ដោយៈ​រិ​ទ្ធិ​សែន​/​ពោធិ៍សាត់​: កាលពី​ព្រឹក​ថ្ងៃទី​២៤ ខែមករា ឆ្នាំ​២០២២ នៅ​ស្នងការដ្ឋាន​នគរបាល​ខេត្តពោធិ៍សាត់ បានរៀបចំ​ពិធី ប្រកាស ផ្ទេរ​ភារកិច្ច​តែងតាំង​មុខតំណែង និង​បំពាក់​ឋានន្តរសក្តិ មន្ត្រីនគរបាល នៃ​ស្នងការដ្ឋាន​នគរបាល​ខេត្តពោធិ៍សាត់ ក្រោម​អធិបតីភាព​លោក​ឧ​ត្ត​ម​សេនីយ៍​ទោ ស ថេ​ង ស្នងការ​នគរបាល​ខេត្តពោធិសាត់​តំណាង​លោកនាយ​ឧ​ត្ត​ម​សេនីយ៍ សន្តិ​បណ្ឌិត នេ​ត សាវឿន​អគ្គស្នងការ​នគរបាល​ជាតិ និង​មានការ​អញ្ជើញ​ចូលរួម ពី​អស់លោក លោកស្រី ស្នងការរង លោកនាយ នាយរង​ការិយាល័យ​លោកនាយ នាយរង​ផ្នែក​។​

​ពិធី​នេះ​មានការ​ប្រកាស​ផ្ទេរ​រ​ភារកិច្ច និង​តែងតាំង​មុខតំណែង​មន្ត្រី​នគរបាលជាតិ​ចំនួន​១៦៩​នាក់ និង​បំពាក់​ឋានន្តរសក្តិ​ចំនួន​២៥៥​នាក់​។​

​លោក​ឧ​ត្ត​ម​សេនីយ៍​ទោ ស ថេ​ង ស្នងការ​នគរបាល​ខេត្ត​ខេត្តពោធិសាត់ បាន​សម្តែង​នូវ​ការចូលរួម​ត្រេកអរ​ចំពោះ​មន្ត្រីនគរបាល​នៃ​ស្នងការដ្ឋាន​នគរបាល​ខេត្ត​ទាំងអស់ ដែល​បានទទួល​នូវ​ការតែងតាំង​មុខតំណែង បំពាក់​ឋានន្តរសក្តិ និង​បាន​កោតសរសើរ​ដល់ក​ង​កម្លាំង​នគរបាល​ខេត្ត​ទាំងអស់ ដែល​កន្លងមក​មានកា​រខិត​ខំប្រឹងប្រែង បំពេញ​តួនាទី ភារកិច្ច ការងារ និង​បម្រើសេវា​ជូន​ប្រជាពលរដ្ឋ​បានល្អ​ទោះ​ក្នុង​កាលទេសៈ​បែបណាក៏ដោយ ៕