ដោយៈ សុខ​សុ​ភ័​ណ្ឌ / កំពង់ស្ពឺៈ បុរស​ម្នាក់ បាន​ស្លាប់​ភ្លាមៗ នៅនឹងកន្លែង កើតហេតុ ដោយសារ​រថយន្ត បុក​ម៉ូតូ​របស់គាត់ នៅតាម​បណ្តោយ​ផ្លូវជាតិ​លេខ​៤ ត្រង់​ចន្លោះ​គីឡូម៉ែត្រ លេខ ៦៤-៦៥ ស្ថិត​ក្នុងភូមិ​ត្រពាំង​ក្រឡឹង ឃុំ​គី​រី​វន្ត ស្រុក​ភ្នំស្រួច ខេត្តកំពង់ស្ពឺ កាលពី​យប់ ថ្ងៃទី​១៩ ខែមករា ឆ្នាំ​២០២២​។​

​នគរបាល​មូលដ្ឋាន បាន​ឲ្យ​ដឹងថាៈ មុន​កើតហេតុ គេ​ឃើញ​រថយន្ត​មួយគ្រឿង ម៉ាក​នីសា​ន់ ពណ៌​ត្រេអ៊ី ពាក់​ស្លាក់​លេខ ខេមរភូមិន្ទ 3.5844 មិន​ស្គាល់​អត្ត សញ្ញាណ​អ្នកបើកបរ​បើក​បរម​ក​ពី​ទិសខាងកើត ទៅខាង​លិច លុះ​មកដល់ ចំណុច​ខាងលើ បាន​បុក​ពីក្រោយ ម៉ូតូ ម៉ាក​ហុងដា វ៉េវ អាល់​ហ្វា ពណ៌​ខ្មៅ គ្មាន​ពាក់​ស្លាក់​លេខ បើកបរ​ដោយ​ឈ្មោះ សែម សុ័​ភ​ក្រ ភេទ​ប្រុស អាយុ ៤៦ ឆ្នាំ មាន​លំនៅ នៅ​ភូមិ​សំណាញ់ ឃុំ​ភ្នំ​សំពៅ ស្រុក​បាណន់ ខេត្តបាត់ដំបង ដែល​កំពុង បើកបរ​ស្រប​ទិស​គ្នា បណ្តាល​ឲ្យ​ស្លាប់​អ្នកបើកបរ​ម៉ូតូ​។ ចំណែក​អ្នក បង្ក បាន​រត់​គេចខ្លួនបាត់ ក្រោយ​កើតហេតុ​រួច​ភ្លាមៗ​។​

​ប្រភព​បាន​បន្តទៀតថាៈ ក្រោយ​កើតហេតុ សព​ជនរងគ្រោះ បានប្រគល់​ឲ្យ ក្រុមគ្រួសារ ចំណែក​វត្ថុតាង​ទាំងពីរ យកមក​រក្សាទុក នៅ​អធិការដ្ឋាន​នគរបាល ស្រុក​ភ្នំស្រួច ដើម្បី​ចាត់ការ​តាម​នីតិវិធី ៕/V​-PC