​ប្រែ​សម្រួល : កញ្ញា​ដា​លី​ស (​ដេលី​មែ​ល​) ៖ ឆ្មា​ទម្ងន់​១៣​គីឡូក្រាម​ដ៏​ធំ​មក​ពី​ប្រទេស​រុស្ស៊ី ដែល​គេ​គិតថា​ជា​ឆ្មា​ធំជាងគេ​បំផុត​នៅលើ​ពិភពលោក​គឺ​ធំ​ខ្លាំង​ពេក​រហូត​គេ​តែង​ច្រឡំ​វា​ស្មានតែ​ជា​ឆ្កែ​។​

​ឆ្មា​ឈ្មោះ កេ​ហ្វៀ (Kefir)​ដែល​ម្ចាស់​វា​ដាក់​ឈ្មោះ​តាម​ទឹកដោះគោ​ជូរ គឺជា​ពូជ​ឆ្មា​ធំ​នៅ​រដ្ឋ​មេន (Maine) ដែល​ជា​កម្មសិទ្ធិ​របស់​នាង យូ​លៀ មី​នី​ណា (Yulia Minina) នៅ​ទីក្រុង​ស្តា​រី​អូ​ស្កូល (Stary Oskol) របស់​រុស្ស៊ី ។​

​នាង​បាន​ទិញ​កេ​ហ្វៀ​ជិត​ពីរ​ឆ្នាំ​មកហើយ ហើយ​និយាយ​ថា​សត្វ​ចិញ្ចឹម​នេះ​នៅតែ​បន្ត​លូតលាស់​។​

​នាង​យូ​លៀ​និយាយថា “​ខ្ញុំ​មិន​នឹកស្មានថា​កូន​ឆ្មា​តូច​ធម្មតា​អាច​ធំ​ខ្លាំង​បែបនេះ​ទេ​។ វា​មិន​ត្រឹមតែ​ធំ​លូតលាស់​ខាង​រូបរាងកាយ​ប៉ុណ្ណោះ​ទេ​តែ​វា​ថែមទាំង​ឆ្លាត​វៃ​និង​តែងមាន​អាកប្បកិរិយា​ស្ងប់ស្ងាត់​​ទៀតផង​”​។​

“​រូបរាង​ជា​ទូទៅ​គឺ​អាច​ប្រៀប​ជាមួយ​មនុស្ស​បាន ព្រោះកេ​ហ្វៀ​មាន​រូបរាងកាច​ប៉ុន្តែ​វា​ស្លូតបូត​គួរ​ឱ្យ​ស្រឡាញ់​ណាស់​។ នៅពេល​មិត្តភក្តិ​និង​អ្នក​ស្គាល់​គ្នា​មក​លេង​ផ្ទះ​ម្តងៗ​ការចាប់អារម្មណ៍​ទាំងអស់​គឺ​​ធ្លាក់​ទៅលើ​វា ហើយ​វា​សុខចិត្ត​ឱ្យគេ​អង្អែល​វា​តាមចិត្ត​។ ប៉ុន្តែ​ពេល​មាន​មនុស្ស​ចម្លែក​មកដល់​ផ្ទះ គ្រប់​គ្នា​ច្រឡំ​វា​ស្មានតែ​ជា​ឆ្កែ​”៕

​កេ​ហ្វៀ​មាន​ទម្ងន់​១៣​គីឡូក្រាម​ធំ​ប៉ុន​ឆ្កែ