​ដោយៈ ទេ​ពក​ង្រី / កំពង់ឆ្នាំងៈ នៅ​ថ្ងៃទី​២៥ ខែមករា ឆ្នាំ​២០២២ ម្សិលមិញ​នេះ គណៈកម្មាធិការ ពិគ្រោះ​យោបល់​កិច្ចការ​ស្ត្រី និង​កុមារ (​គ​.​ក​.​ស​.​ក​) ខេត្តកំពង់ឆ្នាំង បានរៀបចំ​កិច្ចប្រជុំ​បូកសរុប​លទ្ធផល​ការងារ ប្រចាំ​ខែមករា និង​លើក​ទិសដៅ សម្រាប់ អនុវត្ត​បន្ត​ឆ្នាំ​២០២២ ដើម្បី​ត្រួតពិនិត្យ សកម្មភាព​ការងារ កន្លងមក និង​ដាក់ចេញ ផែនការ​អនុវត្ត​ថ្មីៗ​សម្រាប់​អនុវត្ត​ជា​បន្តទៀត​។​

​កិច្ចប្រជុំ​នេះ បាន​ផ្ដោតលើ​របៀបវារៈ រួមមានៈ ១. មតិ​ស្វាគមន៍​របស់​ប្រធាន​អង្គប្រជុំ , ២. អាន​សេចក្តីព្រាង និង​កំណត់ហេតុ កិច្ចប្រជុំ ពិនិត្យ និង​អនុម័ត​សេចក្ដីព្រាង​កំណត់ហេតុ​កិច្ចប្រជុំ ពិនិត្យ និង​អនុម័ត ផែនការ​សកម្មភាព , ៣.​ពិនិត្យ និង​ស្ដាប់​របាយការណ៍ លទ្ធផល​ការងារ ពាក់ព័ន្ធ​បញ្ហា​ស្ត្រី កុមារ យុវវ័យ និង​ជន​ងាយ​រងគ្រោះ របស់​មន្ទីរ អង្គភាព ការិយាល័យ​ជំនាញ អង្គការ​ដៃគូ​ពាក់ព័ន្ធ​។​

​បន្ទាប់ពី​ស្ដាប់​របាយការណ៍ របស់​អង្គប្រជុំ​រួចមក លោកស្រី តុង ណា​រី ប្រធាន​គណៈ ក​ម្មា​ធិ​ការ ពិគ្រោះ​យោបល់ កិច្ចការ​ស្ត្រី និង​កុមារ​ខេត្ត និង​ជា​សមាជិកា ក្រុមប្រឹក្សា​ខេត្ត កំពង់ឆ្នាំង និង​ជា​ប្រធាន​អង្គប្រជុំ បាន​មានប្រសាសន៍ថាៈ ដើម្បី​ទទួលបាន​ភាពជោគជ័យ និង​ប្រសិទ្ធភាព ក្នុងការ​អនុវត្ត​ការងារ សម្រេច​នូវ​ភារកិច្ច និង​ផែនការ​ថ្មីៗ ដែល​គណៈ​ក​ម្មា ធិ​ការ​បាន​ប្រគល់ជូន សមាជិក​ទាំងអស់ ត្រូវមាន​ការសហការ​គ្នា ឱ្យ​ខ្លាំង​ជាង​នេះ​បន្តទៀត ជាពិសេស សហការ​ជាមួយ​មន្ត្រី​ជំនាញ អាជ្ញាធរ​មូលដ្ឋាន ភូមិ ឃុំ សង្កាត់ ដែលជា​អ្នក រស់នៅ​ជិត​ប្រជាពលរដ្ឋ​ជាប្រចាំ ងាយស្រួល​ដោះស្រាយ​ពេល​ជួប​បញ្ហា​ផ្សេងៗ​៕/V​