​​ដោយៈ បាយ័ន / សៀមរាបៈ រដ្ឋបាល​ខេត្តសៀមរាប បានប្រកាស​ផ្អាក​ការធ្វើ​ចរាចរ លើ​កំណាត់​ផ្លូវ​មួយចំនួន ក្នុង​ក្រុង​សៀមរាប ដើម្បី​នឹង​រៀបចំ​ប្រារព្ធ​ពិធី​អបអរសាទរ បុណ្យ​ឆ្លង​ឆ្នាំ​ថ្មី ឆ្នាំ​សកល ឆ្នាំ​២០២២ ខាងមុខនេះ ដែល​នឹង​ប្រព្រឹត្តទៅ នៅ​ថ្ងៃទី ៣០-៣១ ខែធ្នូ ឆ្នាំ​២០២១ ដល់​ថ្ងៃទី​១ ខែមករា ឆ្នាំ​២០២២​។​

​តាម​សេចក្តីជូនដំណឹង​របស់ សាលាខេត្ត​សៀមរាប បានឱ្យដឹងថាៈ នៅ​សួនច្បារ ព្រះរាជដំណាក់ ក្រុង​សៀមរាប ដោយមាន​រៀបចំ​ការតាំងពិព័រណ៍ ប្រគំ​តន្ត្រី សម្តែង​សិល្បៈ​កម្សាន្ត នានា​ជាច្រើន ព្រមទាំង​មានការ​បាញ់​កាំជ្រួច អបអរសាទរ​ឆ្នាំ​ថ្មី ឆ្នាំ​សកល ។

​រដ្ឋបាលខេត្ត សូម​ផ្អាក​ការធ្វើ​ចរាចរ ជា​បណ្តោះអាសន្ន ចាប់ពី​ថ្ងៃទី​៣០ ខែធ្នូ ឆ្នាំ​២០២១ វេលា​ម៉ោង ២៤:០០ នាទី រហូតដល់​បញ្ចប់​កម្ម​វិធី នៅ​ទីតាំង​សំខាន់ៗ មួយចំនួន នៅក្នុង​ក្រុង​សៀមរាប ដូច​មានភ្ជាប់​មកជា​មួយ សេចក្តីជូនដំណឹង និង​ផែនទី ខាងក្រោម​៖​