ដោយៈ ជា សីហៈ​\​ភ្នំពេញៈ លោក ទេសរដ្ឋមន្ត្រី អៀង មូលី ប្រធាន​អាជ្ញាធរ​ជាតិ ប្រយុទ្ធ​នឹង​ជំងឺអេដស៍ បាន​ថ្លែង​កាលពីពេល​ថ្មីៗ​នេះ​ថា ការងារ​ប្រយុទ្ធប្រឆាំង ជំងឺ​អេ​ដ​ស៏​តាម​គោលដៅ ៩៥-៩៥-៩៥ កម្ពុជា​សម្រេចបាន ៨៤-១០០-៩៧ ។

​លោក​បាន​ថ្លែង​បែបនេះ នៅពេល បាន​ជួបពិភាក្សា​ការងារ ឆ្លើយតប​នឹង មេរោគ​អេដស៍ ជាមួយ​លោក ម៉ៅ ធ​និ​ន្ទ អភិបាល​ខេត្តកំពត​។

​ចំពោះ​ការងារ​ឆ្លើយតប​នឹង​មេរោគ​អ​ដស៍ និង​ជំងឺអេដស៍ លោក ទេសរដ្ឋមន្ត្រី​បាន ជម្រាបជូន​លោក​អភិបាលខេត្ត​ថា យើង​បាន​ជោគជ័យ ដោយ​សម្រេចបាន​៨៤-១០០-៩៧​។ មានន័យ​គោលដៅ​៩៥-៩៥-៩៥ ទី​២ និង​ទី​៣​បាន​ជោគជ័យ​ហើយ នៅឡើយ​តែ​គោលដៅ​៩៥ ទី​១ ដែល​យើង​ត្រូវ​ប្រឹងប្រែង​ធ្វើឱ្យ​សម្រេច ទាំងអស់គ្នា​។

​លោក ទេសរដ្ឋមន្ត្រី​បានបញ្ជាក់​បន្ថែមថា យើង​ស្គាល់មុខ សញ្ញា​ក្រុម​ដែលមាន អត្រា​ឆ្លង​ខ្លាំង​ហើយ​។ ក្រុម​នោះ​គឺ​ក្រុម​បុរស​រួមភេទ​ជាមួយ​បុរស​ដែល​សព្វថ្ងៃ មាន​ជាង​១០​ម៉ឺន​នាក់​។ យើង​មានការ​បារម្ភ ហើយ​ចង់ឱ្យ​ថ្នាក់ក្រោម​ជាតិ​ចាប់ អារម្មណ៍ រៀបចំ​ឱ្យមាន​ក្រុមការងារ និង​ចង់ឱ្យ​គណៈកម្មាធិការ​ប្រយុទ្ធ​នឹង​ជំងឺ អេដស៍ ណែនាំ​ឱ្យ​ក្រុម​ដែលមាន​ហានិភ័យ​ខ្ពស់​ក្នុងការ​ចម្លងរោគ ត្រូវ ប្រើ​ស្រោម អនាម័យ ធ្វើតេស្ត​ឈាម និង​មក​ទទួល​សេវា​អេដស៍​។ ចុងបញ្ចប់ ឯកឧត្តម​ទេស រដ្ឋមន្ត្រី​បាន​សង្កត់ធ្ងន់ថា ពួកយើង​ចេះតែ​ដើរ​ឆ្កឹះ​កកាយ​នេះ ព្រោះ​ខ្លាច​រើ​ក្នុងការ ឆ្លង​រាលដាល មកវិញ ដោយ សារ​ការសប្បាយ​ភ្លេចខ្លួន​របស់​ពួកគាត់​៕​/PC