ដោយៈ​រិ​ទ្ធិ​សែន​/​ពោធិ៍សាត់​: លោក កែវ រតនៈ រដ្ឋមន្ត្រី​ប្រតិភូ​អម​នាយករដ្ឋមន្ត្រី និង ជា​អគ្គនាយក​អគ្គិសនី​កម្ពុជា​ប្រធាន​ក្រុមការងារ រាជរដ្ឋាភិបាល​ចុះ​មូលដ្ឋាន​ស្រុក​ក្រគរ និង​ស្រុក​កណ្តៀង និង លោក ជាវ​ ​តា​យ អភិបាលខេត្ត​ពោធិ៍សាត់​នៅ​ថ្ងៃទី​២៤ ខែមករា​ឆ្នាំ ២០២២​បាន​អញ្ជើញ​សាកសួរ​សុខ​ទុក និង​នាំយក​អំណោយ​របស់​អគ្គិសនី​កម្ពុជា​និង​អាជ្ញាធរ​អគ្គិសនី កម្ពុជា​ទៅ​ចែកជូន​ដល​នាយទាហាន នាយទាហានរង និង​ពលទាហាន​នៃ​កងពលតូច​អន្តរាគមន៍​លេខ​១៤​ដែល​អង្គភាព សម្ព័ន្ធមេត្រីភាព​នឹង​គ្នា ។​ពិធី​នេះ​ត្រូវបាន​ធ្វើឡើង​នៅ​បរិវេណ​បញ្ជាការដ្ឋាន​កងពលតូច​អន្តរាគមន៍​លេខ​១៤​ដោយផ្ទាល់ ។​

​មានប្រសាសន៍​នៅក្នុង​ឱកាស​នោះ​លោក កែវ រតនៈ បាន​នាំនូវ​ការ​ផ្ដាំផ្ញើ​សាកសួរ​សុខទុក្ខ ពី​សំណាក់​សម្ដេច​តេ​ជោ ហ៊ុន សែន នាយករដ្ឋមន្ត្រី​នៃ​កម្ពុជា ដែល​សម្ដេច​តែងតែ​គិតគូរ​ពី​សុខទុក្ខ​របស់​បងប្អូន​កងកម្លាំងប្រដាប់អាវុធ​របស់​យើង នៅ​គ្រប់​កាលៈទេសៈ​ទាំងអស់​។

​អំណោយ​ដែល​ត្រូវបាន​នាំយកមក​ចែកជូន​ដល់​នាយទាហាន នាយទាហានរង និង​ពលទាហាន នៃ​កងពលតូច​អន្តរាគមន៍​លេខ​១៤ រួមមាន​៖ មី​៤០០​កេស​, ប៊ីចេង​១៥​បាវ​, ត្រីខកំប៉ុង​៥០​កេស​, ត្រីងៀត​១០០​គីឡូក្រាម​, សាច់ក្រក​១០០​គីឡូក្រាម​, ឆៃប៉ូវ​១០០​ក្រាម​, ទឹកត្រី ទឹកស៊ីអ៊ីវ​៧០០​យួរ​, ស្ករត្នោត​២០០​គីឡូក្រាម​, ម៉ាស​១៤​កេស​ធំ ស្មើនឹង​៧០០​ប្រអប់​និង​អាល់កុល​២៤០​លីត្រ​៕​សរន​-PC