ប្រែ​សម្រួល : កញ្ញា​ដា​លី​ស (​ដេលី​មែ​ល​) ៖ អតីត​សិស្ស​អាយុ ៦៣​ឆ្នាំ​ម្នាក់​បាន​លួច​ចូល​ទៅក្នុង​សាលា​ចាស់​របស់​គាត់​នៅ​ភាគ​ខាងជើង​ប្រទេស​ជប៉ុន​ដើម្បី​យក​របស់​មួយ​ដែល​គ្រូ​បាន​រឹបអូស​កាលពី​ជាង​ ៤០ ឆ្នាំមុន​។​

​អតីត​សិស្ស​រូប​នេះ​បាន​ចូល​សាលា​ដែល​បាន​បិទទ្វារ​សម្រាប់​វិស្សមកាល​រដូវរងា​ជាមួយ​មិត្ត​ស្រី​អាយុ ៥៨ ឆ្នាំ​របស់​គាត់​។​

​គាត់​សង្ឃឹម​រកឃើញ​ព័ត៌មាន​អំពី​កិច្ចការ​របស់​គ្រូ​គាត់​នៅក្នុង​កំណត់​ត្រា​របស់​សាលា​។​

​ពួកគាត់​ទាំង​ពីរ​នាក់​បាន​លួច​ចូល​សាលា​មធ្យមសិក្សា​ខាងលើ​ដើម្បី​យក​មក​វិញ​នូវ​របស់​ហាមឃាត់​មួយ​នៅ​រាប់​ទសវត្សរ៍​ក្រោយមក​។​

​គូស្នេហ៍​វ័យ​ចំណាស់​នេះ​បាន​លួច​ចូល​បន្ទប់​បុគ្គលិក ប៉ុន្តែ​បុគ្គលិក​ម្នាក់​នៅក្នុង​បរិវេណ​សាលា​បានឮ​អ្នក​ទាំង​ពីរ​និយាយ​ខ្លាំងៗ ហើយ​ទូរស័ព្ទ​ទៅ​ប៉ូលិស​ដើម្បី​រាយការណ៍​ពី​ជន​លួច​ចូល​អគារ​។​

​យោង​តាម​វេបសាយ SoraNews24 មន្ត្រីប៉ូលិស​បាន​ចុះ​ដល់​កន្លែងកើតហេតុ ហើយ​ចាប់ខ្លួន​អ្នក​ទាំង​ពីរ​ពីបទ​លួច​ចូល​អគារ​។​

​អតីត​សិស្ស​ទាំង​ពីរ​នាក់​ត្រូវបាន​រាយការណ៍​ថា​មាន​ស្ថានភាព​ស្រវឹង​នៅ​ពេល​ចាប់ខ្លួន​។​

​សាលា​នេះ​មាន​ទីតាំង​ស្ថិតនៅ​ទីក្រុង​មី​កា​សា (Mikasa)​ភាគ​ខាងលិច​ទីក្រុង​អ៊ី​វ៉ា​មី​ហ្សា​វ៉ា (Iwamizawa) ជា​កន្លែង​ដែល​គូស្នេហ៍​វ័យ​ចំណាស់​នេះ​រស់នៅ​៕

​គូស្នេហ៍​វ័យ​ចំណាស់​លួច​ចូល​សាលា​ដើម្បី​យក​វត្ថុ​ហាមឃាត់​មួយ ដែល​គ្រូ​រឹបអូស​កាលពី​ជាង​៤០​ឆ្នាំមុន