​ប្រែ​សម្រួលៈ​វាសនា​(VnExpress)៖ វៀតណាម​កាលពី​យប់​ថ្ងៃ​អង្គារ​បាន​រាយការណ៍​ចំនួន​ឆ្លងកូវី​ដ​១៩​ក្នុងស្រុក​ថ្មី​១៦.៣១៦​នាក់​ទៀត​នៅ​៦២​ខេត្ត​ក្រុង ហើយ​រដ្ឋធានី​ហាណូយ​​បន្ត​ឆ្លង​នាំមុខគេ​។​

​ក្រុង​ហាណូយ​នៅ​ថ្ងៃនេះ​មាន​អ្នក​ឆ្លង​ថ្មី ១.៧០៤​នាក់ បន្ទាប់​មក​ខេត្ត​កា​ម៉ៅ​នៅ​តំបន់​ដីសណ្តរ​ទន្លេមេគង្គ​មាន​អ្នក​ឆ្លង​ថ្មី​១.៥៩០​នាក់ និង​ខេត្ត​តៃនិញ​ជាប់​ទីក្រុង​ហូជីមិញ​​មាន​អ្នក​ឆ្លង​ថ្មី ៩៣៩​នាក់ ។​ចំណែក​ក្រុង​ហូជីមិញ​ដែល​ធ្លាប់តែ​នាំមុខគេ​អស់​រាប់​ខែ​មាន​អ្នក​ឆ្លង​ថ្មី ៨១៣​នាក់​។​

​ក្រសួង​សុខាភិបាល​ក៏​បាន​ប្រកាស​អ្នកស្លាប់​ដោយកូវី​ដ​ចំនួន​២៥០​នាក់​ទៀត ក្នុងនេះ​៥៨​នាក់​នៅ​ក្រុង​ហូជីមិញ និង​៣១​នាក់​នៅ​តៃនិញ​ដែល​នាំ​អោយ​ចំនួន​អ្នក​ស្លាប់​ដោ​​យ​កូវី​ដស​រុប​នៅ​ទូទាំង​ប្រទេស​តាំងពី​ឆ្នាំ​មុន​មក​កើន​ដល់​៣០.០៤១​នាក់​។​

​ការផ្ទុះកូ​វីដ​១៩​នៅ​រលក​ទី​៤​ចាប់តាំងពី​ចុង​ខែ​មេសា​មក​នាំអោយ​មាន​អ្នក​កើត​ជំងឺ​នេះ​សរុប​ជាង​១,៥៦​លាន​នាក់ តែ​១,១៥​លាន​នាក់​បាន​ជាសះស្បើយ​។​

​សូមបញ្ជាក់​ថា ក្នុងចំណោម​ប្រជាជន​វៀតណាម​៩៦​លាន​នាក់ ៦២,៩​លាន​នាក់​បាន​ចាក់​វ៉ាក់សាំង​ការពារកូ​វីដ​២​ដូសពេញ​លេញនិ​ងជាង​១,៣​លាន​នាក់​បាន​ចាក់ដូស​ជំរុញ​​ទី​៣៕

​ស្ត្រី​វៀតណាម​ធ្វើតេស្តិ៍​រក​កូវី​ដ​១៩​នៅ​មន្ទីរពេទ្យ​មួយ​ក្នុង​ទីក្រុង​ហាណូយ​កាលពី​ថ្ងៃ​៩​ធ្នូ​