​ដោយៈ ដកស្រង់​ពី​វចនានុក្រម​សម្តេច​សង្ឃរាជ ជួន ណាត​

​ស្រងាកស្ដាប់ផ្គរ​

(​ស្រ​ង៉ា​ក​—)

​នាមសព្ទ​

​ឈ្មោះ​បទ​ភ្លេងបុរាណ​ខ្មែរ​មួយ​មេ អ្នក​ច្រៀង​ផ្ដើម​ទំនុក​ថា ស្រងាកស្ដាប់ផ្គរ . . . ​ផ្គរលាន់​គ្រុមៗ . . . ។​

​ស្រទាប់​

​នាមសព្ទ​

​ត្របក​, ​ផ្នត់​, ​បន្ទះ​, ​ផ្ទាំង​, ​ជាន់​ដែល​ត្រួត​លើ​គ្នា​ជា​សង្កាត់​, ​ដោយឡែក​
​ស្រទាប់ផ្កា​, ​ស្រទាប់សំពត់​, ​ស្មាច់​ច្រើន​ស្រទាប់ ។​

​ស្រប៉ាប​

​គុណសព្ទ​

​ដែលមាន​សណ្ឋាន​ទាប​រាប​ស្រពាប (​ដូច​យ៉ាង​រាង​កន្ធាយ​)
​រាង​ស្រប៉ាប ។​

​ស្រពាប​

​គុណសព្ទ​

​ដែលមាន​រាង​ទាប​ស្រឡាប​
​រោង​ស្រពាប ។​

​កិរិយាវិសេសន៍​

​ក្រាប​ស្រពាប ក្រាប​រាប​អស់ទាំង​ខ្លួន​; ដួល​ស្រពាប ដួល​រាប​ទាំងស្រុង ។​

​សុរិន្ទាធិបតី​

(—​រ៉ិ​ន​-​ទា​-​ធិ​ប៉ៈ​ដី​)

​នាមសព្ទ​

​អ្នក​ត្រួត​ស្រុក​សុរិន្ទ ។ ឋានន្តរ​មន្ត្រី​ខ្មែរ​ទី​ចៅហ្វាយស្រុក​សុរិន្ទ​ក្នុងសម័យ​ពី​ដើម​
​ឧកញ៉ា​សុរិន្ទាធិបតី​. . . ( ម​. ព​. សុរិន្ទ និង អធិបតី ផង ) ។​
​ប្រើ​ជា សំ​. ថា សុ​រេ​ន្ទ្រា​ធិបតី ក៏បាន ។​