​ប្រែ​សម្រួលៈ​បំណង​(ST)៖​ប៉ូលិស​ហុងកុង​នឹង​ចាត់ការ​អ្នក​ស្រឡាញ់​សត្វ​ចិញ្ចឹម​ណា​ដែល​ព្យាយាម​រារាំង​មិនអោយ​អ្នកដទៃ​ប្រគល់​សត្វ​កណ្តុរ​ចិញ្ចឹម​ហ៊ែ​មស្ទឺ( hamster)រ​បស់​គេ​អោយ​អាជ្ញាធរ​យក​ទៅ​សម្លាប់​ឬ​ព្រលែង​​ចោល បន្ទាប់ពី​អាជ្ញាធរ​ក្រុង​បញ្ជា​អោយ​សម្លាប់​សត្វ​ចិញ្ចឹម​គួរ​អោយ​ស្រឡាញ់​នេះ​ដើម្បី​ទប់ស្កាត់​ការឆ្លង​វីរុស​កូរ៉ូណា​។​

​កាលពី​ថ្ងៃ​អង្គារ​ទី​១៨​មករា ពួក​មន្ត្រី​បាន​បញ្ជា​អោយ​សម្លាប់​កណ្តុរ​ហ៊ែ​ម​ស្ទឺ​ប្រមាណ​២.០០០​ក្បាល​ដោយ​ប្រមូល​មក​ពី​ហាង​លក់​សត្វ​ចិញ្ចឹម​ក្រោយ​ការតាមដាន​ការផ្ទុះកូ​វីដ​១៩​មួយ​បាន​រកឃើញ​ថា​កម្មករ​ម្នាក់​​ធ្វើការ​នៅ​ហាង​លក់​សត្វ​ចិញ្ចឹម​មួយ​បាន​ឆ្លងកូវី​ដ ។​ការធ្វើ​តេស្តិ៍​ក្រោយមក​បាន​រកឃើញថា សត្វ​កណ្តុរ​ចិញ្ចឹម​១១​ក្បាល​ឆ្លងកូវី​ដ​១៩​។​

​ចាប់តាំងពី​ពេលនោះ​មក អ្នក​ក្រុង​ហុងកុង​រាប់ពាន់​គ្រួសារ​បាន​ប្រគល់​សត្វ​កណ្តុរ​ដើម្បីអោយ​អាជ្ញាធរ​យក​ទៅ​លែង​។​

​ហុងកុង​ក៏​បាន​ធ្វើតេស្តិ៍​លើសត្វ​ទន្សាយ​និង​កណ្តុរ​ធំ​ឈី​ន​ឈី​ឡា(chinchilla)​តែ​មាន​តែ​កណ្តុរ​ហ៊ែ​ម​ស្ទឺ​ប៉ុណ្ណោះ​ដែល​ឆ្លង​រោគ​។​

​បុគ្គលិក​សុខាភិបាក​ដើរ​ប្រមូល​កណ្តុរ​ចិញ្ចឹ​មពី​ហាង​នៅ​និង​គ្រួសារ​នៅ​ហុងកុង​

​ហុងកុង​ធ្វើតេស្តិ៍​មនុស្ស​រាប់នាក់​ក្រោយ​ការ​រក​ឃើញ​អ្នក​ឆ្លងកូវី​ដ​១៩​កើនឡើង​

​ពាក់ព័ន្ធ​នឹង​កូវី​ដ​១៩​នេះដែរ ចិន​កាលពី​ថ្ងៃ​សុក្រ​បាន​រាយការណ៍​ចំនួន​ឆ្លង​ថ្មី​ទាប​បំផុត​ធៀប​នឹង​ការឆ្លង​នៅ​ជិត​២​ខែ​មកនេះ ក្រោយ​ពី​អាជ្ញាធរ​អនុវត្ត​វិធានការ​ទប់ស្កាត់​តឹងរ៉ឹង​ដោយ​បាន​បិទ​ខ្ទប់​ទី​​ក្រុង​មួយចំនួន ធ្វើតេស្តិ៍​ទ្រង់ទ្រាយ​ធំ​និង​កាត់បន្ថយ​សកម្មភាព​អាជីវកម្ម​។​

​ចិន​បាន​រាយការណ៍​ចំនួន​ឆ្លង​ក្នុងស្រុក​ថ្មី​តែ​២៣​នាក់​សំរាប់​ថ្ងៃ​ព្រហស្បតិ៍ ដោយ​ធ្លាក់​ចុះ​ពី​ចំនួន​ឆ្លង​៤៣​នាក់​កាល​ពី​មួយ​ថ្ងៃមុន​។​

​វា​កត់សំគាល់​ការ​ឆ្លងកូវី​ដ​១៩​ធ្លាក់​ចុះ​ដល់​ថ្ងៃទី​៤​ជាប់ៗ​គ្នា និង​ទាប​បំផុត​គិត​ចាប់តាំងពី​ថ្ងៃ​២៩​វិច្ឆិកា​ឆ្នាំ​មុន​៕