​ដោយៈ ទេ​ពក​ង្រី / កំពង់ឆ្នាំងៈ ស្នងការ​នគរបាល​ខេត្តកំពង់ឆ្នាំង លោក​ឧ​ត្ត​ម​សេនីយ៍ ទូច ខូវ​លី នៅ​ព្រឹក​ថ្ងៃទី ២៦ ខែមករា ឆ្នាំ ២០២២ បាន​ដឹកនាំ​ស្នងការរង និង​មន្ត្រីនគរបាល​ខេត្ត បាន​នាំយក​អំណោយ ទៅ​ផ្ដល់ជូន​ដល់​អ្នកជំងឺ​ម្នាក់ ដែល​បាន​លោក​បាន​ជួយសង្គ្រោះ ដោយ​ធ្វើការ​វះ និង​ព្យាបាល​ជំងឺ ដោយ​ជោគជ័យ ។​

​អ្នកនាំពាក្យ​នៃ ស្នងការដ្ឋាន​នគរបាល ខេត្តកំពង់ឆ្នាំង លោក ឧ​ត្ត​ម​សេនីយ៍​ត្រី អៀរ ប៊ុនធឿន បាន​ឲ្យ​ដឹង​នៅថ្ងៃនេះ​ថា បុរស​ដែល​អ្នកជំងឺ​ខាងលើ មានឈ្មោះ ម៉ម គង់ អាយុ ៥៨ ឆ្នាំ មាន​ទីលំនៅ ភូមិ​ច្រក​ត្នោត ឃុំ​ឈានឡើង ស្រុក​សាមគ្គី​មានជ័យ ។

​លោក​បាន​បញ្ជាក់ថាៈ បុរស​ខាងលើ មាន​ជំងឺ​ប្រចាំកាយ ប៉ុន្តែ​លោក​មិនបាន​បញ្ជាក់ថា ជំងឺ​អ្វី​ឲ្យ​ប្រាកដ​នោះទេ គ្រាន់តែ​ដឹងថា ក្រោយពី​កើត​ជំងឺ ប្រចាំកាយ គ្មាន​លទ្ធភាព​ព្យាបាល អស់​រយៈពេល​ជាច្រើន​ឆ្នាំ កន្លងមក បុរស​ខាងលើនេះ ធ្លាប់​បានគិត​ខ្លី រក កល​បញ្ចប់ជីវិត ដោយ​ខ្លួនឯង​ទៀតផង ។​

​ក្រោយមក ដំណឹង​នេះ បាន​លេចឮ​ដល់ លោកស្នងការ​នគរបាល ខេត្តកំពង់ឆ្នាំង ហើយ​ក្រោយមក លោកស្នងការ ក៍បាន​ចុះទៅពិនិត្យ ដោយ​ក្នុងស្ថានភាព​ជំងឺ និង​បាន​ធានា ចេញថ្លៃ​ព្យាបាល ដោយបាន​ដឹក​យកមក​មន្ទីរពេទ្យ ខេត្តកំពង់ឆ្នាំង ព្យាបាល ។ បន្ទាប់មក ក្រុមគ្រូពេទ្យ ពិនិត្យ និង​បានធ្វើ​ការវះកាត់ ព្យាបាល ដោយ​ជោគជ័យ ។​

​ក្រោយពី​ការបញ្ជូន​មក​ធ្វើ​វះកាត់ និង​ព្យាបាល​បាន​ធូរស្បើយ នៅ​ព្រឹក​នេះ​ផងដែរ លោក​ឧ​ត្ត​ម​សេនីយ៍​ទោ ខូវ លី ក៏បាន​ដឹកនាំ​មន្ត្រីនគរបាល នាំ​អំណោយ​ទៅ​ផ្ដល់ជូន បុរស​ខាងលើ ដែល​ក្នុងនោះ រួមមាន ទឹក​សុទ្ធ​វី​តា​ល់ ២​កេស ទឹកដោះគោឆៅ ២​ឡូ ទឹកដោះគោ​ខាប់ ១០ កំប៉ុង ទឹកសេរ៉ូ​ថៃ ៤​ដប ផ្លែឈើ ១​កន្ត្រក​ធំ និង ថវិកា ចំនួន ១ លាន​រៀល​។​

​ដោយឡែក អ្នកជំងឺ​ដែល​បាន​សម្រាក​ព្យាបាល នៅ​បន្ទប់​ជាមួយ មាន​ចំនួន ៥ នាក់ ព្រមទាំង​គ្រូពេទ្យ ចំនួន ៥ នាក់ ក្នុង​ម្នាក់ៗ លោក​ឧ​ត្ត​ម​សេនីយ៍ ស្នងការ​នគរបាល ខេត្តកំពង់ឆ្នាំង បាន​ឧបត្ថម្ភ​ចំនួន ១០ ម៉ឺន​រៀល​៕/V​