ដោយៈ ដកស្រង់​ពី​វចនានុក្រម សម្តេច​សង្ឃរាជ ជួន ណាត​

​ខ្ពង់រាប​

​នាមសព្ទ​

​ខ្នងភ្នំ ឬ ខ្នង​ទួល ដែលមាន​ផ្ទៃដី​រាបស្មើ​ទូលាយ​វែងឆ្ងាយ ។​

​គ្រាប់​

​នាមសព្ទ​

​ពូជ​កើត​ក្នុង​ផ្លែ​មាន​សណ្ឋាន​ផ្សេងៗ​
​គ្រាប់ស្វាយ​, គ្រាប់ខ្នុរ​, គ្រាប់សណ្ដែក ។ ល ។​

​នាមសព្ទ​

​ដុំ​មូល​ធ្វើ​ដោយ​លោហជាតិ​ផ្សេងៗ មាន​សំណ​ជាដើម សម្រាប់​ច្រក​ក្នុង​កាំភ្លើង​ហើយ​បាញ់​
​គ្រាប់កាំភ្លើង ។​
​ដុំ​ក្រួស ឬ ដុំ​ដី​លញ់​សម្រាប់​ច្រក​កាំភ្លោះ​ជាដើម​ហើយ​បាញ់​
​គ្រាប់កាំភ្លោះ ។​

​គ្រាប់បែក​

​នាមសព្ទ​

​គ្រាប់​មាន​សណ្ឋាន​ផ្សេងៗ ខាងក្នុង​មាន​ដាក់​វត្ថុ​ធាតុ​អាច​ផ្ទុះ​បែក​ឬ​អាច​បណ្ដាល​ជា​ភ្លើង​ឆេះ . . .​ចោល​គ្រាប់បែក​, ទម្លាក់​គ្រាប់បែក ។​

​ចតុរាបាយ​

(​ចៈតុ​រ៉ា​បាយ​)

នាមសព្ទ​

(​សំ​. បា​.) ភូមិ​, ភព​, ទី​សម្រាប់​សត្វ ដែលមាន​បាប​បណ្ដាល​ឲ្យ​ឃើញ​ស្ដែង​ក្នុង​កាល​ជិត​ស្លាប់ ទៅ​ចាប់កំណើត​នៅ​រង​ទុក្ខ​, មាន ៤ យ៉ាង​គឺ នរក​, ប្រេត​, អសុរកាយ​, តិរច្ឆាន (​ម​. ព​. ទាំងនោះ និង អបាយ​, អបាយភូមិ ផង​) ។​

​ច្រាប​

​នាមសព្ទ​

​អំណាច​ភ័យ​
​ច្រាបជាន់ ។​
​ដីប្រៃ​
​ដី​ច្រាប ។​
​ឈ្មោះ​ផ្សិត​ដែល​ដុះ​នៅ​ដី​ច្រាប​
​ផ្សិត​ច្រាប ។​