ដោយ​: ប​.​ជ័យ / បន្ទាយមានជ័យ​: នៅ​បរិវេណ​វិហារ​ឥស្លាម​ភូមិ​ទឹកថ្លា នា​ថ្ងៃអាទិត្យ ទី​២៨ ខែវិច្ឆិកា ឆ្នាំ​២០២១ លោក​វេជ្ជបណ្ឌិត សុះ មុះ​សិន អ្នកតំណាងរាស្ត្រ សមាជិក​គណៈកម្មការ​ទី​៨ នៃ​រដ្ឋសភា អនុប្រធាន​សហភាព​ស​ហ​ព័ន្ធ​យុវជន​កម្ពុជា និង​ជា​ប្រធាន​សមាគមនិស្សិត​មូស្លីម​កម្ពុជា និង​ទទួល​ស្វាគមន៍​ដំណើរ​ដោយ​លោក អ៊ុ រាត្រី អភិបាលខេត្ត​បន្ទាយមានជ័យ លោក ហ៊ឹ​ល រ៉ា​យ៉ា អភិបាលក្រុង​សិរីសោភ័ណ និង​ក្រុមការងារ អាជ្ញាធរ​មូលដ្ឋាន​។​

​ប្រតិភូ​បាន​អញ្ជើញ​ចុះសួរសុខទុក្ខ និង​នាំយក​អំណោយ​សង្គ្រោះបន្ទាន់​ជូន​គ្រួសារ​ប៉ះពាល់ និង​ងាយ​រងគ្រោះ​ដោយ​ជំងឺ​កូ​វីដ​.១៩ ចំនួន​១០៥​គ្រួសារ នៅក្នុង​សង្កាត់​ទឹកថ្លា ក្រុង​សិរីសោភ័ណ​។​

​អំណោយ​ទាំងនេះ​មានការ​ឧបត្ថម្ភ​ពី​អង្គការ​មូស្លីម​ហេ​ល​ហ្វិ​ន នៅ​ប្រទេស​អាល្លឺម៉ង់ សមាគមន៍​និស្សិត​មូស្លីម​កម្ពុជា​។​

​ប្រតិភូ​បាន​ពាំនាំ​បណ្តាំ​ផ្ញើ​សាកសួរ​សុខទុក្ខ​ពីស​ម្តេច​ប្រមុខ​ដឹកនាំ​គណបក្ស​ប្រជាជន​កម្ពុជា​និង​ថ្នាក់ដឹកនាំ​គ្រប់​ថ្នាក់​ទៅជូន​ពល​រដ​ហ​ឋ​ខ្មែរ​មូស្លីម​នៅ​សហគមន៍​ខាងលើ ហើយ​ចូលរួម​រំលែក​ទុក្ខលំបាក​លើ​សុខភាព​និង​ជីវភាព ក្នុងអំឡុង​នៃ​ការរីក​រាលដាល​ជម្ងឺ​កូ​វីដ​១៩​។ ហើយ​បានផ្តល់​កម្លាំងចិត្ត​និង​លើកទឹកចិត្ត​អោយ​បងប្អូន​ខិតខំ​ស្តារ​ជីវភាព​ឡើងវិញ​៕​