នាយករដ្ឋមន្រ្តីថៃ លោក ប្រាយុទ្ធ ចាន់អូចា កាលពីថ្ងៃព្រហស្បតិ៍ទី២០មករានៅតែនិយាយថា លោកមិនមានផែនការរុះរើគណៈរដ្ឋមន្រ្តី ឬក៏រំលាយសភានិងកោះធ្វើការ បោះឆ្នោតមុនកាលកំណត់អីទេ។ការអះអាងរបស់លោកប្រាយុទ្ធបែបនេះកើតឡើងបន្ទាប់ពីគណបក្សកាន់អំណាច ផាឡាង ប្រាចារ៉ាត (PPRP)បានសំរេចកាលពីយប់ថ្ងៃពុធបណ្តេញអគ្គលេខាបក្ស និងសមាជិកសភា២០រូបទៀតនៅក្រោមការគ្រប់គ្រងរបស់លោក ដោយសារតែពួកគេបានបង្កការបែកបាក់នៅក្នុងបក្ស។