​ដោយ​: បូកគោ​/​កំពត​: នាឱកាស​នៃ​ពិធីបុណ្យ​ចូលឆ្នាំ​ចិន​-​វៀតណាម កន្លងទៅនេះ ភ្ញៀវទេសចរ​ជិត​ឆ្ងាយ​ចំនួន ៦៦.៥៣៤​នាក់ បានមក​លម្ហែ​កម្សាន្ត និង​ស្នាក់អាស្រ័យ​ក្នុង​ខេត្តកំពត​។ នេះ​ជាការ​បញ្ជាក់​របស់លោក​សយ ស៊ី​ណុល ប្រធាន​មន្ទីរ​ទេសចរណ៍​ខេត្តកំពត​។​

​ប្រធាន​មន្ទីរ​ទេសចរណ៍​ខេត្តកំពត​បាន​បន្តថា​ក្នុងចំណោម​ភ្ញៀវទេសចរ​ទាំងនោះ​រួមមាន ភ្ញៀវ​ជាតិ​មាន​៦៦.១៤២​នាក់ និង​ទេសចរ​បរទេស​ផ្ទៃក្នុង​ចំនួន​៣៩២​នាក់ ដែល​ភ្ញៀវ​ភាគច្រើន​បាន​ឡើងទៅ​សម្រាកលម្ហែ​នា​រមណីយដ្ឋាន​បូកគោ និង​ចុះមក​កម្សាន្ត​នៅ​បណ្តុំ​រមណីយដ្ឋាន​តំបន់​ទឹកឈូ​ផ្នែក​ខាងជើង​នៃ​ក្រុង​កំពត​។ បណ្តុំ​រមណីយដ្ឋាន​ទាំងនោះ រួមមាន ទឹកជ្រោះ​តា​ដា ទឹកឈូ ដូង​ទេរ ឆ្នេរ​ឋានសួគ៌ និង​ឧទ្យាន​ដងព្រែក​ជាដើម​៕​