ដោយ​: ប​.​ជ័យ / បន្ទាយមានជ័យ​: ក្រុមគ្រួសារ​អោយដឹង​កាលពី​ថ្ងៃទី​២៨​ខែវិច្ឆិកា​ថា កាលពី​ទឹកជំនន់​ដែល​អូសបន្លាយ​ជាង​៣​ខែ​កន្លងមកនេះ ក្រុមគ្រួសារ​បាន​ប្រុងប្រយ័ត្ន ជេរ​ស្តី​កូនចៅ មិនអោយ​លេង​ទឹក​ឬ​ធ្វេសប្រហែស​ឡើយ​។ ប៉ុន្តែ នៅពេល​ស្រក​ច្រើនណាស់​ហើយ​នេះ​ការ​រឹតត្បិត ហើយ​បណ្តោយអោយ​កូនចៅ​បាន​ដើរលេង​ឡើងវិញ​។​

​ម្យ៉ាង ត្រូវ​លួង និង​លើកទឹកចិត្ត​អោយ​ពួក​គ​វា ខិតខំ​រៀនសូត្រ​ទល់មុខ​ពេល​សាលារៀន​បើក​ដំណើរការ​ឡើងវិញ​ផង​។ ប៉ុន្តែ បែរ​ត្រូវ​ជួប​គ្រោះ កូនស្រី​ត្រូវ​លង់ទឹក​ស្លាប់​យ៉ាងនេះ ។​ ​ឪពុកម្តាយ​ក្មេងរងគ្រោះ​អោយដឹង​ដូច្នេះ ពេល​មន្ត្រីរដ្ឋបាល​ឃុំ​សំបួរ ស្រុក​មង្គល​បូរី​បាន​ចូលរួម​រំលែក​ទុក្ខ​និង​ជូន​បច្ច័យ​មួយចំនួន​ដល់​គ្រួសារ​សព ក្មេងស្រី វិត ស្រី​និល អាយុ​២​ឆ្នាំ ។ គឺ​ក្នុងករណី​លង់ទឹក​ស្ទឹង​ស្លាប់ កាលពី​ថ្ងៃទី​២៦ ខែវិច្ឆិកា ឆ្នាំ​២០២១ ស្ថិតនៅ​ភូមិ​ស្រៃ​ព្រៃ ឃុំ​សំបួរ ស្រុក​មង្គល​បូរី​។ គឺ​ប្រគល់​ថវិកា​របស់លោក លី សារី ប្រធាន​ក្រុមការងារ​ខេត្ត​ចុះជួយ​ស្រុក​មង្គល​បូរី និង​អភិបាលរង​ខេត្តបន្ទាយមានជ័យ និង​ថវិកា​ឃុំ​៕​