​។​ការបង្ហាញ​ខ្លួន​របស់​លោក​ក៏​បង្ក​ការប៉ាន់ស្មាន​ថា​លោក​មាន​ផែនការ​ទទួល​​តួនាទី​សំខាន់​ណាមួយ​នៅក្នុង​រដ្ឋាភិបាល​អា​ហ្វ​ហ្គានី​ស្ថាន​ថ្មី​៕

​អា​ឃុន​ហ្សា​ដា បាន​ឡើង​ពី​មេដឹកនាំ​សាសនា​ថ្នាក់ទាប​មួយ​មក​កាន់​មេដឹកនាំ​សាសនា​តា​លី​បង់ ក្នុង​អន្តរកាល​ដ៏​លឿន​មួយ​បន្ទាប់​ពី​ការវាយប្រហារ​ដោយ​ដ្រូ​ន​អាម៉េរិក​នៅ​ឆ្នាំ​២០១៦​បានសម្លាប់​​អ្នកដឹកនាំ​មុន លោក មុលឡា អា​ក់តា ម៉ាន់​សួរ​