​ដោយៈ សុខ​សុ​ភ័​ណ្ឌ / កំពង់ស្ពឺៈ ស្រី្ត​ម្នាក់ បាន​ស្លាប់​ក្នុង​ថ្លុកឈាម បន្ទាប់ពី​ប្ដី​របស់គាត់ បាន​យក​កាំបិត​ចិតបន្លែ ចាក់​ចំ​ដើមទ្រូង នៅក្នុង​ហាង យីហោ ” អាណាចក្រ ម្ហូប​ខែ្មរ ហៅ រាត្រី អាំង​ឆ័​រ​” ។ ហេតុការណ៍​នេះ បាន​បង្ក​ឲ្យ​មានការ​ភ្ញាក់ផ្អើល កាលពី​វេលា​ម៉ោង ៤​និង​៤២​នាទី ទៀបភ្លឺ ថ្ងៃទី​២៤ ខែមករា ឆ្នាំ​២០២២ ស្ថិតក្នុង​ភូមិ​ព្រៃ​ស្លឹក សង្កាត់​ច្បារមន ក្រុង​ច្បារមន ខេត្តកំពង់ស្ពឺ​។​

​នគរបាល​មូលដ្ឋាន សង្កាត់​ច្បារមន បាន​ឲ្យ​ដឹងថាៈ ស្ត្រី​ដែល​ត្រូវ​ប្តី​យក​កាំបិត​ចិតបន្លែ ចាក់ បណ្តាល​ឲ្យ ស្លាប់​ភ្លាមៗ នៅនឹងកន្លែង​កើតហេតុ មានឈ្មោះ ទឹម ស្រី​នី អាយុ ២២ ឆ្នាំ រស់នៅ​ភូមិ​រន្ទះ (​ខេត្តតាកែវ​) មានមុខ​របរ ស្ត្រី​បំរើការ​ក្នុង​ហាង ខាងលើ ។​

​ចំណែក ជនសង្ស័យ​ជា​ប្តី មានឈ្មោះ បោ​៉​ក ធឿន អាយុ ២៨ ឆ្នាំ នៅ​ភូមិ​មានជ័យ ឃុំ​ស្រែ​ចារ ស្រុក​ស្នួល ខេត្តក្រចេះ មូលហេតុ​ជនរងគ្រោះ និង​ជនបង្ក បាន​ឈ្លោះប្រកែក​គ្នា ដោយសារ​រឿង​ប្រច័ណ្ឌប្ដី ក្រោយមក ក៏មាន​ការឈ្លោះប្រកែក ប្រតាយប្រតប់​គ្នា ហើយ ក៏​ត្រូវបាន​ជនសង្ស័យ ជា​ប្តី​ចាក់​ប្រពន្ធ មួយ​កាំបិត ចំ​ដើមទ្រូង ខាងឆ្វេង បណ្ដាលឱ្យ​ស្លាប់ តែម្ដង​។​

​ប្រភព​បាន​បន្តទៀតថាៈ សាកសព​ស្ត្រី​រងគ្រោះ បានប្រគល់​ឲ្យ​ក្រុមគ្រួសារ យកទៅ​ធ្វើបុណ្យ តាម​ប្រពៃណី ហើយ​កម្លាំង​នគរបាល​ប៉ុស្តិ៍ សហការ​ជាមួយ​កម្លាំង​នគរបាល​ជំនាញ​យុត្តិធម៌ ក្រុង​ច្បារមន ក៏បាន​ឃាត់ខ្លួន​ជនសង្ស័យ បញ្ជូនទៅ​អធិការដ្ឋាន​គរ​បាល ក្រុង​ច្បារមន ដើម្បី​កសាង​សំណុំរឿង ចាត់ការ​តាម​នីតិវិធី​៕/V​