​ប្រែ​សម្រួលៈ​វាសនា​/​វៀង​ចន្ទន៍ (​ស៊ីន​ហួរ​)៖​រថភ្លើង​ដឹកទំនិញ​អន្តរជាតិ​ចិន​-​ឡាវ​លើកដំបូង​បាន​ចេញពី​ទីក្រុង​គុន​មិញ នៅ​ខេត្ត​យុន​ណាន​របស់​ចិន​ភាគខាងត្បូង បាន​ទៅ​ដល់​រដ្ឋធានី​វៀងចន្ទន៍​របស់​ឡាវ​​កាលពី​យប់​ថ្ងៃ​សៅរ៍​។​

​នៅ​ម៉ោង​ជាង​១១​យប់​ថ្ងៃ​សៅរ៍ រថភ្លើង​ដែល​ដឹក​ម្សៅ​កាល់ស្យូម​ផូស្វាត​ពេញ​បាន​ទៅដល់​ស្ថានីយ​វៀងចន្ទន៍​ខាងត្បូង​។​

​លោ​កចូវ យូ​គូ​យ អ្នកបើក​រថភ្លើង​ជនជាតិ​ចិន​ម្នាក់​បាន​និយាយថា​«​ខ្ញុំ​រីករាយ​និង​រំភើប​ដែល​បាន​ក្លាយជា​អ្នកចូលរួម​ក្នុង​គំរោង​ខ្សែក្រវាត់​និង​ផ្លូវ ជា​អ្នក​ពាំនាំ​មិត្តភាព​រវាង​ចិន​និង​ឡាវ​។​ផ្លូវ​រថភ្លើង​​ចិន​-​ឡាវ​នេះរ​ត់​ដូចគ្នានឹង​ផ្លូវ​ក្នុង​ស្រុកដែរ​តែ​ស្ថានភាព​ផ្លូវ​ល្អប្រសើរ​ជាង ទោះជា​យ៉ាងណា​ដើម្បី​ធានា​សុវត្ថិភាព​រថភ្លើង​ដំបូង យើង​មិន​ហ៊ាន​ដេក​ឬ​សម្រាក​ទេ​»​។​

​រថភ្លើង​ដឹកទំនិញ​ចិន​-​ឡាវ រត់​ជិត​ព្រំដែន​ចិន​-​ឡាវ​កាលពី​ថ្ងៃ​សៅរ៍​

​ផ្លូវ​រថភ្លើង​ថ្មី​នេះ​កាត់បន្ថយ​រយៈពេល​និង​ថ្លៃ​ដឹកជញ្ជូន​ទំនិញ​ជាខ្លាំង​រវាង​ប្រទេស​ទាំង​ពីរ ។​វា​ត្រូវ​បាន​បើកសម្ពោធ​អោយ​ដំណើរការ​សំរាប់​ការដឹកជញ្ជូន​អ្នកដំណើរ​និង​ទំនិញ​កាលពី​ថ្ងៃ​សុក្រ​។​

​វា​ជា​គំរោង​សំខាន់​ជា​ប្រវត្តិសាស្ត្រ​មួយ​នៃ​កិច្ចសហការ​ខ្សែក្រវាត់​និង​ផ្លូវ​គុណភាព​ខ្ពស់ ។​ប្រធានាធិបតី​ចិន ស៊ី ជីន​ភីង និង​សម​ភាគី​ឡាវ បានរួម​គ្នា​ធ្វើជា​សាក្សី​នៃ​ការបើក​ដំណើរការ​ផ្លូវ​រថភ្លើង​នេះ​។​​វា​មាន​ប្រវែង​១.០៣៥​គីឡូម៉ែត្រ ក្នុងនេះ ៤២២​គីឡូម៉ែត្រ​នៅ​ខាង​ឡាវ​ដោយ​ចេញ​ពី​ទីក្រុង​គុន​មិញ​ក្នុង​ខេត្ត​យុន​ណាន​របស់​ចិន មកកាន់​រដ្ឋធានី​វៀងចន្ទន៍​របស់​ឡាវ​។​

​គំរោង​កូនកាត់​រវាង​គំនិត​ផ្លួចផ្តើម​ខ្សែក្រ​វាត់និង​ផ្លូវ​របស់​ចិន​និង​យុទ្ធសាស្ត្រ​របស់​ឡាវ​ដើម្បី​ប្រែក្លាយ​ពី​ប្រទេស​គ្មាន​ព្រំដែន​សមុទ្រ​ទៅ​ជា​មជ្ឈមណ្ឌល​ត​ភ្ជាប់​ដី​គោក នឹង​កាត់បន្ថយ​ពេល​ធ្វើដំណើរ​រវាង​​ទីក្រុង​ទាំង​ពីរ​ប្រមាណ​១០​ម៉ោង​ឯណោះ​៕

​រថភ្លើង​ក្បាល​គ្រាប់​ដ៏​រលោង ធ្វើដំណើរ​ក្នុង​ល្បឿង​១៦០​គីឡូម៉ែត្រ​ក្នុង​មួយ​ម៉ោង កាត់​ព្រៃភ្នំ​និង​ជ្រលង​ភ្នំ ផ្លូវ​រូង​ក្រោម​ដី​១៦៧ និង​ស្ពាន​ចំនួន​៣០១