​ប្រែ​សម្រួលៈ​វាសនា​/​សៀង​ហៃ​(BLOOMBERG)៖​គម្លាត​កាន់តែ​ធំ​រវាង​ការចាក់​ដូ​សទី​២​និង​ដូស​ជំរុញ​ទី​៣​នៃ​វ៉ាក់សាំង​កូវី​ដ​១៩​របស់​ក្រុមហ៊ុន​ចិន​Sinovac​ផ្តល់​ការការពារ​បាន​ច្រើន​ប្រឆាំង​នឹង​វីរុស​​កូរ៉ូណា ជាង​ការចាក់​វ៉ាក់សាំង​ប្រភេទ​ដូច​គ្នា​តែ​ក្នុង​ចន្លោះពេល​ខ្លី នេះ​បើ​តាម​ការសិក្សា​មួយ​ចេញផ្សាយ​ក្នុង​ទស្សនា​វ​ដ្តី​ពេទ្យ​The Lancet​។​

​យោង​តាម​អ្នកសិក្សា​ស្រាវជ្រាវ​មកពី​ក្រុមហ៊ុន​Sinovac Biotech សកល​វិទ្យាល័យ​Fudan​និង​មជ្ឈមណ្ឌល​គ្រប់គ្រង​និង​បង្ការ​ជំងឺ​ក្នុងស្រុក​ជា​ច្រើន កំរិត​អង្គ​បដិបក្ខប្រាណ​នៅក្នុង​ខ្លួន​មនុស្ស​​ដែល​ទទួល​ដូសទី​៣​នៅ​រយៈពេល​៨​ខែក្រោយ​ចាក់​ដូសទី​២ បាន​កើនឡើង​ទ្វេដង ធៀប​នឹង​មនុស្ស​ចាក់​ដូសទី​៣​នៅ​២​ខែក្រោយ​ការចាក់​ដូ​សទី​២​។​

​ការសិក្សា​បាន​រកឃើញថា កំរិត​ការពារ​របស់​វ៉ាក់សាំង​Sinovac​ដែល​គេ​ស្គាល់​ផង​ដែរ​ថា CoronaVac​ប្រឆាំង​កូវី​ដ​១៩«​ធ្លាក់ចុះ​ខ្លាំង​»​ក្រោយ​ចាក់​២​ដូ​សបាន​៦​ខែ តែ​ការចាក់​ដូ​សទី​៣​នៅ​រយៈពេល​៨​ខែក្រោយ​ចាក់​ស​ដូសទី​២ បង្ហាញ​កំណើន​កំរិត​អង្គ​បដិបក្ខប្រាណ​កើនឡើង​គួរអោយកត់សំគាល់​។​

​ការរកឃើញ​នេះ​កើត​ឡើង​នៅ​ពេល​ប្រទេស​ជាច្រើន​ជុំវិញ​ពិភពលោក បង្កើន​ការចាក់ដូស​ជំរុញ​ចំពេល​ប្រឈម​នឹង​ការមកដល់​វីរុស​បំប្លែង​ខ្លួន​ថ្មី អូ​មី​ក្រុង​។​

​នៅពេល​កន្លែង​ខ្លះ ដូចជា​កូរ៉េ​ខាងត្បូង​កាត់បន្ថយ​គ​ន្លាត​ចាក់​ដូសទី​២​និង​ទី​៣​ពី​ប្រាំ​ខែ​មក​បី​ខែ ជា​យុទ្ធសាស្ត្រ​មួយ​ដែល​បាន​ការយល់ព្រម​ពី​នាយក​ប្រតិបត្តិ​របស់​ក្រុមហ៊ុន​វ៉ាក់សាំង​BioNTech ការ​​សិក្សា​របស់​ទស្សនា​វ​ដ្តី​Lancet​និយាយថា​ការ​ប្រញាប់ប្រញាល់​ចាក់​ដូសទី​៣​មិន​ជា​មធ្យោបាយ​ល្អ​បំផុត​ទេ​សំរាប់​អ្នក​ចាក់​វ៉ាក់សាំង​អសកម្ម​ដូចជា​Sinovac​។​

​វ៉ាក់សាំង​ចិន​ដែល​មាន​មូលដ្ឋាន​នៅ​ក្រុង​ប៉េកាំង​នេះ ជា​វ៉ាក់សាំង​ត្រូវបាន​ប្រើ​ច្រើនជាងគេ​នៅក្នុង​លោក គឺ​២,៣​ពាន់​លាន​ដូស​ត្រូវបាន​ដឹក​ចេញ​ទៅ​កាន់កន្លែង​ផ្សេងៗ​នៅក្នុង​លោក ភាគ​ច្រើន​ទៅកាន់​​ពិភព​កំពុងអភិវឌ្ឍន៍​។​

Sinovac កំពុង​សិក្សា​ថា​តើ​វ៉ាក់សាំង​ខ្លួន​អាច​តតាំង​ជាមួយ​នឹង​អូ​មី​ក្រុង​បាន​កំរិតណា​។​

​នៅ​ចិន​មនុស្ស​ប្រមាណ​៣៨​លាន​នាក់​បាន​ចាក់ដូស​ជំរុញ​នៅពេល​ហុងកុងក៏​បានចាប់ផ្តើម​ចាក់ដូស​ជំរុញ​ដោយ​ប្រើ​វ៉ាក់សាំង​Sinovac ។​

​ការ​សិក្សា​ក៏​បាន​បង្ហាញថា មនុស្ស​អាយុ​៦០​ឆ្នាំ​ឡើង​មាន​បណ្តុំ​អង្គ​បដិបក្ខ​ប្រាណ​(antibody)​ខ្ពស់​ជាង​ក្រុម​មនុស្ស​អាយុ​១៨​ដល់​៥៩​ឆ្នាំ ក្រោយ​ការចាក់​ដូ​សទី​៣៕