​ប្រែ​សម្រួល : កញ្ញា​ដា​លី​ស (​ស្ត្រេត​ថែមស៍​) ៖ រដ្ឋធានី​របស់​ចិន​កំពុង​តម្រូវ​ឱ្យ​អ្នក​ដែល​ទិញ​ថ្នាំ​ប្រឆាំងនឹង​គ្រុ​នក្តៅ ធ្វើតេស្តិ៍​រក​កូវី​ដ​១៩​ខណៈ​អាជ្ញាធរ​ព្យាយាម​លុបបំបាត់​ការឆ្លង​មេរោគ​កូរ៉ូណា​​ដែល​មិន​បាន​រកឃើញ ដោយ​មិន​ចាំបាច់​បិទ​ខ្ទប់​ទីក្រុង​ដ៏​សំខាន់​បំផុត​របស់​ប្រទេស និង​ជា​ម្ចាស់ផ្ទះ​នៃ​ព្រឹត្តិការណ៍​កីឡា​អូឡាំពិក​រដូវរងា​នៅ​សប្តាហ៍​ក្រោយ​។​

​អ្នករស់នៅ​ទីក្រុង​ប៉េកាំង ដែល​ទិញ​ថ្នាំ​បញ្ចុះ​កម្តៅ ថ្នាំ​ប្រឆាំង​មេរោគ និង​ថ្នាំ​ដែល​មាន​គោលដៅ​កម្ចាត់​ក្អក​និង​ឈឺបំពង់ក​នឹង​ទទួលបាន​ការជូន​ដំណឹង​នៅ​លើ​កម្មវិធី​ទូរស័ព្ទ​ដែល​ចិន​ប្រើ​​សម្រាប់​ការតាមដាន​ទំនាក់ទំនង និង​ដែល​ត្រូវបាន​ត្រួតពិនិត្យ​ជា​ញឹកញាប់​ដើម្បី​អនុញ្ញាត​ឱ្យ​ចូល​ទៅ​កាន់​ទី​កន្លែង​សាធារណៈ​។​

​គណៈកម្មការ​សុខភាព​ក្រុង​ប៉េកាំ​ង​បាន​និយាយ​កាលពី​ថ្ងៃអាទិត្យ ទី​២៣ មករា​ថា អ្នកទិញ​នឹង​ត្រូវ​ធ្វើតេស្តិ៍​រក​កូវី​ដ​១៩​ក្នុង​រយៈពេល ៧២ ម៉ោង​ឬ​មិន​អ៊ីចឹង​ត្រូវ​ប្រឈម​មុខ​នឹង​ការ​រឹតបន្តឹង​​ការធ្វើ​បំលាស់​ទី​។​

​ក្រុមមន្ត្រី​កំពុង​ដាក់ចេញ​នូវ​លក្ខខណ្ឌ​តឹងរ៉ឹង​កាន់តែខ្លាំង​ឡើង ខណៈ​ពួកគេ​ព្យាយាម​ទប់ស្កាត់​ការ​ផ្ទុះ​ឡើង​ក្នុងពេល​ដំណាលគ្នា​នៃ​មេរោគ​បំ​ប្លែងខ្លួន​ចំនួន​ពីរ​ដែល​បាន​វាយប្រហារ​ទីក្រុង​នៅ​មុន​​ការប្រកួត​កីឡា​អូឡាំពិក​រដូវរងា​។​

​ទោះបីជា​ចិន​បាន​បិទ​ទីក្រុង​តូចៗ​ដូច​ជា​ស៊ី​អាន​ជុំវិញ​ការ​ផ្ទុះ​ឡើង​ស្រដៀង​គ្នា​ក៏​ដោយ​ក៏ប៉ុន្តែ​ការបិទ​បែប​នេះ​មិន​អាច​ធ្វើឡើង​នៅក្នុង​ទីក្រុង​ប៉េកាំ​ង​បាន​ទេ​ព្រោះ​វា​ជា​កន្លែង​សម្រាប់​ឥស្សរជន​ន​យោ​​បាយ​និង​វប្បធម៌​របស់​ខ្លួន និង​ជា​កន្លែង​ដែល​ឥស្សរ​និង​អត្ត​ពលិក​ជន​អន្តរជាតិ​កំពុង​មក​ដល់​សម្រាប់​ព្រឹត្តិកា​រណ៍​កីឡា​អូឡាំពិក​៕

ប្រជាជន​ឆែក​កម្មវិធី​តាមដាន​សុខភាព​នៅ​មាត់​ច្រកចូល​ផ្សារ​ទំនើប​មួយ​ក្នុង​ទីក្រុង​ប៉េកាំង​កាលពី​ថ្ងៃទី​២៩​វិច្ឆិកា​២០២១