​ប្រែ​សម្រួល : កញ្ញា​ដា​លី​ស (​ដេលី​មែ​ល​) ៖ មេ​ប៉ូលិស​ក្រុង​វ៉ូ​កេសា​បាន​និយាយថា រថយន្តស្ព័​រមួយ​គ្រឿង​បាន​បើកបំ​បុក​ចូល​ក្បួន​ដង្ហែ​បុណ្យ​ណូអែល​មួយ​នៅ​ទីក្រុង​វ៉ូ​កេសា រដ្ឋ​វី​ស្កុន​ស៊ីន កាលពី​ថ្ងៃអាទិត្យ​ទី​២១ វិច្ឆិកា ដោយ​បុក​ចំ​មនុស្ស​ជាង ២០ នាក់ រួម​ទាំង​កុមារ និង​បណ្តាលឱ្យ​ស្លាប់​មួយចំនួន​ផង​ដែរ​។​

​មេ​ប៉ូលិស​ក្រុង លោក ដាន់ ថម​សុន បាន​និយាយថា មនុស្ស​ពាក់​ព័ន្ធ​ម្នាក់​កំពុង​ជាប់ឃុំ ហើយ​រថយន្ត​ជនសង្ស័យ​ត្រូវបាន​រកឃើញ​បន្ទាប់​ពី​ឧបទ្ទវហេតុ​នៅ​ទីក្រុង​វ៉ូ​កេសា​ស្ថិតនៅ​ចម្ងាយ​ប្រហែល ៣២ គីឡូម៉ែត្រ​ពី​ភាគ​ខាងលិច​ទីក្រុង​មី​ល​វ៉ូ​គី​។​

​លោក​ថម​សុន​បាន​ប្រាប់​អ្នកយក​ព័ត៌មាន​ថា “​រថយន្ត SUV ពណ៌​ក្រហម​មួយ​គ្រឿង​បាន​បើក​ចូលទៅ​ក្នុង​ក្បួន​ដង្ហែ​បុណ្យ​ណូអែល​របស់​យើង ដែល​យើង​កំពុង​ប្រារព្ធ​នៅ​កណ្តាល​ក្រុង​។ មនុស្ស​ជាង ២០ នាក់​បាន​រងរបួស​ដោ​យ​សារ​ឧបទ្ទវហេតុ​នេះ​”​។​

​នៅពេល​សួរ​អំពី​អ្នក​ស្លាប់ លោក​ថម​សុន​បាន​និយាយថា “​ខ្ញុំ​មិន​មាន​ចំនួន​ពិតប្រាកដ​ទេ​នៅ​ពេល​នេះ​”​។​

​លោក​បាន​បន្ថែមថា គេ​មិនដឹងថា​តើ​ឧបទ្ទវហេតុ​នោះ​ជាប់ទាក់ទង​នឹង​អំពើ​ភេរវកម្ម​ឬ​យ៉ាងណា​នោះ​ទេ​៕

មនុស្ស​ជាង​២០​នាក់​របួស​ក្នុង​ឧបទ្ទវហេតុ​បើកឡាន​បំបុក​ហ្វូង​មនុស្ស​នៅ​ទី​ក្រុង​វ៉ូ​កេសា​កាលពី​ថ្ងៃអាទិត្យ