ដោយ​: អង្គា​រ៍​ហេង / ភ្នំពេញ​: ជនសង្ស័យ​៣​នាក់ ក្នុងចំណោម​បក្ខពួក​៥​នាក់ ត្រូវបាន​កម្លាំង​ជំនាញ នៃ​អធិការដ្ឋាន​នគរបាល​ខណ្ឌ​សែន​សុខ សហ​ការណ៍​ជាមួយ​កម្លាំង​ប៉ុស្តិ៍ ធ្វើការ​ឃាត់ខ្លួន​ជា​បន្តបន្ទាប់​ពាក់ព័ន្ធ​ករណី​ប្លន់ ដោយ​ធាក់​ម៉ូតូ​នារី​រងគ្រោះ​ផ្ដល់​យកបាន​សម្រេច​។ ហេតុការណ៍​នេះ បាន​កើតឡើង​កាលពី​វេលា​ម៉ោង​១៧ និង​៣០​នាទី ថ្ងៃទី​៦​ខែវិច្ឆិកា​ឆ្នាំ​២០២១ នៅ​ចំណុច​មុខ​ស្ថានីយប្រេងឥន្ធនៈ​តេ​លា ផ្លូវ​២០១១ ភូមិ​គោក​ឃ្លាង សង្កាត់​គោក​ឃ្លាង ខណ្ឌ​សែន​សុខ​។​

​ជនសង្ស័យ​ដែល​ត្រូវ​ឃាត់ខ្លួន​ទី​១.​ឈ្មោះ ដួង ដុល្លា ភេទ​ប្រុស អាយុ​៣០​ឆ្នាំ ជនជាតិខ្មែរ មុខរបរ​គ្មាន ស្នាក់​នៅផ្ទះ​សង់​ថ្មី ផ្លូវ​បេតុង ភូមិ​ចុង​ថ្នល់​ខាងលិច សង្កាត់​ទឹកថ្លា ខណ្ឌ​សែន​សុខ (​មាន​សារធាតុ​ញៀន​) ។ ២–​ឈ្មោះ សុខ សុវណ្ណ​បញ្ញា ភេទ​ប្រុស អាយុ​២៦​ឆ្នាំ ជនជាតិខ្មែរ មុខរបរ​គ្មាន ស្នាក់​នៅផ្ទះ​សង់​ថ្មី ផ្លូវ​បេតុង ភូមិ​ចុង​ថ្នល់​ខាងលិច សង្កាត់ ទឹកថ្លា ខណ្ឌ សែន​សុខ (​មាន​សារធាតុ​ញៀន​) , ៣–​ឈ្មោះ​ត្រ​ម៉ុ​ជ វ​ណ្ណះ ភេទ​ប្រុស អាយុ​២២​ឆ្នាំ ជនជាតិខ្មែរ មុខរបរ​គ្មាន ស្នាក់នៅ បន្ទប់​ជួល ផ្លូវ​បេតុង ភូមិ​ចុង​ថ្នល់​ខាងលិច សង្កាត់​ទឹកថ្លា ខណ្ឌ​សែន​សុខ (​មាន​សារធាតុ​ញៀន​) ។ រីឯ​បក្ខពួក​២​នាក់​ទៀត (១–​ឈ្មោះ​សេង និង​២–​ឈ្មោះ​លីន​) កំពុង​គេចខ្លួន ។​

​ជនរងគ្រោះ​ឈ្មោះ ចាន់ នី​តា ភេទ​ស្រី អាយុ​២៨​ឆ្នាំ ជនជាតិខ្មែរ មុខរបរ​លក់ដូរ ស្នាក់នៅ បន្ទប់​ជួល ផ្លូវ​បេតុង ភូមិ​គោក​ឃ្លាង សង្កាត់​គោក​ឃ្លាង ខណ្ឌ​សែន​សុខ ។​

​គួរ​រំ​លឹ​ថា កាលពី​ថ្ងៃទី​៥​វិច្ឆិកា ២០២១ ម៉ោង​០០ និង​៣០ នាទី បង្កដោយ​ជនសង្ស័យ​០៥​នាក់​មធ្យោបាយ​ម៉ូតូ ០២​គ្រឿង​បានធ្វើ​សកម្មភាព​ធាក់​ផ្តួល​ប្លន់​យក​ម៉ូតូ​០១​គ្រឿង ម៉ាក​ស្កុប​ពី ពណ៌​ស​ផលិត​ឆ្នាំ​២០១៨ ពាក់​ស្លាក​លេខ ភ្នំពេញ​1GR-7829 របស់ ជនរងគ្រោះ​បានសម្រេច​រួច​គេចខ្លួន​អស់ ក្រោយមក​ទើប​សមត្ថកិច្ច​ធ្វើការ​ស្រាវជ្រាវ និង​ឃាត់ខ្លួន​បាន​ជនសង្ស័យ​ខាងលើ​០៣​នាក់​នេះ ក្នុង​ក្នុងចំណោម​បក្ខ​៥​នាក់​។ សម្ភារៈ​បាត់បង់​៖ ម៉ូតូ​០១​គ្រឿង ម៉ាក​ស្កុប​ពី ពណ៌​ស ផលិត​ឆ្នាំ​២០១៨ ពាក់​ស្លាក​លេខ ភ្នំពេញ​1GR-7829 របស់​ជនរងគ្រោះ , សម្ភារ​បន្សល់ទុក​៖ ម៉ូតូ​០១​គ្រឿង ម៉ាក​សេ​១២៥ ពណ៌​ខ្មៅ ផលិត​ឆ្នាំ​២០១៩ ពាក់​ស្លាក​លេខ ភ្នំពេញ​1C0-2149 របស់​ជនសង្ស័យ ។​

​បច្ចុប្បន្ន ជនសង្ស័យ​កំពុង​ឃាត់ខ្លួន​នៅ​អធិការ ដ្ឋា​ន​នគរបាល​ខណ្ឌ​សែន​សុខ ដើម្បី​អនុវត្តតាម​និតិ​វិធី​៕​