ប្រែសម្រួល : កញ្ញាដាលីស (ដេលីមែល) ៖ ហ្គីតារបស់លោក អេរិក ក្លាបតុន អត្ថបទចម្រៀងព្រាងសរសេរដោយដៃរបស់លោកឃឺត ខូបាន និងអាវក្រឡេក្រឡារបស់លោកស្រីវីតនី ហូស្តុនគឺស្ថិតក្នុងចំណោមវត្ថុអនុស្សាវរីយ៍របស់តារាល្បីៗមានឥទ្ធិពល ដែលនឹងដាក់លក់ដេញថ្លៃនៅចុងសប្តាហ៍នេះនៅទីក្រុងញូវយ៉ក។
ហ្គីតា Martin D-45 ឆ្នាំ ១៩៦៨ របស់លោកក្លាបតុនគឺជាវត្ថុអនុស្សាវរីយ៍នៃបទចម្រៀង “Icons & Idols: Rock ‘N’ Roll” ល្អដាច់គេប្រចាំឆ្នាំនេះពីក្រុមហ៊ុនដេញថ្លៃ Julien’s Auctions ដែលរំពឹងថាហ្គីតានេះអាចលក់បានពី ៣០០.០០០ ទៅ ៥០០.០០០ ដុល្លារក្នុងអំឡុងពេលដេញថ្លៃនៅចុងសប្តាហ៍នេះ។
លោក ម៉ាទីន ណូឡាន នាយកប្រតិបត្តិនៃក្រុមហ៊ុនដេញថ្លៃ Julien’s Auctions បាននិយាយថា “ហើយខ្ញុំគិតថានោះជាការប៉ាន់ស្មានបែបអភិរក្ស”។
លោកបានប្រាប់ទីភ្នាក់ងារសារព័ត៌មាន AFP ក្នុងអំឡុងពេលរំលឹកត្រួសៗអំពីការដេញថ្លៃដែលនឹងរួមបញ្ចូលវត្ថុសិល្បៈប្រហែល ១.០០០ ថា “វត្ថុដែលប្រមូលបាននៅលើទីផ្សារសិល្បៈនាពេលនេះ គឺវាពុះកញ្ជ្រោលខ្លាំងណាស់ តម្លៃទាំងនេះកំពុងឈានដល់ចំណុចកំពូល”។
សន្លឹកនៃអត្ថបទចម្រៀងព្រាងសរសេរដោយដៃសម្រាប់បទចម្រៀងល្បីឆ្នាំ ១៩៧០ របស់លោកឃឺត ខូបានក៏ដាក់លក់ផងដែរ ហើយគេប៉ាន់ស្មានថាវាមានតម្លៃពី ៣០.០០០ ទៅ ៥០.០០០ ដុល្លារ។
អាវក្រឡេក្រឡាដែលលោកស្រីវីតនី ហូស្តុនពាក់អំឡុងការប្រគុំតន្ត្រីឆ្នាំ ១៩៩២ ក៏រំពឹងដាក់លក់បាន ៣.០០០ ទៅ ៥.០០០ ដុល្លារផងដែរ៕
ហ្គីតាស្ថិតក្នុងចំណោមវត្ថុសិល្បៈ១០០០មុខដាក់លក់ដេញថ្លៃនៅញូវយ៉កចុងសប្តាហ៍នេះ