ប្រែ​សម្រួល : កញ្ញា​ដា​លី​ស (​ដេលី​មែ​ល​) ៖ ក្រុមមន្ត្រី​បាន​និយាយ​កាលពី​ថ្ងៃ​ព្រហស្បតិ៍​ទី​២០​មករា​ថា ប្រទេស​ថៃ​នឹង​បន្ត​គម្រោង​ធ្វើដំណើរ​ដោយ​មិនចាំបាច់​ធ្វើ​ចត្តា​ឡីស័​កចាប់​ពី​ថ្ងៃទី ១ ខែ​កុម្ភៈ បន្ទាប់​ពី​កម្មវិធី​នេះ​ត្រូវបាន​ផ្អាក​ដោយសារ​តែ​មេរោគ​បំប្លែង​ខ្លួន​អូ​មី​ក្រុង ដែល​ឆ្លង​រា​ដាល​យ៉ាង​រហ័ស​។​

​ការទប់ស្កាត់​ការធ្វើដំណើរ​ដោយសារ​ជំងឺ​រាតត្បាត​បាន​បង្ក​ផល​ប៉ះពាល់​ដល់​ប្រទេស​សេដ្ឋកិច្ច​ពឹង​លើ​វិស័យ​ទេសចរណ៍​មួយ​នេះ ដោយ​នាំ​ឱ្យ​ចំនួន​អ្នកទស្សនា​ធ្លាក់ចុះ​ដល់​កម្រិត​ទាប​បំផុត​។​

​អ្នកនាំពាក្យ​របស់​ក្រុមការងារ​ទប់ស្កាត់​កូវី​ដ​១៩ របស់​ថៃ លោក ថា​វី​ស៊ីន វី​សានូ​យ៉ូ​ធិន (Taweesin Visanuyothin)​បាន​ប្រាប់​អ្នកយកព័ត៌មាន​ថា​អ្នក​ធ្វើ​ដំណើរ​ដែល​បាន​ចាក់​វ៉ាក់សាំង​ពេញលេញ​​ឥឡូវ​នេះ​នឹង​អាច​ចូល​បាន​ក្រោម​គ្រោង “​ធ្វើតេស្តិ៍​ហើយ​ទៅ​” ដរាបណា​ពួកគេ​ធ្វើតេស្តិ៍​រក​កូ​វីដ​នៅ​ថ្ងៃ​ដំបូង​និង​ថ្ងៃទី ៥ បន្ទាប់ពី​មក​ដល់​ថៃ​។​

​អ្នក​ទេសចរណ៍​នឹង​ត្រូវ​ដាក់​ដាច់​ដោយឡែក​នៅ​សណ្ឋាគារ​មួយ ខណៈ​រង់ចាំ​លទ្ធផល​តេស្តិ៍​របស់​ពួកគេ ហើយ​នឹង​ត្រូវ​តម្រូវ​ឱ្យ​ដោ​ន​ឡូត​កម្មវិធី​តាមដាន​មួយ ដើម្បី​ធានា​ថា​ពួក​គេ​គោរព​តាមច្បាប់​។​

​ដោយ​ស្វះស្វែង​រក​ការ​ងើប​ឡើងវិញ​ពី​ដំណើរការ​សេដ្ឋកិច្ច​ដ៏​អាក្រក់​បំផុត​របស់​ខ្លួន​ចាប់តាំងពី​វិបត្តិ​ហិរញ្ញវត្ថុ​អាស៊ី​ឆ្នាំ ១៩៩៧ ប្រទេស​ថៃ​បាន​ចាប់ផ្តើម​គម្រោង “​ធ្វើតេស្តិ៍​ហើយ​ទៅ​” នៅ​ខែ​វិច្ឆិកា​ជា​ជម្រើស​​មួយ​ជំនួស​ការធ្វើ​ចត្តា​ឡី​ស័ក​ក្នុង​សណ្ឋាគារ​រយៈពេល​ពី​រ​សប្តាហ៍​។​

​កម្មវិធី​នេះ​ត្រូវបាន​ផ្អាក​កាលពី​ចុងខែ​មុន ដោយសារ​ការបារម្ភ​អំពី​មេរោគ​អូ​មី​ក្រុង ប៉ុន្តែ​ដោយសារ​ការស្លាប់​និង​ការ​សម្រាក​ព្យាបាល​នៅ​មន្ទីរពេទ្យ​មិន​បាន​កើនឡើង លោក​ថា​វី​ស៊ីន​និយាយ​ថ​គម្រោង​​នេះ​អាច​បន្ត​វិញ​បាន ទោះបីជា​អាជ្ញាធរ​នឹង​បន្ត​ត្រួតពិនិត្យ​កម្មវិធី​នេះ​ឡើង​វិញ​ក៏ដោយ​។​

​លោក​ថា​វី​ស៊ីន​និយាយថា “​ក្នុងករណី​មាន​ការឆ្លង​កាន់តែច្រើន ឬ​ស្ថានភាព​ប្រែប្រួល នោះ​នឹង​មាន​ការវាយតម្លៃ​ឡើងវិញ​សម្រាប់​អ្នកដំណើរ​ដែល​ចូល​មក​ក្នុងប្រទេស​និង​ការកែតម្រូវ​ឆ្ពោះទៅរក​​កម្មវិធី​ប្រអប់​ខ្សាច់​(Sandbox)​វិញ​”​។​

​នៅ​ក្រោម​កម្មវិធី Sandbox ដែល​បាន​បើក​ដំណើរការ​កាលពី​ឆ្នាំមុន​សម្រាប់​ជា​ជំហាន​ដំបូង​ឆ្ពោះទៅ​រក​ការបើក​ទេសចរណ៍​ឡើងវិញ ភ្ញៀវទេសចរ​ដែល​ចាក់​វ៉ាក់សាំង​ពេញលេញ​ត្រូវ​ចំណាយពេល​ ៧ យប់​នៅ​ក្នុង​ទីតាំង​ជាក់លាក់​មួយចំនួន​ដូចជា កោះ​រមណីយដ្ឋាន​ភូ​កេត មុនពេល​ត្រូវបាន​អនុញ្ញាត​ឱ្យ​ធ្វើ​ដំណើ​រ​បន្ត​ទៅ​កាន់​ផ្នែក​ផ្សេង​ទៀត​នៃ​ប្រទេស​ថៃ​។​

​នៅក្នុង​ការបន្ធូរបន្ថយ​បន្ថែម​ទៀត​នៃ​ការ​រឹតបន្តឹង​ទប់ស្កាត់​កូវី​ដ ភោជនីយដ្ឋាន​នឹងត្រូវ​អនុញ្ញាត​ឱ្យ​បម្រើ​គ្រឿង​ស្រវឹង​រហូតដល់​ម៉ោង ១១ យប់ ដែល​មុននេះ​ឱ្យ​បើក​ត្រឹម​ម៉ោង​៩​យប់​ប៉ុណ្ណោះ​។​

​ក្រសួង​ទេសចរណ៍​បាន​ប៉ាន់ប្រមាណ​ថា ភ្ញៀវទេសចរ​បរទេស​ប្រហែល ៥ លាន​នាក់​នឹង​មក​ប្រទេស​ថៃ​ក្នុង​ឆ្នាំ ២០២២ ពោលគឺ​ធ្លាក់ចុះ​ពី​ចំនួន​ជិត ៤០ លាន​នាក់​កាលពី​ឆ្នាំមុន​មាន​ជំងឺ​រាតត្បាត​៕

​ជំងឺ​រាតត្បាត​បាន​បង្ក​ផល​ប៉ះពាល់​យ៉ាងខ្លាំង​ដល់​ប្រទេស​ថៃ​ដែល​ពឹង​លើ​វិស័យ​ទេសចរណ៍​។ដើម្បីជំរុញទេសចរណ៍ឡើងវិញថៃអនុវត្តកម្មវិធីអនុញ្ញាតអោតទេសចរបរទេសចូលមិនចាំបាច់ធ្វើចត្តាឡីស័ក