​ប្រែ​សម្រួលៈ​បំណង​/​ដេន​ប៉ា​សា​(​ដេល្លី​ម៉េល​)៖​ជើងហោះហើរ​អន្តរជាតិ​ផ្ទាល់​ទៅ​កាន់​កោះ​បាលី​នឹង​បន្ត​ឡើងវិញ​ជា​លើកដំបូង​នៅ​ក្នុង​រយៈពេល​២​ឆ្នាំ​មកនេះ នៅពេល​ឥណ្ឌូនេស៊ី​បើក​កោះ​រមណីយដ្ឋាន​នេះ​​ឡើងវិញ​សំរាប់អ្នកទេសច​របរ​ទេស​មកពី​គ្រប់​ប្រទេស តែ​ការធ្វើ​ចត្តា​ឡីស័​កនៅ​តែ​មាន​សំរាប់អ្នកទេសច​រទាំង​អស់​។​

​ពួក​មន្ត្រី​បាន​និយាយ​កាលពី​ខែតុលា​ឆ្នាំ​មុន​ថា កោះ​បាលី​នឹង​ស្វាគមន៍​ទេសចរ​បរទេស​មក​ពី​១៩​ប្រទេស​ដែល​បំពេញ​លក្ខខណ្ឌ​របស់​អង្គការ​សុខភាព​ពិភពលោក​ដូចជា​ករណី​ឆ្លងកូវី​ដ​១៩​ស្ថិតក្រោម​​ការគ្រប់គ្រង​បាន​ជាដើម​។​តែ​គិត​ត្រឹម​ថ្ងៃ​ព្រហស្បតិ៍​ទី​០៣​កុម្ភៈ​ឆ្នាំ​២០២២ មិនទាន់​មាន​យន្តហោះ​ដឹក​ភ្ញៀវ​ជើងហោះហើរ​ផ្ទាល់​ណាមួយ​មក​ដល់​កោះ​នេះ​នៅឡើយ​ទេ​។​

​តែ​បើ​តាម​មន្ត្រី​ឥណ្ឌូនេស៊ី ក្រុមហ៊ុន​អាកាសចរណ៍​សិង្ហ​បុរី នឹង​បន្ត​ការហោះហើរ​ទៅ​កាន់​ទីក្រុង​ដេន​ប៉ា​សា នៅ​កោះ​បាលី​ចាប់ពី​ថ្ងៃ​១៦​កុម្ភៈ ដោយ​អ្នកដំណើរ​ចាក់​វ៉ាក់សាំង​ពេញលេញ​ត្រូវធ្វើ​ចត្តា​ឡី​ស័ក​ប្រាំ​ថ្ងៃ​​នៅ​សណ្ខាគារឬ​លើ​ទូក​មួយ​កំណត់​ដោយ​រដ្ឋាភិបាល​។​អ្នកដំណើរ​ដែល​ចាក់​វ៉ាក់សាំង​កូវី​ដ​១៩​បាន​តែ​មួយ​ដូសនឹង​ត្រូវធ្វើ​ចត្តា​ឡី​ស័ក​ចំនួនប្រាំពីរថ្ងៃ​។​

​សូមបញ្ជាក់​ថា កាលពី​ថ្ងៃ​ព្រហស្បតិ៍ ឥណ្ឌូនេស៊ី​បាន​រាយការណ៍​អ្នក​ឆ្លងកូវី​ដ​១៩​ថ្មី​ចំនួន​២៧.១៩៧​នាក់ និង​អ្នកជំងឺ​កូវី​ដ​៣៨​នាក់​បាន​ស្លាប់​ថែម​នៅ​២៤​ម៉ោង​កន្លងទៅ​។​ឥឡូវ​ប្រទេស​នេះ​មាន​អ្នក​កើត​​កូវី​ដ​១៩​តាំងពី​ដើម​ឆ្នាំ​២០២០​មក​ឡើង​ដល់​ជាង​៤,៤​លាន​នាក់ ។​

​កំណើន​នៃ​ការឆ្លង​មួយ​រយៈពេល​ចុងក្រោយ​នេះ​ត្រូវបាន​ជំរុញ​ដោយ​វីរុស​អូ​មី​ក្រុង ភាគច្រើន​នៅ​ក្រុង​ហ្សា​ការតា ហើយ​បាន​រាល​ដល់​កោះ​ចា​វ៉ា​(Java)​និង​បាលី​។​

​មុន​ផ្ទុះ​ជំងឺ​កូវី​ដ​១៩​នៅ​ឆ្នាំ​២០១៩ អាកាសយានដ្ឋាន​កោះ​បាលី​បាន​ទទួល​យន្តហោះ​ជាង​២០០​ជើង​ក្នុង​មួយថ្ងៃ​។​តែ​វា​បាន​បិទ​ជើងហោះហើរ​អន្តរជាតិ​បន្ទាប់​​ពី​កូវី​ដ​១៩​វាយប្រហារ​ប្រទេស​មាន​ប្រជាជន​ច្រើន​បំផុត​ទី​បួន​លើ​លោក​មួ​យ​នេះ​នៅ​ឆ្នាំ​២០២០​។​

​ទេសចរណ៍​ជា​ប្រភព​ចំណូល​សំខាន់​មួយ​នៅ​បាលី ហើយ​ការបើកទទួល​ទេសចរ​មកពី​គ្រប់​ប្រទេស​ឡើងវិញ​នេះ​នឹង​ជួយ​ជំរុញ​សេដ្ឋកិច្ច​របស់​កោះ​ដែល​មាន​មនុស្ស​ជាង​បួន​លាន​នាក់​រស់នៅ​ហើយ​ដែល​រងគ្រោះ​​ខ្លាំង​ពី​ការបិទ​ប្រទេស​ដោយសារ​ជំងឺឆ្លង​រាតត្បាត​៕

​ទេសចរ​បែ​ល​ហ្សិ​ច​និង​រុស្ស៊ី​បាន​មក​ដល់​កោះ​បាលី​កាលពី​ថ្ងៃ​០៤​កុម្ភៈ ឆ្នាំ​២០២២ ក្រោយ​អាជ្ញាធរ​ប្រកាស​បើ​កទ​ទួលទេសចរ​ឡើងវិញ​