​ប្រែ​សម្រួល : កញ្ញា​ដា​លី​ស (VNExpress) ៖ ការត្រៀមខ្លួន​ប្រកួត​វគ្គ​ជម្រុះ​វើល​ខាប់ដ៏​សំខាន់​របស់​អូស្ត្រាលី​ក្នុង​សប្តាហ៍​នេះ​បាន​ទទួលរង​នូវ​ឧបសគ្គ​មួយ​កាលពី​ថ្ងៃអាទិត្យ​ទី​២៣​មករា​នៅ​ពេល​ដែល​​គ្រូបង្វឹក​លោក ហ្គ្រា​ហាម អា​ណុល បាន​ធ្វើតេស្តិ៍​វិជ្ជមាន​កូវី​ដ​១៩ ហើយ​ត្រូវបាន​បង្ខំ​ឱ្យ​នៅ​ដាច់​ដោយឡែក​។​

​ក្រុម​កង់​ហ្គូ​រូ​អូស្ត្រាលី​ត្រូវ​ជួប​ជាមួយ​វៀតណាម​ក្នុង​ទីក្រុង​មែ​ល​ប៊​ន​នៅ​ថ្ងៃ​ព្រហស្បតិ៍​ទី​២៧​មករា ដោយ​ជំនួយការ​របស់​លោក​អា​ណុល ជា​អតីត​ជំនួយការ​គ្រូបង្វឹក Manchester United លោក រី​ន មូលិន​ស្ទី​ន ចូលកាន់​តំណែង​ជំនួស​។​

​នាយក​ប្រតិបត្តិ​បាល់ទាត់​អូស្ត្រាលី​លោក ជែម ច​ន​សុន បាន​និយាយថា គ្មាន​នរណា​ផ្សេងទៀត​នៅក្នុង​ក្រុម​ខកខាន​មិន​បាន​ធ្វើតេស្តិ៍​រក​កូវី​ដ​នោះ​ទេ​រហូត​មក​ទល់​ពេលនេះ​។​

​លោក​ច​ន​សុន​និយាយថា “​លោក​ហ្គ្រា​ហាម​និង​បុគ្គលិក​របស់​ក្រុម​កង់​ហ្គូ​រូ​បាន​លះបង់​ច្រើនណាស់​ក្នុង​ឆ្នាំ​កន្លងទៅ​ដើម្បី​ដឹកនាំ​ក្រុម​លើ​យុទ្ធនាការ​ជម្រុះ​នៅ​ចំ​កណ្តាល​នៃ​ជំងឺ​រាតត្បាត​”​ដោយ​អូស្ត្រាលី​បាន​​បង្ខំចិត្ត​លេង​ការប្រកួត​ក្នុងផ្ទះ​ខ្លួនឯង​ទាំងអស់​នៅ​ក្រៅ​ប្រទេស​រហូត​មក​ទល់​ពេលនេះ​។​

“​ដូច្នេះ​វា​ជា​រឿង​អកុសល​ណាស់​ដែល​នៅ​មួយ​ថ្ងៃមុន​ការប្រកួត​ជម្រុះ​ក្នុងផ្ទះ​ដ៏​សំខាន់​នេះ លោក​ហ្គ្រា​ហាម​បែរជា​ចេញ​លទ្ធផល​វិជ្ជមាន​។​យើង​រីករាយ​ដែល​ពិធីការ​ហ្មត់ចត់​របស់​យើង​បាន​ប្រមូល​ល​ទ្ធ​​ផល​នេះ​បាន​ឆាប់ ដូច្នេះ​ហានិភ័យ​នៃ​ការឆ្លង​ដល់​កីឡាករ​និង​បុគ្គលិក​នៅ​មុន​ឈាន​ទៅ​ដល់​ការប្រកួត​សប្តាហ៍​នេះ ត្រូវបាន​គ្រប់គ្រង​”​។​

​អូស្ត្រាលី​ត្រូវការ​ឈ្នះ​ដាច់​ខាត​លើ​វៀតណាម ក្រោយ​ភ្លាត់ស្នៀត​ចាញ់​មួយ​និង​ស្មើ​មួយ​នៅ​ពីរ​ប្រកួត​ចុងក្រោយ​នេះ​៕

គ្រូបង្វឹក​អូស្ត្រាលី​លោក ហ្គ្រា​ហាម អា​ណុល តេស្តិ៍​វិជ្ជមាន​កូវី​ដ​១៩