ឈឺធ្មេញ​ក៏​អាច​បណ្តាល​ឲ្យ​មាន​បញ្ហា​ជាច្រើន​ដែរ !

ដោយៈ health.com.kh

​មាន​បញ្ហា​សុខភាព​មួយចំនួន​អាច​បង្ក​ការឈឺចាប់​ដែល​ធ្វើឱ្យ​អ្នក​ភ័ន្តច្រឡំ​ថា​ឈឺធ្មេញ ជាក់ស្ដែង​មិនមែន​ទេ​!​ចាប់​ដែល​អាច​ច្រឡំ​ជាមួយ​អា​ការៈឈឺ​ធ្មេញ ៖

១. បញ្ហា​ឆ្អឹងថ្គាម​
​ធ្មេញ​មិនមែន​ចេះតែ​ឈឺ​រហូត​ឡើង ហើយ​ការឈឺចាប់​ធ្មេញ​អាច​ចេញមក ពី​ថ្គាម​ក៏មាន​។ ការឈឺចាប់​ក្នុង​ធ្មេញ​អាច​លេចឡើង​ដោយសារ​ភាពខុសប្រក្រតី នៃ​សន្លាក់ temporomandibular ដែល​អាច​បណ្ដាលឱ្យ​ជាប់​ថ្គាម​។ ការ​កន្ត្រាក់​នៃ​សាច់ ដុំ​ថ្គាម​មានការ​កើនឡើង ហើយ​បញ្ហា​កើតមាន​នៅពេល​បើក​មាត់​។ វា​អាច​កើតឡើង ដោយសារតែ​ផ្លាស់​ខុស​កន្លែង​នៃ​ឌី​ស​ឆ្អឹង​។​

២. ការ​រលាក​ប្រហោង​ឆ្អឹងច្រមុះ​
​ជំងឺ​នេះ​បង្ក​ការ​រលាក​នៃ​ភ្នាស​រំអិល​មួយ ឬ​ច្រើន​ក្នុង​ប្រហោង​ឆ្អឹងច្រមុះ​។ ហើយ បញ្ហា​រលាក​ប្រហោង​ឆ្អឹងច្រមុះ​អាច​បង្ក​ការឈឺចាប់​និង​សម្ពាធ​ឈាម​ក្នុង​ធ្មេញ​ដែលមាន​ឬ​ស​ជិត​ផ្នែក​ខាងក្រោម​នៃ​ប្រហោង​ឆ្អឹងច្រមុះ​។ ទោះជា​យ៉ាងណា​បញ្ហា​នៃ​ធ្មេញ ក៏​អាចជា​មូលហេតុ​មួយ​នៃ​ការវិវត្តន៍​នៃ​ជំងឺ​រលាក​ប្រហោង​ឆ្អឹងច្រមុះ​ផងដែរ​។​

៣. បញ្ហា​បេះដូង​
​ពេលខ្លះ​ការឈឺចាប់​ក្នុង​បេះដូង​អាច​សំដៅទៅ​ភ្នែក​ផ្សេងៗ​នៃ​រាងកាយ ប៉ុន្តែ​ជា​ញឹក ញយ​ច្រើនតែ​កើត​ឡើងលើ​ស្មា​និង​ដៃ​ខាងឆ្វេង​។ ទោះជា​យ៉ាងណា​វា​ក៏​អាច​បង្ក ការឈឺចាប់​ក្នុង​ផ្នែក​ខាងក្រោម​ធ្មេញ​និង​ថ្គាម​ផងដែរ​។ នេះ​អាចជា​រោគសញ្ញា​នៃ​ជំងឺ angina ដែល​អាច​បង្ក​ជា​អាកា​រៈគាំង​បេះដូង​។ ដូច្នេះ​ប្រសិនបើ​ធ្មេញ​របស់​អ្នក មាន​សុខ​ភាពល្អ និង​រឹងមាំ ប៉ុន្តែ​ស្រាប់​តែមាន​អារម្មណ៍​ឈឺចាប់ ចូរ​កុំ​ស្ទាក់ស្ទើ​នឹង ទៅ​ជួប​ទទួល​ការពិនិត្យ​ស្ថានភាព​បេះដូង​ជាមួយ​គ្រូពេទ្យ​ជំនាញ​។​

៤. ជំងឺ​សួត​
​ជំងឺ​សួត​អាច​ជះ​ផលប៉ះពាល់​ទៅលើ​ធ្មេញ​គួរ ឱ្យ​កត់សម្គាល់​។ ការឈឺចាប់​សំដៅ ទៅកាន់​ធ្មេញ​និង​ថ្គាម​អាចជា​សញ្ញា​មួយ​នៃ​ជំងឺមហារីក​សួត​។ ម្យ៉ាងវិញទៀត​ការ ព្យាបាល​ស្ថានភាព​នេះ​អាច​ជះឥទ្ធិពល​អវិជ្ជមាន​លើ​មាត់​។ ជំងឺ​នេះ​ថែមទាំង​អាច បង្ក​ការឈឺចាប់​នៅពេល​រាលដាល​ដល់​ផ្នែក​ទៅកាន់​ផ្នែក​ដទៃទៀត​ជុំវិញ​ក​និង​ក្បាល​ទៀតផង​៕​/PC