ដោយៈ ភ្នំ​ខៀវ / បាត់ដំបងៈ នគរបាល បាន​ឃាត់ខ្លួន​មុខសញ្ញា នាំ​ពលករ​ខ្មែរ ឆ្លងដែន ល្មើសច្បាប់ ចំនួន ២ នាក់ នៅក្នុង​ភូមិសាស្ត្រ ខេត្តបាត់ដំបង​។​

​នគរបាល​ជំនាញ បានបញ្ជាក់​ថាៈ អនុវត្តតាម​ការណែនាំ របស់លោក​ឧ​ត្ត​ម​សេនីយ៍​ទោ សាត គឹម​សាន ស្នងការ​នគរបាល ខេត្តបាត់ដំបង ស្តីពី​ការការពារ​សន្តិសុខ តាម​ខ្សែបន្ទាត់​ព្រំដែន កម្ពុជា​-​ថៃ នៅ​ថ្ងៃទី ៧ ខែ​វិ​ច្ឆ​កា ឆ្នាំ​២០២១ នេះ កម្លាំង​អង្គភាព​ចម្រុះ បាន​ចុះបង្ក្រាប និង​ឃាត់ខ្លួន មេខ្យល់ ចំនួន ២ នាក់ ដែល​បម្រុង​នាំ​ពលករ ឆ្លងដែន​ល្មើសច្បាប់ ១ ករណី នៅ​ទីតាំង​ភូមិសាស្ត្រ ភូមិ​ដំណាក់​អំពិល ឃុំ​បារាំង​ធ្លាក់ ស្រុក​ភ្នំព្រឹក ខេត្តបាត់ដំបង​។​