​ប្រែ​សម្រួល : កញ្ញា​ដា​លី​ស (​ដេលី​មែ​ល​) ៖ ព្យុះ​រដូវរងា​ដ៏​ធំ​បាន​គ្របដណ្ដប់​ព្រិល​លើ​ទ្វីប​អាម៉េរិក​ខាងជើង​កាលពី​ថ្ងៃ​ចន្ទ​ទី​១៧​មករា​ខណៈ​វា​បាន​បោកបក់​លើ​ឆ្នេរសមុទ្រ​ភាគ​ខាងកើត​សហរដ្ឋ​អាម៉េរិក​​រហូតដល់​ប្រទេស​កាណាដា ដោយ​រំខាន​ដល់​ការធ្វើដំណើរ និង​កាត់ផ្តាច់​ចរន្តអគ្គិសនី​ដល់ផ្ទះ​រាប់​ម៉ឺន​ខ្នង​។​

​យោង​តាម​វេបសាយ PowerOutage.us បានឱ្យដឹងថា ប្រជាជន​អាម៉េរិក​ប្រហែល ១២០.០០០ នាក់​គ្មាន​ភ្លើង​ប្រើ​នៅ​រសៀល​ថ្ងៃ​ចន្ទ​តែ​បាន​ចាប់ផ្តើម​មាន​ឡើង​វិញ​នៅ​ល្ងាច​ថ្ងៃ​ចន្ទ​។​ការ​ដាច់​ភ្លើង​​ដ៏​ធំ​នេះ​បាន​កើតឡើង​នៅ​រដ្ឋ​បែរ​ទៅ​កណ្តាល​មហាសមុទ្រ​អា​ត្លង់​ទិក គឺ វើជី​នៀ​ខាងលិច និង​រដ្ឋ​ភាគ​អាគ្នេយ៍ គឺ​ខា​រ៉ូ​លីណា​ខាងជើង​និង​ខាង​ត្បូង និង​ច​ច​ចៀ​។​

​យោង​តាម​វេបសាយ​តាមដាន​ជើងហោះហើរ FlightAware បានឱ្យដឹងថា ជើងហោះហើរ​ជាង ១.៧០០ ចូល​ឬ​ចេញ​ពី​សហរដ្ឋ​អាម៉េរិក​ត្រូវបាន​លុប​ចោល​កាលពី​ល្ងាច​ថ្ងៃ​ចន្ទ​បន្ថែម​ពី​លើ​ជើង​ហោះ​​ហើរ​ចំនួន ៣.០០០ កាលពី​ថ្ងៃអាទិត្យ​។​

​ផ្នែក​ដ៏​ធំ​នៃ​ខេត្ត​កេប៊ិ​ក​និង​ខេត្ត​អនថា​រី​អូ (Ontario)​របស់​កាណាដា​នៅតែ​ស្ថិតនៅក្រោម​ការព្រមាន​អំពី​ព្យុះ​រដូវរងា​ឬ​ព្យុះ​ព្រិល នេះ​បើ​យោង​តាម​វេបសាយ​រដ្ឋាភិបាលកាណា​ដា​។​

​លោក អាន​ថូ​នី ហ្វា​នែល (Anthony Farnell) ជា​ប្រធាន​ព្យាករណ៍​ឧតុនិយម​នៃ​ប៉ុស្តិ៍​ទូរទស្សន៍​កាណាដា Global News បាន​និយាយថា នៅ​ទីក្រុង​តូ​រ៉ុន​តូ ព្រិល​រហូត​ដល់​កម្រាស់ ៦០ សង់ទីម៉ែត្រ​រំពឹង​កើតឡើង ដែល​នេះ​ជា “​ព្យុះ​ប្រវត្តិសាស្ត្រ​សម្រាប់​ទីក្រុង​”៕

​ព្យុះ​ព្រិល​នៅ​កាណាដា​និង​ភាគ​ខាងកើត​សហរដ្ឋ​អាម៉េរិក​កំពុង​បង្អាក់​ការធ្វើដំណើរ