ប្រែ​សម្រួល : កញ្ញា​ដា​លី​ស (​ដេលី​មែ​ល​) ៖ រុស្ស៊ី​បាន​ចល័ត​ទាហាន​ឆត្រយោង​វរជន​ជា​លើកដំបូង​ទៅ​ជិត​ព្រំដែន​របស់​ខ្លួន​ជាមួយ​អ៊ុយ​ក្រែន​ចំ​ពេល​មាន​ការបារម្ភ​អំពី​ប្រតិបត្តិការ​យោធា​ដើម្បី​ដណ្តើម​យក​រដ្ឋធានី​គៀវ​។​

​រថភ្លើង​មួយ ដែល​មាន​កងទ័ព​វរជន​និង​ឧបករណ៍​សឹក​របស់​ពួកគេ ត្រូវបាន​ប្រទះឃើញ​កំពុង​ធ្វើដំណើរ​ទៅ​ទិស​ខាងលិច​ឆ្ពោះទៅ​តំបន់​សង្គ្រាម ហើយ​ហាក់ដូចជា​កងវរសេនាធំ​ឆ្មាំ​ឆត្រយោង​លេខ ២១៧ នៃ​កងពលធំ​ទ័ពអាកាស​លេខ​៩៨​។​

​ការ​ដាក់​ពង្រាយ​នេះ​ត្រូវបាន​ប្រទះឃើញ​ឆ្លងកាត់​តំបន់​ប្រា​យ៉ាន (Bryansk) របស់​រុស្ស៊ី​ដែល​មាន​ព្រំប្រទល់​ជាប់​ទាំង​អ៊ុយ​ក្រែ​ន​និង​បេឡា​រូ​ស ដូចដែល​បាន​បង្ហាញ​នៅក្នុង​វីដេអូ​មួយ​បង្ហោះ​នៅលើ TikTok ។​

​ការវិភាគ​របស់​អ្នកស្រាវជ្រាវ​ឯករាជ្យ​រុស្ស៊ី​ដែល​គេ​ស្គាល់​ថា ក្រុម​ស៊ើបការណ៍​ជម្លោះ (CIT)​បានបង្ហាញ​ថា រថពាសដែក​ដែល​គ្រប​ដោយ​កៅស៊ូ​តង់​នៅក្នុង​វីដេអូ​នោះ​គឺជា​រថក្រោះ BMD-4M​និង​រថ​ពាស​​ដែក BTR-MDM ។​

CIT បាន​និយាយថា “​រថភ្លើង​នេះ​ក៏​រួម​មាន​ទូ​ដឹក​អ្នកដំណើរ​ចំនួន ៥ ផងដែរ ដែល​អាច​ផ្ទុក​មនុស្ស​បាន​ជាង ២៥០ នាក់​”​។​

​វា​ក៏​ផ្ទុក​រថយន្ត Kamaz-43501 ចំនួន​ប្រាំបី​គ្រឿង​ផង​ដែរ ដែល​ប្រើ​ដោយ​ទ័ពអាកាស​របស់​រុស្ស៊ី​។​

​ការវិភាគ​នេះ​និយាយថា រថភ្លើង​នេះ​មាន​ប្រភព​ចេញពី​ស្ថានីយ​ថេក​ស្ទីល​នី (Tekstilny) ក្នុង​តំបន់​អ៊ី​វ៉ា​ណូវ៉ូ (Ivanovo) យោង​តាម​កំណត់ត្រា​ផ្លូវ​ដែក​ដែល​មាន​ទីតាំង​នៅ​ជិត​កន្លែង​ដែល​កង​​កម្លាំង​អាកាស​វរជន​មាន​មូលដ្ឋាន​។​

CIT បាន​និយាយថា “​នេះ​គឺជា​វីដេអូ​ដំបូង​ដែល​បញ្ជាក់​អំពី​ទាហាន​ឆត្រយោង​ធ្វើដំណើរ​ទៅ​ជិត​ព្រំដែន​ជាមួយ​អ៊ុ​យក្រែន​។​នៅក្នុង​ការវាយប្រហារ​ទ្រង់ទ្រាយ​ធំ​ណា​មួយ​លើ​ទឹកដី​អ៊ុយ​ក្រែន​កងកម្លាំង​​អាកាស​គួរតែ​ដើរតួនាទី​យកឈ្នះ​ឬ​ចាញ់​”​។​

​ពួកគេ​អាច​នឹង​ធ្វើ​សកម្មភាព “​ទាំង​នៅក្នុង​ប្រតិបត្តិការ​ចុះចត​លើ​ដី​គោក​ដើម្បី​ចាប់​យក​ទីតាំង​យុទ្ធសាស្ត្រ​បិទគូទ​ពី​ក្រោយ​ឬ​លួច​ឆ្មក់​ធ្វើ​ប្រតិបត្តិការ​ថ្មើរជើង​”​។​

​រឿង​នេះ​កើតឡើង​ខណៈ​មី​ស៊ី​ល​ប្រឆាំង​រថក្រោះ​របស់​អាមេរិក​ទម្ងន់ ៨០ តោន​បាន​ដឹក​មក​ដល់​អ៊ុយ​ក្រែន​សម្រាប់​បង្កការ​ស្លាប់​យ៉ាង​ច្រើន​បំផុត​ដល់​កងកម្លាំងរ​បស់​ពូ​ទីន​ប្រសិនបើ​គាត់​សម្រេច​​ចិត្ត​ឈ្លានពាន​។​

​យន្តហោះ​មួយគ្រឿង​ដែល​ផ្ទុក​មី​ស៊ី​ល Javelin ចំនួន ៣០០ ដើម​តម្លៃ​ប្រមាណ ៥០ លាន​ដុល្លារ បាន​ចុះចត​នៅ​រដ្ឋធានី​គៀវ​កាលពី​ល្ងាច​ថ្ងៃ​អង្គារ ជា​ផ្នែក​ទី​បី​នៃ​ការដឹកជញ្ជូន​ជំនួយ​យោធា​អាម៉េរិក​តម្លៃ ២០០ លាន​ដុល្លារ ដែល​កំពុង​ត្រូវបាន​បញ្ជូន​ទៅ​ជួយ​សម្ពន្ធមិត្ត​របស់ខ្លួន​។​

​ការដឹក​ជញ្ជូន​នេះ​ក៏​មាន​ជើង​ទម្រ​បាញ់​គ្រាប់បែកដៃ​និង​គ្រាប់កាំភ្លើង​ក៏ដូចជា​ប្រព័ន្ធ​អាវុធ​មិន​ប្រល័យ​លោក​ផ្សេង​ទៀត​ផង​ដែរ ហើយ​វា​ជាការ​បូក​បន្ថែម​ពីលើ​អាវុធ​ប្រឆាំង​រថក្រោះ​និង​ប្រឆាំង​យន្តហោះ ដែល​បាន​បញ្ជូន​រួច​ហើយ​ដោយ​ចក្រភព​អង់គ្លេស អេ​ស្តូ​នី ឡេតូ​នី និង​លី​ទុយ​អា​នី​៕

​យន្តហោះ​មួយគ្រឿង​ដែល​ផ្ទុក​មី​ស៊ី​ល Javelin ចំនួន ៣០០ ដើម​តម្លៃ​ប្រមាណ ៥០ លាន​ដុល្លារ បាន​ចុះចត​នៅ​រដ្ឋធានី​គៀវ​កាលពី​ល្ងាច​ថ្ងៃ​អង្គារ​