​ប្រែ​សម្រួល : កញ្ញា​ដា​លី​ស (​ដេលី​មែ​ល​) ៖ មន្ត្រី​យោធា​កូរ៉េខាងត្បូង​បាន​និយាយថា កាលពី​ថ្ងៃ​អង្គារ​ទី​២៥​មករា​កូរ៉េ​ខាងជើង​បាន​បាញ់​សាកល្បង​មី​ស៊ី​លបញ្ជា​ទិស​សង្ស័យ​ចំនួន​ពីរ​គ្រាប់​នៅក្នុង​​ការបាញ់​សាកល្បង​អាវុធ​ជុំ​ទី ៥ របស់​ខ្លួន​ក្នុង​ខែ​នេះ ខណៈ​កូរ៉េខាងជើង​សម្ញែង​សាច់ដុំ​យោធា​របស់​ខ្លួន​ចំ​ពេល​មាន​ការលំបាក​ទាក់ទង​នឹង​ជំងឺ​រាតត្បាត​និង​ការជាប់គាំង​ការចរចា​នុយ​​ក្លេ​អ៊ែរ​យ៉ាងយូរ​ជាមួយ​សហរដ្ឋ​អាម៉េរិក​។​

វាជាការបាញ់​សាកល្បង​កាំជ្រួចផ្សេងៗគ្នា​​ទី ៥ របស់​កូរ៉េខាងជើង​ក្នុង​ខែ​នេះ

​មន្ត្រី​ម្នាក់ ដែល​និយាយ​ក្នុង​លក្ខខណ្ឌ​មិន​បញ្ចេញ​ឈ្មោះ​ដោយ​យោង​លើ​ច្បាប់​របស់​ក្រសួង​បាន​និយាយថា មន្ត្រី​ចារកម្ម​កូរ៉េ​ខាងត្បូង​និង​សហរដ្ឋ​អាម៉េរិក​កំពុង​វិភាគ​លើ​ការបាញ់​មី​ស៊ី​ល​នេះ​ប៉ុន្តែ​មិន​បាន​​ផ្តល់​ព័ត៌មាន​លម្អិត​បន្ថែម​នោះ​ទេ​។ មន្ត្រី​យោធា​ម្នាក់​ទៀត​ដែល​សុំ​មិន​បញ្ចេញ​ឈ្មោះ​ជុំវិញ​ហេតុផល​ស្រដៀង​គ្នា​នេះ​ដែរ បាន​និយាយថា កា​សាកល្បង​មី​ស៊ី​ល​នេះ​ត្រូវបាន​ធ្វើ​ឡើង​ពី​តំបន់​មួយ​លើ​ដីគោក ប៉ុន្តែ​មិន​បាន​បញ្ជាក់​ពី​កន្លែង​ណា​ទេ​។​

​កូរ៉េ​ខាងជើង​បាន​កំពុង​បង្កើន​សកម្មភាព​សាកល្បង​អាវុធ​របស់​ខ្លួន​នា​ពេល​ថ្មីៗ​នេះ ក្នុង​កិច្ចខិតខំ​ប្រឹងប្រែង​ជាក់ស្តែង​ដើម្បី​ដាក់​សម្ពាធ​លើ​រដ្ឋបាល​លោកបៃ​ដិន​ជុំវិញ​ការជាប់គាំង​ការទូត​បន្ទាប់ពី​​ជំងឺ​រាតត្បាត​បាន​បំផ្លិចបំផ្លាញ​បន្ថែមទៀត​លើ​សេដ្ឋកិច្ច​ដែល​ខូចខាត​ដោយ​ការដាក់ទណ្ឌកម្ម​ដឹកនាំ​ដោយ​សហរដ្ឋ​អាម៉េរិក​ដោយសារ​តែ​កម្ម​វិធី​អាវុធ​នុយក្លេអ៊ែរ​របស់​ខ្លួន​និង​ការគ្រប់គ្រង​មិន​ត្រឹម​​ត្រូវ​ជាច្រើន​ទសវត្សរ៍​ដោយ​រដ្ឋាភិបាល​កូរ៉េខាងជើង​ខ្លួនឯង​ផ្ទាល់​។​

​កូរ៉េ​ខាងជើង​កាលពី​ថ្ងៃ​ព្រហស្បតិ៍​សប្តាហ៍​មុន​បានចេញ​ការគំរាមកំហែង​ដើម្បី​បន្ត​ការសាកល្បង​អាវុធ​នុយក្លេអ៊ែរ និង​មី​ស៊ី​ល​រយៈ​ចម្ងាយ​ឆ្ងាយ​សំដៅលើ​ដីគោក​អាម៉េរិក​ដែល​មេដឹកនាំ​គីម ជុង​អ៊ុន​​បាន​ផ្អាក​កាលពី​ឆ្នាំ ២០១៨ ខណៈ​ចាប់ផ្តើម​ការទូត​ជាមួយ​សហរដ្ឋ​អាម៉េរិក​។​

​អ្នកជំនាញ​ខ្លះ​និយាយថា កូរ៉េខាងជើង​អាច​បង្កើន​ការបង្ហាញ​អាវុធ​ខ្លាំង​ឡើង បន្ទាប់​ពី​ព្រឹត្តិការណ៍​កីឡា​អូឡាំពិក​រដូវរងា​ដែល​នឹង​ចាប់ផ្តើម​នៅ​ថ្ងៃទី ៤ ខែ​កុម្ភៈ​នៅក្នុង​ប្រទេស​ចិន​ដែល​ជា​សម្ពន្ធមិត្ត​​ដ៏​សំខាន់​និង​ជា​ខ្សែជីវិត​សេដ្ឋកិច្ច​របស់​កូរ៉េខាងជើង​។​

​ពួកគេ​និយាយថា ថ្នាក់ដឹកនាំ​របស់​ទីក្រុង​ព្យុង​យ៉ាង​ទំនងជា​មាន​អារម្មណ៍​ថា​ខ្លួន​អាច​ប្រើការ​ញុះញង់​ដ៏​ខ្លាំងក្លា​មួយ​ដើម្បី​រំកិល​ម្ជុល​ចូលទៅ​ក្នុង​រដ្ឋបាលបៃដិ​ន ដែល​បាន​ផ្តល់​កិច្ចពិភាក្សា​បើកចំហ​ប៉ុន្តែ​​មិន​បាន​បង្ហាញ​ឆន្ទៈ​ក្នុង​ការបន្ធូរបន្ថយ​ទណ្ឌកម្ម​ទេ​លុះត្រាតែ​លោក​គីម​ចាត់​វិធានការ​ពិតប្រាកដ​ដើម្បី​បោះបង់ចោល​អាវុធ​នុយក្លេអ៊ែរ​និង​មី​ស៊ី​ល​ដែល​គាត់​ចាត់ទុកថា​ជា​ការធានា​ដ៏​រឹងមាំ​បំផុត​នៃ​ការរស់រានមានជីវិត​របស់គាត់​៕

​លោក​គីម ជុង​អ៊ុន​ចូលរួម​កិច្ចប្រជុំ​គណៈកម្មាធិការ​មជ្ឈិមបក្ស​ពលករ​កាលពី​ថ្ងៃទី​១៩​មករា ២០២២