ដោយៈ ប​.​ខុន / ភ្នំពេញៈ សីតុណ្ហភាព អប្បបរមា ក្នុង​រង្វង់ ១៧ អង្សា​សេ ពី​ពេលនេះ ដល់​ចុងខែ​ធ្នូ អាចមាន​នៅតែ​តំបន់​ខ្ពង់រាប ភាគ​ឦសាន និង​តំបន់​ខ្នងភ្នំ ក្រៅពីនេះ គឺ​ស្ថិតក្នុង​រង្វង់​លើសពី ២០ អង្សា​សេ​ទាំងអស់ រហូតដល់​ចុងខែ​ធ្នូ ឬ​ដើមខែ​មករា បន្ទាប់ពី​បាតុភូត (​ព្យុះ​២២) នៅ​ក្នង​សមុទ្រ​ចិន​ខាងត្បូង អស់​ឥទ្ធិពល ទើប​សីតុណ្ហភាព អប្បបរមា ចាប់ផ្តើម​ចុះ​សារជាថ្មី​ម្តងទៀត​។​

​លោក ចាន់ យុ​ត្ថា អ្នកនាំពាក្យ និង​ជា​រដ្ឋលេខាធិការ ក្រសួង​ធនធានទឹក និង​ឧតុនិយម បាន​ប្រាប់​ឱ្យ​រស្មី​កម្ពុជា​ដឹង នៅ​ថ្ងៃទី​១០ ខែធ្នូ ឆ្នាំ​២០២១​ថាៈ សីតុណ្ហភាព អប្បបរមា ក្នុង​រង្វង់​កម្រិត ១៧ អង្សា​សេ ពីថ្ងៃ​នេះ រហូតដល់​ចុងខែ​ធ្នូ អាចមាន​នៅតែ​តំបន់​ខ្ពង់រាប ភាគ​ឦសាន និង​តំបន់​ខ្នងភ្នំ​ទេ ក្រៅពីនេះ គឺ​កើនឡើង​លើសពី ២០ អង្សា​សេ​ហើយ ។ តែ​វា​អាច​នឹង​ចុះ​មកវិញ​ម្តងទៀត នៅ​ចុងខែ​ធ្នូ ឬ​ដើមខែ​មករា បន្ទាប់ពី​អស់​ឥទ្ធិពល បាតុភូត​មួយ ដែល​នឹង​កើតមានឡើង នៅ​ពាក់​កណ្តាលខែ​នេះ​។​

​អ្នកនាំពាក្យ ក្រសួង​ជំនាញ ខាងលើ បាន​និយាយ​ឱ្យដឹងទៀតថាៈ នៅ​ពាក់កណ្តាល​ខែធ្នូ នេះ អាច​នឹងមាន​ព្យុះ​ទី​២២ កើតឡើង ដើរ​ចូលមកក្នុង សមុទ្រ​ចិន​ខាងត្បូង រួច​រំកិល ឡើង​ទៅលើ (​ជើង​) រក​កោះ​ហៃណាំ ហើយ​បាន​ថយឥទ្ធិពល ធ្លាក់ចុះ​មកក្រោម​វិញ អាចធ្វើ​ឱ្យមាន​ភ្លៀង ដល់​ប្រទេស​កម្ពុជា តែ​សម្រាប់​រយៈពេល ៤ ទៅ ៥ ថ្ងៃនេះ មិនមាន ភ្លៀង កើតឡើង​ទេ សីតុណ្ហភាព​ក៏​កើន​ឡើងជា​លំដាប់​ដែរ​។ តែ​វា​នឹង​ចុះ​វិញ ពេល​ព្យុះ​ថ្មី អស់​ឥទ្ធិពល និង​មូសុង​ឦសាន រុញ​ខ្លាំង​មកជា​ថ្មី​។​

​ក្រសួង​ធនធានទឹក និង​ឧតុនិយម កាលពី​ថ្ងៃទី​៧ ខែធ្នូ បាន​ជូនដំណឹង ស្តីពី​ការព្យាករណ៍ ស្ថានភាព​អាកាសធាតុ សម្រាប់​ពីថ្ងៃ​ទី​៨ ដល់​ថ្ងៃទី​១៤ ខែធ្នូ ឆ្នាំ​២០២១​ថាៈ ព្រះរាជាណាចក្រ​កម្ពុជា បន្ត​ទទួលរង​ឥទ្ធិពល ពី​ទ្រនុង​សម្ពាធ​ខ្ពស់ រុញ​មកពី​ប្រទេស​ចិន ជាមួយ​ខ្យល់មូសុង​ឦសាន បក់​មក​ក្នុង​ល្បឿន ពី​មធ្យម ទៅ​បង្គួរ ដែល​ស្ថានភាព​បែបនេះ ធ្វើ​ឲ្យ​បណ្តា​ខេត្ត នៅ​តំបន់​វាលទំនាប​កណ្តាល មាន​សីតុណ្ហភាព អប្បបរមា ពី ១៩ ទៅ ២២ អង្សា​សេ សីតុណ្ហភាព អតិបរមា មាន​ពី ២៨ ទៅ ៣០ អង្សា​សេ​។​

​សម្រាប់​បណ្តា​ខេត្ត​នៅជាប់​ជួរ​ភ្នំ​ដងរែក​និង​ខ្ពង់រាប​ឦសាន​មាន សីតុណ្ហភាព អប្បបរមា ពី ១៧ ទៅ ២០ អង្សា​សេ សីតុណ្ហភាព អតិបរមា មាន​ពី ២៧ ទៅ ២៩ អង្សា​សេ​។ សម្រាប់ ខេត្តមណ្ឌលគិរី រតនគិរី ព្រះវិហារ និង​ខេត្ត​ឧ​ត្ត​រ​មានជ័យ សីតុណ្ហភាព អប្បបរមា ស្ថិតនៅក្នុង​រង្វង់ ១៧ អង្សា​សេ​។ សម្រាប់​តំបន់​មាត់សមុទ្រ មាន​សីតុណ្ហភាព អប្បបរមា​ពី ២១ ទៅ ២៣ អង្សា​សេ សីតុណ្ហភាព អតិបរមា មាន​ពី ៣០ ទៅ ៣២ អង្សា​សេ​។​

​ស្ថានភាព​អាកាសធាតុ នៅ​ថ្ងៃទី​១០ ខែធ្នូ ឆ្នាំ​២០២១ នៅ​ខេត្តៈ​
-​មណ្ឌលគិរី សីតុណ្ហភាព អប្បបរមា ១៧,៥ អង្សា​សេ សីតុណ្ហភាព អតិបរមា ២៦ អង្សា​សេ ,
-​រតនគិរី សីតុណ្ហភាព អប្បបរមា ១៧,៥ អង្សា​សេ សីតុណ្ហភាព អតិបរមា ២៤ អង្សា​សេ​, -​ស្ទឹងត្រែង សីតុណ្ហភាព អប្បបរមា ១៨ អង្សា​សេ សីតុណ្ហភាព អតិបរមា ៣១ អង្សា​សេ​, -​ក្រចេះ សីតុណ្ហភាព អប្បបរមា ២២ អង្សា​សេ សីតុណ្ហភាព អតិបរមា ២៩ អង្សា​សេ​, -​សៀមរាប សីតុណ្ហភាព អប្បបរមា ១៩ អង្សា​សេ សីតុណ្ហភាព អតិបរមា ៣២ អង្សា​សេ​, -​កំពង់ធំ សីតុណ្ហភាព អប្បបរមា ២១ អង្សា​សេ សីតុណ្ហភាព អតិបរមា ៣០ អង្សា​សេ​, -​កណ្តាល សីតុណ្ហភាព អប្បបរមា ២២ អង្សា​សេ សីតុណ្ហភាព អតិបរមា ៣១ អង្សា​សេ , -​ពោធិសាត់ សីតុណ្ហភាព អប្បបរមា ២២ អង្សា​សេ សីតុណ្ហភាព អតិបរមា ៣១ អង្សា​សេ​, -​កោះកុង សីតុណ្ហភាព អប្បបរមា ២២ អង្សា​សេ សីតុណ្ហភាព អតិបរមា ៣៣ អង្សា​សេ​, -​ព្រះសីហនុ សីតុណ្ហភាព អប្បបរមា ២២ អង្សា​សេ សីតុណ្ហភាព អតិបរមា ៣០ អង្សា​សេ​, -​កំពង់ចាម សីតុណ្ហភាព អប្បបរមា ២២,៥ អង្សា​សេ សីតុណ្ហភាព អតិបរមា ២៩,៥ អង្សា​សេ​,
-​ត្បូងឃ្មុំ សីតុណ្ហភាព អប្បបរមា ២៣,៥ អង្សា​សេ សីតុណ្ហភាព អតិបរមា ៣១ អង្សា​សេ​, -​តាកែវ សីតុណ្ហភាព អប្បបរមា ២៤ អង្សា​សេ សីតុណ្ហភាព អតិបរមា ៣១ អង្សា​សេ ,
-​កំពត សីតុណ្ហភាព អប្បបរមា ២៤ អង្សា​សេ សីតុណ្ហភាព អតិបរមា ៣៥,៧ អង្សា​សេ​, -​កែប សីតុណ្ហភាព អប្បបរមា ២៣,៥ អង្សា​សេ សីតុណ្ហភាព អតិបរមា ៣១ អង្សា​សេ​, -​ប៉ៃលិន សីតុណ្ហភាព អប្បបរមា ២២,៦ អង្សា​សេ សីតុណ្ហភាព អតិបរមា ២៨,៩ អង្សា​សេ​,
-​ព្រះវិហា សីតុណ្ហភាព អប្បបរមា ២២ អង្សា​សេ សីតុណ្ហភាព អតិបរមា ៣១ អង្សា​សេ​, -​ឧ​ត្ត​រ​មានជ័យ សីតុណ្ហភាព អប្បបរមា ២១,៥ អង្សា​សេ សីតុណ្ហភាព អតិបរមា ៣២ អង្សា​សេ​,
-​កំពង់ស្ពឺ សីតុណ្ហភាព អប្បបរមា ២១ អង្សា​សេ សីតុណ្ហភាព អតិបរមា ៣១ អង្សា​សេ​, -​ព្រៃវែង សីតុណ្ហភាព អប្បបរមា ១៩,៨ អង្សា​សេ សីតុណ្ហភាព អតិបរមា ៣១,៥ អង្សា​សេ​,
-​បាត់ដំបង សីតុណ្ហភាព អប្បបរមា ២៣ អង្សា​សេ សីតុណ្ហភាព អតិបរមា ៣០,៥ អង្សា​សេ​,
-​ស្វាយរៀង សីតុណ្ហភាព អប្បបរមា ២១,៨ អង្សា​សេ សីតុណ្ហភាព អតិបរមា ៣១,៨ អង្សា​សេ​៕/V​