​ប្រែ​សម្រួលៈ​វាសនា​/​ម៉ានីល​៖ ប៉ូលិស​បាន​និយាយ​កាលពី​ថ្ងៃអាទិត្យ​ទី​៣១​តុលា​ថា អ្នកយក​ព័ត៌មាន​ហ្វីលីពីន​ម្នាក់​ត្រូវបាន​បាញ់សម្លាប់​ជា​ច្រើន​គ្រាប់​នៅផ្ទះ​របស់​ជនរងគ្រោះ ។​

​ការស្លាប់​របស់​លោកអ័​រឡា​នដូ ឌី​ណ​យ បាន​ក្លាយ​ជា​វគ្គ​ចុងក្រោយ​មួយ​នៃ​រឿង​ភាគ​វែង​អន្លាយ​ស្តី​ពី​ឃាតកម្ម​លើ​អ្នកកាសែត​នៅក្នុង​ប្រទេស​អាស៊ី​អាគ្នេយ៍​មួយ​នេះ​។​ប្រទេស​កម្រង​កោះ​នេះ​ជា​​កន្លែង​គ្រោះថ្នាក់​បំផុត​មួយ​ក្នុង​លោក​សំរាប់​អ្នកកាសែត ហើយ​ឃាតករ​កម្រ​ត្រូវ​ចាប់បាន​នាំ​មក​កាត់ទោស​ណាស់​។​

​លោកអ័​រឡា​នដូ ឌី​ណ​យ អ្នកយកព័ត៌មាន​នៅ​សារព័ត៌មាន​អន​ឡាញ​Newsline Philippines​និង​ជា​ពិធីករ​នៃ​វិទ្យុ​Energy FM​។​លោក​ត្រូវបាន​បាញ់​៦​គ្រាប់​ដោយ​ក្មាន់កាំភ្លើង​​ដែល​បាន​សំរុកចូល​ផ្ទះ​របស់​លោក​នៅ​ទីប្រជុំជន បាន់​សាឡា​ន នៅ​កោះ​មីន​ដា​ណាវ​។​

​ប៉ូលិស​បាន​និយាយថា ជនរងគ្រោះ​បាន​សម្លាប់​ភ្លាម​នៅ​កន្លែងកើតហេតុ ហើយ​ប៉ូលិស​កំពុង​ស៊ើបអង្កេត​រក​ហេតុផល​នៅ​ពីក្រោយ​ឃាតកម្ម​នេះ​។​

​ឌី​ណ​យ ជា​អ្នកកាសែត​ទី​២១​ដែល​ត្រូវបាន​សម្លាប់​ចាប់តាំងពី​ប្រធានាធិបតី រ៉ូ​ឌ្រី​ហ្គោ ឌុយ​ទែត ចូលកាន់​តំណែង​នៅ​ឆ្នាំ​២០១៦​។​

​ក្នុងពេល​ជាមួយគ្នា មេ​ប៉ូលិស​ជាតិ​បាន​បញ្ជា​អោយ​ស៊ើបអង្កេត​ករណី​ឃាតកម្ម​នេះ​និង​ប្តេជ្ញា​ការពារ​អ្នកសារព័ត៌មាន​ពី​ការវាយប្រហារ​៕

​ឌី​ណ​យ ជា​អ្នកកាសែត​ទី​២១​ដែល​ត្រូវបាន​សម្លាប់​ចាប់តាំងពី​ប្រធានាធិបតី រ៉ូ​ឌ្រី​ហ្គោ ឌុយ​ទែត ចូលកាន់​តំណែង​នៅ​ឆ្នាំ​២០១៦