​ដោយៈ ភ្នំ​សន្ទុក -​ភ្នំ​ស្វាយ / កំពង់ធំៈ នៅ​រសៀល ថ្ងៃទី​៣១ ខែធ្នូ ឆ្នាំ​២០២១ នេះ លោក ងួន រតនៈ អភិបាលខេត្ត​កំពង់ធំ លោក ឈុន ឈន់ ប្រធាន​ក្រុមប្រឹក្សា ខេត្តកំពង់ធំ និង​មន្ត្រី​ជាច្រើនរូប នៃ​សាលាខេត្ត​ទាំងអស់ បាន​ចូលរួម​សំណេះ សំ​ណា​ល និង​និមន្ត​ព្រះសង្ឃ ប្រោះព្រំ​សិរី​សួស្តី ឆ្នាំ​ថ្មី ២០២១ ឈានចូល​ឆ្នាំ ២០២២​។​

​លោក​អភិបាល​ខេត្តកំពង់ធំ បាន​ថ្លែងថា សូម​មន្ត្រី​បម្រើ​ការងារ សេវាសាធារណៈ ជូន​ប្រជាពលរដ្ឋ អោយ​លឿន​រហ័ស មិន​ទុកអោយ​យូរ អនុវត្តន៍​អោយ​ជូន​ពួកគាត់ ។ ​ការដេញថ្លៃ ដោយ​យឺតយ៉ាវ គឺ​ដោយសារ​មុន​ដេញថ្លៃ គឺ​ត្រូវ​សិក្សារ​គម្រោង​ជាមុន ដូច្នេះ​ត្រូវ​ស្វែងយល់​បន្ថែមទៀត​។ ការអភិវឌ្ឍន៍ ត្រូវ​គម្រោង​បានច្បាស់លាស់ ទើប​ការរីកចម្រើន មាន​មួយ​ឆ្នាំទៅ​មួយឆ្នាំ ឥតឈប់ឈរ ។ មន្ត្រីរាជការ​ក្រោម​ឱវាទ ទាំងអស់ សូម​រក្សា រាល់​ឯកសារ ឲ្យ​បានល្អ ឲ្យ​បានច្បាស់លាស់ ។​

​លោក ងួន រតនៈ អភិបាលខេត្ត​កំពង់ធំ ថ្លែងបន្តថាៈ ប្រជាពលរដ្ឋ រំពឹង​ទៅលើ​ភូមិ រំពឹង​ទៅលើ​មេឃុំ រំពឹង​ទៅលើ​អភិបាលស្រុក ក្រុង ដូច្នេះហើយ​បើ​មាន​អ្វី​ប៉ះពាល់ គឺ​ត្រូវ​រាយការណ៍ មក​ថ្នាក់លើ​ជាបន្ទាន់ ឬក៏​ដោះស្រាយ ឬក៏​អង្គភាព​ត្រូវ​ដោះស្រាយ អោយបាន​ត្រឹមត្រូវ​ច្បាស់លាស់ ជូន​ប្រជាពលរដ្ឋ ដោយ​មិន​ប្រកាន់ ពណ៌​សម្បុរ ពូជសាសន៍ គោលនយោបាយ ឡើយ​។

​លោក ងួន រតនៈ បាន​បន្ថែមថាៈ មន្ត្រី​ជំនាញ​ពាក់ព័ន្ធ​ទំនាស់ និង​បញ្ហា​ផ្សេងៗ ដែល​នៅ​សេសសល់ សូមព​ន្លឿ​ន បញ្ហា​សេសសល់​ទាំងអស់នេះ ទោះបី​ដោះស្រាយ ក្រៅ​ប្រព័ន្ធតុលាការ ឬ​ក្នុង​ប្រព័ន្ធតុលាការ ក៏ដោយ ត្រូវតែ​ព​ន្លឿ​ន ឱ្យបាន​ឆាប់រហ័ស​។ មន្ត្រី​ពាក់ព័ន្ធ​ទាំងអស់​ត្រូវ​សិក្សា​លម្អិត ស្រាវជ្រាវ​អោយ​ល្អិតល្អន់ គឺ​យើង​នាំគ្នា​រក វិធីសាស្ត្រ​ណាមួយ អោយ​លឿន គឺ​មិន​ទុកអោយ​យូរ​ឡើយ​៕/V