​ប្រែ​សម្រួលៈ​បំណង​/​សេ​អ៊ូ​ល​(​ស៊ីន​ហួរ​)៖ ចំនួន​ឆ្លងកូវី​ដ​១៩​ប្រចាំ​ថ្ងៃ​នៅ​កូរ៉េខាងត្បូង​បាន​ហក់​ឡើង​ដល់​កំរិត​ខ្ពស់​បំផុត​ជា​ថ្មី​នៅ​ថ្ងៃ​ព្រហស្បតិ៍​ទី​២៧​មករា ដោយសារ​ការឆ្លង​រាលដាល​វីរុស​អូ​មី​ក្រុង​។​

​យោងតាម​ទីភ្នាក់ងារ​គ្រប់គ្រង​និង​បង្ការ​ជំងឺ​កូរ៉េ ប្រទេស​នេះ​បាន​រក​ឃើញ​អ្នក​ឆ្លងកូវី​ដ​១៩​ថ្មី​ចំនួន​១៤.៥១៨​នាក់​នៅ​២៤​ម៉ោង​កន្លងទៅ បន្ទាប់​ពី​ឆ្លង​១៣.០១០​នាក់​កាល​ពី​មួយ​ថ្ងៃមុន​។​

​វា​ជា​ការឆ្លង​ច្រើន​បំផុត​ដល់​ថ្ងៃទី​៣​ជាប់​គ្នា ហើយ​កំណើន​នៃ​ការឆ្លង​នេះ​មួយ​ផ្នែក​បណ្តាលមកពី​ការឆ្លង​វីរុស​ជា​ចង្កោម​នៅ​តំបន់​ក្រុង​សេ​អ៊ូ​ល​ចំ​ពេល​មាន​ការឆ្លង​រាលដាល​វីរុស​អូ​មី​ក្រុង ដែល​អាជ្ញាធរ​សុខា​​ភិបាល​បាន​និយាយ​ថា​គ្រប់​លើ​វីរុស​កូរ៉ូណា​ដទៃទៀត​។​

​ក្នុងចំណោម​អ្នក​ឆ្លង​ថ្មី ៣.៣៨៥​នាក់​នៅ​ក្រុង​សេ​អ៊ូ​ល ៤.៧៣៨​នាក់​នៅ​ខេត្ត​ក្យុង​ឈី​(Gyeonggi)​និង​១.០១០​នាក់​នៅ​ទីក្រុង អ៊ិន​ឆន់​(Incheon)​។​

​កូរ៉េខាងត្បូង​ក៏​បាន​រាយការណ៍​អ្នក​ស្លាប់​ដោយកូវី​ដ​១៩​ចំនួន​៣៤​នាក់​ទៀត​កាលពី​ថ្ងៃ​២៧​មករា នាំអោយ​ប្រទេស​នេះ​មាន​អ្នក​ស្លាប់​ដោយកូវី​ដ​១៩​សរុប​៦.៦៥៤​នាក់ ក្នុងចំណោម​អ្នក​ឆ្លង​សរុប​៧៧៧.៤៩៧​នាក់​៕

​ប្រជាជន​កូរ៉េ​ខាងត្បូង​៨៦,៩​ភាគរយ​បាន​ចាក់​វ៉ាក់សាំង​កូវី​ដ​១៩​ពី​ដូស និង​៥០,៧​ភាគរយ​បាន​ចាក់ដូស​ជំរុញ​។ក្នុងរូបបុរសកូរ៉េខាងត្បូងធ្វើតេស្តិ៍រកកូវីដ១៩នៅសេអ៊ូល