ដោយៈ​ដេប៉ូ​/​ភ្នំពេញៈ​ក្រសួង​អប់រំ​យុវជន និង កីឡា​បានប្រកាស​ពី​លទ្ធផល​សរុប​នៃ​ដំណើរការ​សំណេរ​ថ្ងៃទី​១ នៃ​ការប្រឡង​សញ្ញាបត្រ​មធ្យមសិក្សា​ទុតិយភូមិ​ឬ​ហៅថា​បាក់​ឌុប​សម័យ​ប្រឡង ២៧ ធ្នូ​២០២១​ដោយ​រលូន​និង ពុំមាន​ហេតុការណ៍​អ្វី​គួរកត់សម្គាល់​ឡើយ​។​

ក្រសួង​អប់រំ​បានឱ្យដឹងថា​”​បរិយាកាស​ទូទៅ​ក្រោយពេល​បញ្ចប់​ដំណើរ​សំណេរ​នា​ថ្ងៃទី​១​នៃ​ការប្រឡង​ដំណើរការ សំណេរ នា​ថ្ងៃទី​១ នៃ​ការប្រឡង​សញ្ញាបត្រ​មធ្យមសិក្សា​ទុតិយភូមិ​ចំណេះ​ទូទៅ និង​បំពេញវិជ្ជា សម័យ​ប្រឡង​៖ ២៧ ធ្នូ ២០២១ ត្រូវបាន​បញ្ចប់​ដោយ​ជោគជ័យ​និង​មិនមាន​ហេតុ​ការខុស​ប្រក្រតី​កើតមានឡើង​គួរឱ្យកត់សម្គាល់​នោះទេ​”​។​

ក្រសួង​បាន​បន្ត​ឱ្យដឹងថា បេក្ខជន​ដែល​បាន​ចេញពី​មណ្ឌល​ប្រឡង​មាន​ទឹកមុខ​ស្រស់ស្រាយ​ស​ប្បាយ​រីករាយ​ដែល បញ្ជាក់ថា​ដំណើរការ​ប្រឡង​សញ្ញាបត្រ​មធ្យមសិក្សា​ទុតិយភូមិ​ពិតជា​ប្រព្រឹត្ត​ទៅដោយ​គោរព​តាម​គោលការណ៍​ច្បាប់ យុត្តិធម៌ តម្លាភាព និង​លទ្ធផល​ទទួលយកបាន​៕​សរន​