ប្រែ​សម្រួល : កញ្ញា​ដា​លី​ស (​ប៊ី​ប៊ីស៊ី​) ៖ ចំនួន​ជនជាតិ​អាម៉េរិក​ដែល​ស្លាប់​ជា​រៀងរាល់ថ្ងៃ​ពី​កូវី​ដ​១៩​ឥឡូវ​នេះ​កើនឡើង​ខ្ពស់​ដូច​ពេល​ផ្ទុះ​កូវី​ដ​ខ្លាំង​បង្កឡើង​ដោយ​វីរុស​កូរ៉ូណា​ប្រភេទ​ដែលតា​។ វា​ជា​តួលេខ​ដ៏​​អាក្រក់​មួយ ដែល​អ្នកជំនាញ​ជឿថា​នឹង​បន្ត​កើនឡើង​។​

​ស្ថិតិ​បង្ហាញថា​ជា​មធ្យម​មាន​មនុស្ស​ជាង ២.០០០ នាក់​បាន​ស្លាប់​ដោយសារ​វីរុស​កូរ៉ូ​ណា​នៅ​ក្នុង​សហរដ្ឋអាម៉េរិ​ក​ជា​រៀងរាល់ថ្ងៃ ប្រហាក់ប្រហែល​នឹង​ការស្លាប់​ដែល​បានឃើញ​កាលពី​ចុង​ខែ​កញ្ញា​។​

​មួយ​ភាគ​ធំ​នៃ​អ្នកស្លាប់​គឺមាន​អាយុ​លើសពី ៦៥ ឆ្នាំ ឬ​អ្នក​មិន​បាន​ចាក់​វ៉ាក់សាំង​។​

​មកទល់ពេលនេះ មនុស្ស​ជាង ៨៦៦.០០០ នាក់​បាន​ស្លាប់​ដោយសារកូ​វីដ​១៩​នៅ​សហរដ្ឋ​អាម៉េរិក​។​

​យោង​តាម​ស្ថិតិ​ពី​សាកលវិទ្យាល័យ​ច​ន​ហប់​ឃី​ន​បានឱ្យដឹងថា ជា​មធ្យម​ការស្លាប់​ប្រចាំថ្ងៃ​ដោយសារកូ​វីដ​១៩ បាន​កើនឡើង​លើស​ពី ២.០០០ នាក់​នៅ​ថ្ងៃទី ២១ ខែ​មករា និង​មាន​ចំនួន ២.០៣៣ នាក់​នៅ​ថ្ងៃទី ២៣ ខែ​មករា​។​

​នោះ​គឺ​ទាប​ជាង​តិចតួច​ប៉ុណ្ណោះ​ពី​តួលេខ​ស្លាប់​នៅ​ពេល​ឈាន​ដល់​ចំណូ​ច​កំពូល​ដោយ​ស​កូវី​ដ​១៩​បង្កឡើង​ដោយ​មេរោគ​ដែល​តា​កាលពី​ខែ​កញ្ញា​។​

​ប៉ុន្តែ​មាន​មនុស្ស​នៅក្នុង​មន្ទីរពេទ្យ​ឥឡូវនេះ​ដោយសារ​មេរោគ​កូរ៉ូណា​ច្រើន​ជាង​កាល​ពី​សម័យ​នោះ​ទៀត ដោយសារ​ករណី​ឆ្លង​មេរោគ​កូរ៉ូណា​កើនឡើង​កាន់តែ​ខ្ពស់​។​

​ចំនួន​ឆ្លងកូវី​ដ​ប្រចាំ​ថ្ងៃ​ជា​មធ្យម​នៅ​សហរដ្ឋ​អាម៉េរិក​គឺ​មាន​ច្រើន​ហួស​ពី​រលក​មុនៗ​ឆ្ងាយ​៕

​អ្នកជំងឺ​កូវី​ដ​១៩​នៅ​រដ្ឋ​ខុន​និក​ធី​ខាត់​កំពុង​ត្រូវបាន​ព្យាបាល​