​ប្រែ​សម្រួល : កញ្ញា​ដា​លី​ស (​ដេលី​មែ​ល​) ៖ សត្វ​គោព្រៃ​យន្ត​ធំ​សម្បើម​មួយ ដែល​មាន​ភាពរឹងមាំ​ល្មម​អាច​ផ្ទុក​ទម្ងន់​បាន​ដល់​ទៅ ១៦០ គីឡូក្រាម និង​អាចរ​ត់​បាន​ក្នុង​ល្បឿន​រហូតដល់ ១០​គីឡូម៉ែត្រ​ក្នុង​​មួយ​ម៉ោង ត្រូវបាន​បង្កើតឡើង​ដោយ​អ្នកវិទ្យាសាស្ត្រ​ចិន​។​

​រ៉ូបូត​នេះ​អាច​ដោះស្រាយ​បាន​គ្រប់​ស្ថានភា​ព​ផ្លូវ​និង​អាកាសធាតុ នេះ​បើ​យោងតាម​សារព័ត៌មាន​រដ្ឋ​ចិន People’s Daily ដែល​បាន​ចែករំលែក​វីដេអូ​នៃ​សត្វ​គោព្រៃ​យន្ត​នេះ​នៅលើ​ផ្លូវ​មួយ​។​

​នៅពេល​ដាក់ពង្រាយ វា​នឹង​ចូលរួម​ជាមួយ​ទាហាន​មក​ពី​កងទ័ព​ចិន​ក្នុង​បេសកកម្ម​ដឹកជញ្ជូន​និង​ឈ្លបយកការណ៍​នៅ​ទូ​ទាំង​បរិយាកាស​ស្មុគស្មាញ​ទាំងឡាយ រួម​ទាំង​វាល​ព្រិល វាល​ខ្សាច់ និង​តំបន់ភ្នំ​។​

​បេសកកម្ម​ទាំង​នោះ​នឹង​រួមបញ្ចូល​ការងារ​នៅក្នុង​តំបន់​ព្រំដែន​ដាច់ស្រយាល​ក៏​ដូចជា​នៅក្នុង​តំបន់​ប្រយុទ្ធ​ដែលមាន​ហានិភ័យ​ខ្ពស់​ផងដែរ នេះ​បើ​យោងតាម​របាយការណ៍រ​បស់​ប្រព័ន្ធ​ផ្សព្វផ្សាយ​​រដ្ឋ​របស់​ចិន​។​

​រ៉ូបូត​នេះ​គឺ​បំពាក់​ជាមួយ​ឧបករណ៍​ចាប់​សញ្ញា​ជា​ច្រើន​គ្រាប់ ដែល​ផ្តល់ឱ្យ​វា​ការយល់ដឹង​កម្រិត​ខ្ពស់​អំពី​ស្ថានភាព​ដែល​អ្នកវិភាគ​និយាយ​ថា​អាច​បញ្ចូល​ព័ត៌មាន​ទៅ​មេបញ្ជាការ​នៅក្នុង​បរិយាកាស​​សមរភូមិ​។​

​រ៉ូបូត​ចិន​នេះ​គឺ​ដើរ​លើ​ជើង​បួន​និង​មាន​រូបរាង​ដូច​សត្វ​គោព្រៃ ហើយ​បើ​យោង​តាម​ទូរទស្សន៍​ចិន CCTV វា​គឺជា​ឧបករណ៍​យន្ត​ដ៏​ធំ​បំផុត ធ្ងន់​បំផុត និង​មាន​សមត្ថភាព Off-road​ខ្លាំង​បំផុត​នៅ​​លើ​ពិភពលោក​។​

​យោងតាម​ទូរទស្សន៍​ដដែល​បានឱ្យដឹងថា រ៉ូបូត​នេះ​មាន​កម្ពស់​ប្រហែល​ពាក់កណ្តាល​នៃ​សត្វ​គោព្រៃ​ឈ្មោល​ពេញវ័យ​ជា​មធ្យម និង​មាន​ប្រវែង​វែង​ជាង​សត្វ​មែនទែន​ប្រហែល​ពីរ​ដង​។​

​រ៉ូបូត​នេះ​ភ្ជាប់​មក​ជាមួយ​ឧបករណ៍​ចាប់​សញ្ញា​ជាច្រើន​ដែល​ធ្វើឱ្យ​វា​ដឹង​ពី​ស្ថានភាព​និង​បរិស្ថាន​ជុំវិញ​ខ្លួន​វា ព្រមទាំង​កម្រិត​នៃ​ការ​សម្រប​ខ្លួន​ខ្ពស់​ផងដែរ​។​

​នេះ​រាប់បញ្ចូល​ទាំង​ការ​អាច​ដើរ​ឡើង​ជណ្តើរ ការ​លូន​ក្រាប​តាម​លេណដ្ឋាន ក៏ដូចជា​ការដើរ​ឆ្លង​កាត់​ច្រាំង​ថ្ម​ចោត ផ្លូវ​ភក់ វាល​ខ្សាច់ និង​វាល​ព្រិល​ផងដែរ​។​

​រ៉ូបូត​នេះ​ត្រូវបានរ​ចនាឡើង​សម្រាប់​ដឹកស​ម្ភា​រៈ​ធ្ងន់ៗ​សម្រាប់​ទាហាន​ឆ្លងកាត់​បរិយាកា​សក្តៅ ត្រជាក់ សើ​ម និង​ធូលី​ហុយ ខណៈ​អាច​ស្ពាយ​ទម្ងន់​បាន​រហូត​ដល់​ទៅ ១៦០ គីឡូក្រាម​៕

​សត្វ​គោព្រៃ​យន្ត​របស់​ចិន​អាច​រត់​ក្នុង​ល្បឿន​១០​គីឡូម៉ែត្រ​ក្នុង​មួយ​ម៉ោង​និង​អាច​ត្រាច់ចរ​គ្រប់​ស្ថានភាព​ផ្លូវ