ដោយៈ ជា សីហៈ​/​ភ្នំពេញៈ លោក វិចទ័រ ហ្សូ​នា អនុរដ្ឋលេខាធិការ​ក្រសួង​រ៉ែ និង​ថាមពល បាន​ដឹកនាំ​មន្ត្រី​ជំនាញ​ពាក់ព័ន្ធ ចូលរួម​កិច្ចប្រជុំ​ក្រុមប្រឹក្សា បច្ចេកទេស​ភាពជា​ដៃគូ​ថាមពល​មេគង្គ​-​ជប៉ុន​-​អាមេរិក (Japan – U.S. – Mekong Power Partnership – JUMPP) តាម​ប្រព័ន្ធ​អន​ឡាញ​ដោយមាន​ការចូលរួម​ពី បណ្តា​ប្រទេស​ពាក់ព័ន្ធ​រួមមាន ឡាវ វៀតណាម ថៃ និង​ជប៉ុន​ផងដែរ​។

​កិច្ចប្រជុំ​នេះ បាន​ពិនិត្យ​ពិភាក្សា​លើ​សេចក្តីព្រាង​បឋម​នៃ​ផែនការ​សកម្មភាព នៃ​សមាជិក​កិច្ចប្រជុំ ដែល​រៀបចំឡើង​ដោយ​សមាគមន៍​ថាមពល​អាមេរិក និង​ផ្តោតលើ​របៀបវារៈ​សំខាន់ៗ​មួយចំនួន រួមមាន គម្រោង​ថាមពល​ស្អាត​, ការអភិវឌ្ឍ​ទីផ្សារ​ថាមពល​និង​ការវិនិយោគ , និង ពាណិជ្ជកម្ម​ថាមពល​ក្នុង​តំបន់​។

​នៅពេលនេះ កម្ពុជា​កំពុងតែ​យកចិត្តទុកដាក់​ខ្លាំង​នៅក្នុង​ការស្វែងរក​ថាមពល ជាពិសេស​គឺ​ថាមពល​ស្អាត​ហើយ​មាន​គម្រោង​វិនិយោគ​ដែល​ប្រើ​ថាមពល​ពន្លឺ ព្រះអាទិត្យ​ជាច្រើន​កន្លែង កំពុងតែ អនុវត្ត​នៅក្នុង​ប្រទេស ៕​/PC