ដោយ​៖​តារា​រិ​ទ្ធ​/​ភ្នំពេញ​៖​ប្រមុខ​រាជរដ្ឋាភិបាល​កម្ពុជា​សម្តេច​អគ្គមហាសេនាបតី​តេ​ជោ ហ៊ុន សែន នៅ​ព្រឹក​ទី​៩ ខែធ្នូ​នេះ បាន​ថ្លែង​ជា​សាធារណៈ​មួយ​ក្នុង​វេទិការ​ពី​ខេត្តកណ្តាល​សំដៅទៅកាន់​បុគ្គល​ឈ្មោះ កា​ស៊ីត ភិរម្យ ដែល​គេ​ស្គាល់​ថា​ជា​អតីតរដ្ឋមន្ត្រី​ការបរទេស​ថៃ​កាលពី​កំឡុង​ឆ្នាំ​២០១០​ ដែល​បាន​​សម្តែង​ការមិន​ពេញចិត្ត​ចំពោះ​គម្រោង​ដំណើរ​ទស្សន កិច្ច​របស់​សម្តេច​ទៅកាន់​ប្រទេស​មី​យ៉ាន់​ម៉ា​នាពេលខាងមុខ ។​សម្តេច​តេ​ជោ​នាយករដ្ឋមន្ត្រី​កម្ពុជា​បាន​ព្រមានបុគ្គល​ឈ្មោះ កា​ស៊ីត ភិរម្យ ថា​អ្នកឯង​ប្រឆាំង​នៅ​ម្ខាង​ទៅ ​ហើយ​ខ្ញុំ​ដោះស្រាយ​ការងារ​របស់ខ្ញុំ ជា​សិទ្ធិអំណាច​របស់ខ្ញុំ ។

 

​សម្តេច​តេ​ជោ​នាយករដ្ឋមន្ត្រី​បាន​មានប្រសាសន៍ថា​៖«​ខ្ញុំ​បាន​និយាយ​ហើយ​រឿង​ហ្នឹង ចង់​អ្នកណា​ថា​អី​ថា​ទៅ បើ​មិន​ធ្វើការ​ជាមួយ​មី​យ៉ាន់​ម៉ា​ទៅធ្វើ​ការ​ជាមួយ​អ្នកណា​កើត​និយាយ​ឲ្យ ច្បាស់​ព្រោះ​គេ​កំពុង​គ្រប់គ្រង​ប្រទេស យើង​មិនអាច​ទៅធ្វើ​ការ​ជាមួយ​អ្នកណា​ក្រៅពីនេះ​ទេ អ្នកខ្លះ​សប្បាយចិត្ត អ្នកខ្លះ​ថា​ទៅនឹង​ដូច​ទទួលស្គាល់​មី​យ៉ាន់​ម៉ា ,​ទទួលស្គាល់​ឬ​មិន​ទទួល ស្គាល់​វា​ត្រូវតែ​ធ្វើការ​ជាមួយ​គេ ទើប​ដោះស្រាយ​បញ្ហា​ចេញ​» ។

​សម្តេច​បន្តទៀតថា​ខ្ញុំ​សុខចិត្ត​យក​ការទទួលខុសត្រូវ ដើម្បី​ឲ្យ​អាស៊ាន​វិត​ត្រឡប់មក​១០ កុំ​ឲ្យ​អាស៊ាន​មានតែ​៩ បើសិន​កម្ពុជា​ធ្វើ​ដើម្បី​ឯកភាព​អាស៊ាន ហើយ​ទៅជា​ខុស អញ្ចឹង​បាន​សេច ក្តី​ថា​អាស៊ាន​នាំគ្នា​ខុស​និង​ធម្មនុញ្ញ​អាស៊ាន ពី​១០ មក​៩ ចំណែក​ខ្ញុំ​ត្រូវ​តម្រឹម​អាស៊ាន​ឲ្យ​មក​នៅ ១០ អាស៊ាន​កុងសង់ស៊ីស តែ​កុងសង់ស៊ីស​ទាល់តែ​អាស៊ាន​ទាំង​១០ ។ សម្តេច​បន្តថា ពិត​ហើយ​សភាពការណ៍​វា​មិនអាច​ដោះស្រាយ​ទៅ​ម្តង​ដោះចេញ​នោះទេ ខ្មែរ​យើង​ច​ចារ​ខ្មែរ​និង​ខ្មែរ​ប៉ុន្មាន​ឆ្នាំ ១៩៨៧ ដល់​១៩៩១ ខ្មែរ​ផង អន្តរជាតិ​ផង​តែ​វា​ផ្តើមចេញពី​ខ្មែរ​គឺ​រយៈពេល ៤ ឆ្នាំ​ទើប​អាច​ចុះ​ហ​ត្ថេ​ល​ខា​បាន​លើ​កិច្ចព្រមព្រៀង​មួយ ។ ហើយ​នេះ​ទៅ​ម្តង​មិនអាច​ដោះស្រាយ​បានទេ តែ​ហោចណាស់​យើង​អាច​ដឹងបាន​ថា​បញ្ហា​អ្វី​ដែលជា​បញ្ហា​រួមបញ្ហា​អ្វី​ដែលជាបញ្ហា​នៅ​ឃ្លាត​គ្នាដែល​ត្រូវ​រក​វិធី ,​ហើ់យ​បើ​មួយថ្ងៃៗ​គិតតែ​ឈរ​ជេរ​គ្នា​ពី​ខាងក្រៅ ។​

​សម្តេច​តេ​ជោ ហ៊ុន សែន បន្តថា​«​ឥឡូវ​អា​មួយ​នោះ​ធ្លាប់​ជេរ​ខ្ញុំ កាលពី​ឆ្នាំ ២០០៩ អាហ្នឹង​អតីតរដ្ឋមន្ត្រី​ការបរទេស​ថៃ កា​ស៊ីត ភិរម្យ ក្នុង​ជំនាន់ អា​ភិ​ស៊ីត វិចា​ជីវ៉ា ជា​នាយករដ្ឋមន្ត្រី ។ កា​ស៊ីត ភិរម្យ បាន​និយាយ​នៅក្នុង​សភា​ថា ដោយសារ​ពេលនោះ​ថៃ​បាន​លើក​កងទ័ព​ចូល​តំបន់​ប្រាសាទព្រះវិហារ អញ្ចឹ ង​មាន​បញ្ហា​ជាមួយគ្នា យើង​អត់​រករឿង​គេ​ទេ តែ​គេ​រករឿង​យើង គេ​ប្រើពាក្យ​ថា «​សុភា​បុរស ចិត្តជា​អ្នកលេង​» អញ្ចឹង​ខ្ញុំ​ប្រាប់​ទៅវិញ​ថា​ពេល​ប្រជុំ​អា ស៊ាន​ខ្ញុំ​អត់​ទៅ​ប្រជុំ​ទេ អញ្ចឹង កា​ស៊ីត ភិរម្យ បាន​បង្ខំចិត្ត​សរសេរ​សំបុត្រ​មកសុំ​ទោស​ខ្ញុំ បាន​ខ្ញុំ​ទៅ ប្រជុំ អាស៊ាន​តែមួយ​បើ​អ្នកឯង​ចាត់ទុក​ខ្ញុំ​ជា​អ្នកលេង​ទៅហើយ ខ្ញុំ​ចាំបាច់​ទៅ​ប្រជុំ​ធ្វើ​អី ,​ហើយ​ពេលនោះ​សមាជិកសភា​ខាង​គណបក្ស​ភឿ​ថៃបានស្នើ​ឲ្យ កា​ស៊ីត ភិរម្យ ដក​ពា​ក្ស​នោះចេញ ។ ឥឡូវ កា​ស៊ីត ភិរម្យ ដដែល​នោះ​បានមក​ជំទាស់​ខ្ញុំ​ទៅ​មី​យ៉ាន់​ម៉ា សុំ​អញ្ជើញ បើ​អ្នកឯង​ធ្វើ​ប្រឆាំង ប្រឆាំង​រហូត​ទៅ » ។

​សម្តេច​តេ​ជោ ហ៊ុន សែន ក៏បាន​ផ្តាំ​ទៅ កា​ស៊ីត ភិរម្យ ថា​៖«​អ្នកឯង​ត្រូវ​យល់ ពេលដែល​អ្នកឯង​ធ្វើជា​រដ្ឋមន្ត្រីការបរទេស​ថៃ អ្នក​ឯក​ក៏មាន​បញ្ហា​ជាមួយ​កម្ពុជា​ដែរ ,​ឥឡូវ​គោលជំហរ​អ្នក ឯង​អ្នកឯង​ផ្ទុយ​រដ្ឋាភិបាល​ថៃ​ង​ខ្លួន​ផង និង​ផ្ទុយ​ពី​គោលជំហរ​របស់​កម្ពុជា​ផង ។ អញ្ចឹង​ទុកឱ្យ​អ្នកឯង​ប្រឆាំង​នៅ​ម្ខាង​ទៅ ហើយ​ខ្ញុំ​ដោះស្រាយ​ការងារ​របស់ខ្ញុំ ជា​សិទ្ធិអំណាច​របស់ខ្ញុំ ហើយ​ការសង្គ្រោះ​ពី​អាស៊ាន​បែកបាក់​ពី​១០​មក​នៅតែ​៩ ឱ្យទៅជា​អាស៊ាន ​១០ តើ​ខ្ញុំ​មាន​កំហុស​ឬ​អត់​? ហ្នឹង​ចោទ​ជា​សំណួរ​ទៅ​! ឱ្យ​ពួក​អ្នកវិភាគ​លើ​សកលលោក​ផ្នែក​ខាងគេ​ហៅថា ផ្នែក​ខាង​អន្តរជាតិ​អ្នកសរសេរ​អត្ថបទ​ធំៗ​លើ​ពិភព លោក​ឱ្យគេ​វិភាគ​ទៅ​តើ​អាស៊ាន​គួរ​ទុក​៩​ឱ្យ​ខុស​នឹង​ធម្មនុញ្ញ​អាស៊ាន​ឬ​អាស៊ាន​ត្រូវមាន​១០ បញ្ហា​វា​តែ​ប៉ុណ្ណឹង​»​។​

កា​ស៊ីត ភិរម្យ​អតីតរដ្ឋមន្ត្រី​ការបរទេស​ថៃ​នៅក្នុង​សប្តាហ៍​នេះ​បាន​សម្តែង​ការមិន​ពេញចិត្ត​និង​បាន​ជំទាស់​ទៅនឹង​គម្រោង​ដំណើរ​ទស្សនកិច្ច​របស់​ប្រមុ ខ​រដ្ឋាភិបាល​កម្ពុជា​ទៅកាន់​ប្រ​ទេ សមី​យ៉ាន់​ម៉ា​នា​ថ្ងៃទី​៧ និង​ទី​៨ ខែមករា ឆ្នាំ​២០២២​ខាងមុខ ។ អ្វី​ជាការ​កត់សម្គាល់​គឺ​អតីតរដ្ឋមន្ត្រី​ការបរទេស​ថៃ​រូបនេះ​កាលពី​អំឡុង​ឆ្នាំ​២០០៩ និង​ឆ្នាំ​២០១០​នៅពេល​ថៃ​ចូល​ឈ្លា​ន ពាន​តំបន់​ប្រាសាទព្រះវិហារ​របស់​ក​ម្ពុ​ជា​នោះ​គឺ បុគ្គល កា​ស៊ីត ភិរម្យ នេះ​បាន​ប្រើប្រា ស់​ពាក្យសម្តី​មិន​សមរម្យ​និង​រករឿង​កម្ពុជា​ជា​បន្តបន្ទាប់​ជាពិសេស​មកលើ​សម្តេច​តេ​ជោ​នាយករដ្ឋមន្ត្រី​តែម្តង។ប៉ុន្តែ​នៅ​ចុងក្រោយ​បាន​សរសេរ​លិខិត​មកសុំ​ទោស​សម្តេច​តេ​ជោ​នាយករដ្ឋមន្ត្រី​កម្ពុជា​វិញ ៕