ក្រសួង​អប់រំ​ យុវជន​និង​កីឡា​បានប្រកាសថា​ដំណើរការ​សំណេរ​នៃ​ការប្រឡង​សញ្ញាបត្រ​មធ្យមសិក្សា​ទុតិយភូមិ​ដែលបាន​ប្រព្រឹត្តទៅ​រយៈពេល​ពីរ​ថ្ងៃ គឺ​នៅ​ថ្ងៃទី​២៧-២៨ ខែធ្នូនេះ បាន​ប្រព្រឹត្ត​ទៅដោយ​រលូន និង​មាន​សណ្តាប់ធ្នាប់ក្រោម​គោលការណ៍​ច្បាប់ យុត្តិធម៌ តម្លាភាព និង​លទ្ធផល​ទទួលយកបាន ព្រមទាំង​ស្រប​នឹង វិធានការ​សុវត្ថិភាព​សុខភាព​។ នេះ​បើ​យោងតាម​សេចក្តីប្រកាស​ព័ត៌មាន​របស់​ក្រសួង​អប់រំ យុវជន និង​កីឡា នៅ​ល្ងាច​ថ្ងៃទី​២៨ ខែធ្នូនេះ​។​