ដោយៈ ជា សីហៈ​/​ភ្នំពេញៈ នៅ​ក្រសួង​វប្បធម៌ និង​វិចិត្រសិល្បៈ លោកស្រី ភឿង ស​កុ​ណា រដ្ឋមន្ត្រីក្រសួង​វប្បធម៌ និង​វិចិត្រសិល្ប​:​បានអនុញ្ញាត​ជូន​លោកស្រី ចិន្តា ក្លេ​ខៃ ប្រធាន​សមាគម​អភិរក្ស​ដំរី​អៃ​រាវ​ត្តា និង​សហការី ចូលជួប​សម្តែង​ការគួរ​សមនិង​រាយការណ៍​ជូន​អំពី​សមិទ្ធិផល​ការងារ​របស់​សមាគម​ដែល​បាន​អនុវត្ត​ក្នុង​ឆ្នាំ​២០២១​កន្លងមក និង​សុំ​អនុសាសន៍​ណែនាំ​ចំពោះ​ទិសដៅ​ការងារ​បន្ត​សម្រាប់​ឆ្នាំ​២០២២​។​

​កន្លងមក​ក្រសួង​បាន​គាំទ្រ​សមាគម​នូវ​សកម្មភាព​អភិរក្ស​សត្វ​ដំរី និង​ក្នុងនាម​លោកស្រី​ផ្ទាល់ ក៏​ធ្លាប់បាន​ចូលរួម​បរិច្ចាគ​ជា​ថវិកា​នៅក្នុង​កម្មវិធី​សប្បុរសធម៌ ដើម្បី​ទ្រទ្រង់​សកម្មភាព​ដ៏​មាន​សារសំខាន់​នេះ ។

​សព្វថ្ងៃ​សមាគម​នេះ​បាន​កំពុង​និង​ថែរក្សា​ការពារ​សត្វ​ដំរី​ចំនួន ០៤​ក្បាល ដោយនៅ​ក្នុងនោះ ឈ្មោល​០៣ នៅ​ខេត្តរតនៈគិរី ភូមិភាគ​ឥសាន​នៃ​ប្រទេស​កម្ពុជា​៕​