​ប្រែ​សម្រួលៈ​វាសនា​/​ហាណូយ​៖ ក្រសួង​ពាណិជ្ជកម្ម​វៀតណាម​បាន​ស្នើសុំ​អាជ្ញាធរ​ខេត្ត​ហ្កាងស៊ី​របស់​ចិន ចាត់វិធានការ​បន្ទាន់​ដើម្បី​បន្ធូរបន្ថយ​ការកកស្ទះ​ទំនិញ​នៅ​ព្រំដែន​ក្រោយពី​គយ​ចិន​បង្កើន​ការ​​គ្រប់គ្រង​ព្រំដែន​របស់​ខ្លួន​ជាមួយ​បណ្តា​ប្រទេស​ក្បែរ​ខាងក្នុង​ការអនុវត្ត​គោលនយោបាយ​កូវី​ដ​សូន្យ​។​

​រូបភាព​និង​វីដេអូ​បង្ហោះ​ដោយ​ទីភ្នាក់ងារ​សារព័ត៌មាន​វៀតណាម​(VNA)​បានបង្ហាញ​រថយន្ត​កុងតេ​នឺ​រាប់ពាន់ជាប់​នៅ​ព្រំដែន​ក្រោយពី​មាន​សេចក្តីរាយការណ៍​ថា អាជ្ញាធរ​ចិន​ក្នុង​ខេត្ត​ហ្កាងស៊ី​បានរក​​ឃើញកូ​វីដ​១៩​ជាប់​តាម​ទំនិញ​នាំចូល​ពី​វៀតណាម​។​

VNA​បាន​រាយការណ៍​ថា វិធានការ​បង្ការ​កូវី​ដ​១៩​ដែល​ខេត្ត​ហ្កា​ស៊ី​កំពុង​អនុវត្ត រួម​មាន​ការ​បិទ​ច្រក​ព្រំដែន​ឬ​បញ្ឈប់​ការនាំ​ចូល​ផ្លែឈើ «​វា​ហួស​ពី​ការ​ចាំបាច់​។​ការរំខាន​នេះ​ប៉ះពាល់​អវិជ្ជមាន​លើ​ពាណិជ្ជកម្ម​​ទ្វេភាគី​និង​ខាតបង់​ដល់​ស្ថាប័ន​ក្រុមហ៊ុន​ជំនួញ​និង​ប្រជាជន​នៃ​ប្រទេស​ទាំង​ពីរ​»​។​

​ជា​ការឆ្លើយតប ពួក​មន្ត្រី​ពាណិជ្ជកម្ម​ខេត្ត​ហ្កាងស៊ី បាន​និយាយថា​ពួកគេ​នឹង​បង្កើន​ពេល​ត្រួតពិនិត្យ​របស់​គយ​សំរាប់​ទំនិញ​វៀតណាម​និង​បញ្ជូន​សំណើ​ផ្សេងៗ​របស់​វៀតណាម​ទៅកាន់​អាជ្ញាធរ​ថ្នាក់លើ​។​

​សូមបញ្ជាក់​ថា ចិន​ជា​ដៃគូ​ពាណិជ្ជកម្ម​ធំ​បំផុត​របស់​វៀតណាម​និង​ជា​ផ្សារ​ធំ​បំផុត​សំរាប់​បន្លែ​ផ្លែឈើ​វៀតណាម​។​

​ចំណូល​បាន​មក​ពី​ពាណិជ្ជកម្ម​កសិផល​នៃ​ប្រទេស​ទាំង​ពីរ​នៅ​១១​ខែ​ដើមឆ្នាំ​២០២១​បាន​កើន​១៩,៥​ភាគរយ​ធៀប​នឹង​រយៈពេល​ដូចគ្នា​កាលពី​ឆ្នាំមុន រហូត​ដល់​ចំនួន​១១៣​ពាន់​លាន​ដុល្លារ​៕

default

​រថយន្ត​ដឹក​កុងតេ​នឺ​ផ្លែឈើ​រាប់ពាន់​កកស្ទះ​នៅ​ព្រំដែន​វៀតណាម​-​ចិន​នាំអោយ​ផ្លែឈើ​វៀតណាម​រលួយ​ស្អុយ​រាប់សិប​តោន​ដោយសារ​ចិន​រឹតបន្តឹង​ព្រំដែន​ខណៈ​វៀតណាម​កំពុង​ផ្ទុះ​កូវី​ដ​១៩