គុណវិបត្តិ នៃការទទួលទានជាតិ ស្ករច្រើនពេក

​ដោយៈ health.com.kh
​យើង​មិនមែន​និយាយ​ពី​ស្ករ​មួយ​ស្លាបព្រា ពេញ​ដែល​យើង​លាយ​ជាមួយ​កាហ្វេ ឬ ជាតិ​ស្ករ​ដែលមាន​ក្នុង​បង្អែម​ពេល​អ្នក​ទៅ​ពិសារ​អាហារ​នៅ​ភោ​ជនី​ដ្ឋា​ន នោះទេ ដែល​ប៉ះពាល់​ដល់​រា​ង្គ​កាយ​របស់​អ្នក ។ ជាតិ​ស្ករ​មាន​វត្តមាន​នៅក្នុង​អាហារ កញ្ចប់​ជាច្រើន​ដែល យើង​ទទួលទាន​ចាប់ពី​សាច់​រហូតដល់​ទឹក​ប៉េងប៉ោះ ។ តើ អ្នកដឹង​ទេ​ថា ការទទួល​ទាន​ជាតិ​ស្ករ​ច្រើនពេក​អាច​បង្ករ​ឲ្យ​មាន​ផលវិបាក​អ្វីខ្លះ ? ចូរ​អាន​បន្ត ៖

​ភាព​ចាស់
​ការទទួល​ទាន​ជាតិ​ស្ករ​ច្រើនពេក បង្ករ​ឲ្យ​មាន​ដំណើរការ​ធម្មជាតិ​មួយ ហៅថា glycation ។ ជាតិ​ស្ករ​នៅក្នុង​ចរន្តឈាម​ភ្ជាប់​ទៅនឹង​ប្រូតេអ៊ីន ដើម្បី​បង្កើត​ទៅ ជា ម៉ូលេគុល​ហៅថា advanced glycogen end products (AGES) ដែល​នឹង​បំផ្លាញ សរសៃទឹក ប្រូតេអ៊ីន (collagen) និង elastin ។ សរសៃទឹក​ប្រូតេអ៊ីន​មាន​តួនាទី ក្នុងការ​រក្សា​ស្បែក​ឲ្យ​តឹង​ណែន ។ ម្យ៉ាងទៀត ការទទួល​ទាន​ជាតិ​ស្ករ ច្រើនពេក ប៉ះពាល់​ដល់​ប្រភេទ​នៃ​សរសៃទឹក​ប្រូតេអ៊ីន ក្នុង​ស្បែក ។ វា​អាចធ្វើ​ឲ្យ​ការបង្កើត នៃ​សរសៃទឹក ប្រូតេអ៊ីន​ដែល​ងាយ​នឹង​ខូច ដែល​ធ្វើ​ឲ្យ​ស្បែក​មិនសូវ​ទន់ ។ AGES នឹង​បន្សាប​អង់ស៊ីម ប្រឆាំងនឹង​អង់​ទី​អុកស៊ីដ​ង់​ដែល​បង្ករ​ឲ្យ​បាត់បង់ ការការពា រ កម្តៅ​ពី​ព្រះអាទិត្យ ។ អ្នកជំងឺ​ទឹកនោមផ្អែម ដែល​ពិបាក​ក្នុងការ​គ្រប់គ្រង​ជាតិ​ស្ករ ក្នុង​ឈាម​អាចមាន AGEs ដល់ ទៅ ៥០ ដង ច្រើនជាង អ្នក​គ្មាន​ជំងឺ​នេះ ។ ពួកគេ អាច​នឹង​បង្ហាញ​ស្នាម​ជ្រីវជ្រួញ​នៃ​ភាព​ចាស់​មុន​អាយុ ។

​ជំងឺ​បេះដូង និង​សម្ពាធ​ឈាម​ឡើង​ខ្ពស់
Triglycerides នៅក្នុង​ឈាម​អាច​បង្កើន​កម្រិត​កូ​លេ​ស្តេ​រ៉ុល​បាន ។ ការកើនឡើង នៃ​កូ​លេ​ស្តេ​រ៉ុល គឺជា​កត្តា​គ្រោះថ្នាក់​នៃ​ជំងឺ​បេះដូង ។ ការទទួល​ទាន​ជាតិ ស្ករ ច្រើនពេក នឹង​បង្កើន​កម្រិត triglycerides ដែល​ធ្វើ​ឲ្យ​អ្នកស្រាវជ្រាវ និង អ្នកជំនាញ ផ្នែក បេះដូង មួយចំនួន​ស​ន្និ​ដ្នា​ន ពី​ទំនាក់ទំនង រវាង​ជាតិ​ស្ករ​និង បេះដូង ។ អ្នកជំនាញ​មួយចំនួន ក៏​ជឿថា ស្ករ ក៏​ជា​មូលហេតុ​នៃ​ជំងឺ​សម្ពាធ​ឡើង ខ្ពស់​ដូចជា​អំបិល​ដែរ ។

​ចិញ្ចឹម​ជំងឺមហារីក​លំពែង

​វា​ត្រូវបាន​គេ​ដឹង​ចាប់តាំងពី​ឆ្នាំ ១៩២៣ មកម្ល៉េះ​ថា ស្ករ​ជួយ​ឲ្យ​កោសិការ​មហា រីកលូតលាស់​បាន​យ៉ាង​លឿន​ជាង​កោសិកា​ធម្មតា​ផ្សេងទៀត ។ ប៉ុន្តែ ការសិក្សា នៅ​ឆ្នាំ​២០១០ របស់​ការស្រាវជ្រាវ​ជំងឺមហារីក​បាន​ឲ្យ​ដឹងថា ស្ករ​ពីរ ប្រភេទ គឺ គ្លុយកូស និង ហ្វ្រា​ក់​តូ​សគឺ ដូចគ្នា ។ ប៉ុន្តែ​ការរកឃើញ​ផ្សេងទៀត ពី ការសិក្សា នេះ បាន​បង្ហាញថា កោសិកា​មហារីក​លូតលាស់ ដោយសារ​គ្លុយកូស និង​បង្កើន ចំនួន ដោយសារ​ហ្វ្រា​ក់​តូ​ស ។

​ទម្លាប់​នៃ​ការទទួល​ទាន
​ទារក​ដែល​ត្រូវបាន​គេ​ឲ្យ​ទទួលទាន​ជាតិ​ស្ករ​ច្រើនពេក ច្រើនតែ​បង្កើត​នូវ ចំណូលចិត្ត ទៅលើ​អាហារ​ផ្អែម ។ ទម្លាប់​នេះ អាចធ្វើ​ឲ្យ​កុមារ​បដិសេធ​នូវ ជ​ម្រើ ស​អាហារ​ដែល មាន​សារធាតុចិញ្ចឹម​ច្រើន ហើយ ផ្ទុយទៅវិញ ចម្អែត ខ្លួនឯង ដោយ មិន​ទទួលបាន​កាឡូរី ពី​ជាតិ​ស្ករ ។ កុមារ​មិនត្រូវ ការបន្ថែម​ជាតិ​ស្ករ​ក្នុង របប​អាហារ​របស់​ពួកគេ​នោះទេ ។ ការទទួល​ទាន​ជាតិ​ស្ករ ច្រើនពេក​អាច​បង្ករ ឲ្យ​មាន ការកើនឡើង ន អរ​ម៉ូ​ន យ៉ាង​ឆាប់រហ័ស​ដែល​ធ្វើ​ឲ្យ​ឡើង​ទម្ងន់ និង​ធាត់ ជ្រុល​ពេក ៕​/PC