​ប្រែ​សម្រួលៈ​បំណង​/​ម៉ានីល​(​ដេល្លី​ម៉េល​,pinoyabrod)៖ អតីត​ជើងឯក​ប្រដាល់​ពិភពលោក​និង​ជា​បេក្ខជន​ប្រធានាធិបតី​ហ្វីលីពីន លោក មែន​នី ប៉ាក់​គី​អៅ​(Manny Pacquiao)​កាលពី​ថ្ងៃ​សុក្រ​​ទី​៤​កុម្ភៈ​បាន​និយាយថា គ្រួសារ​ម៉ាកូ​ស គួរ​ប្រគល់​ទ្រព្យសម្បត្តិ​ដែល​ទទួលបាន​ដោយ​ទុច្ចរិត​និង​សុំ​ទោស​ចំពោះ​ការរំលោភ​ធ្វើឡើង​ក្នុងអំឡុងពេល​កាន់កាប់​អំណាច​ផ្តាច់ការ​របស់​ប្រធានាធិបតី​​ហ្វែរ​ឌីណ​ង់ ម៉ាកូ​ស​។​

​ប៉ាក់​គី​អៅ បាន​លើក​ឡើង​យ៉ាង​ដូច្នេះ​នៅពេល​លោក​ត្រូវ​តតាំង​ជាមួយ អតីត​សមាជិក​ព្រឹទ្ធសភា ហ្វែរ​ឌីណ​ង់ «​បុង​បុ​ង​» ម៉ាកូ​ស ជូនៀ​(Ferdinand “Bongbong” Marcos Jr.)​ដែល​ត្រូវជា​​កូនប្រុស​របស់​សព​លោក​ម៉ាកូ​ស នៅក្នុង​ការបោះឆ្នោត​ប្រធានាធិបតី​នៅ​ខែ​ឧសភា​ឆ្នាំ​២០២២​នេះ​។​

​ក្នុង​កិច្ចសម្ភាសន៍​មួយ​ជាមួយ​សារព័ត៌មាន​ABS-CBN News Channel ប៉ាក់​គី​អៅ បាន​និយាយថា​«​ទ្រព្យ​ទទួលបាន​ដោយ​ទុច្ចរិត​អ្វី​ក៏ដោយ​ដែល​គេ​មាន គួរ​ប្រគល់​មក​អោយ​រដ្ឋាភិបាល​ដោយសារ​​សាធារណជន​ស្រែក​ទាមទារ​រក​វា​»​។​

​លោក​ថា លោក​នឹង​លើក​បញ្ហា​នេះ​ឡើងវិញ​បើ​សិន​ជា​លោក​ជាប់​ជា​ប្រធានាធិបតី​។​

​អតីត​ជើងឯក​ប្រដាល់​រូបនេះ​ក៏​បាន​អំពាវនាវ​អោយ​កូន​របស់​ម៉ាកូស​សុំទោស​ចំពោះ​ការរំលោភ​ធ្វើឡើង​ក្នុងអំឡុងរ​បប​របស់​ឪពុក​ខ្លួន​។​

​ក្នុងពេល​ជាមួយគ្នា ក្រុម​យុទ្ធនាការ​របស់​ម៉ាកូ​សនៅ​មិនទាន់​ឆ្លើយតប​យ៉ាងណា​នៅឡើយ​ទេ​ចំពោះ​សំណើ​នេះ​។​តែ​កាលពី​ថ្ងៃ​២៥​មករា ក្នុង​កិច្ចសម្ភាសន៍​មួយ​តាម​វិទ្យុ ម៉ាកូ​ស​បាន​ទទួលស្គាល់ការ​កាត់ក្តី​របស់​​តុលាការ​ប្រឆាំងនឹង​គ្រួសារ​លោក​ពាក់ព័ន្ធ​នឹង​ទ្រព្យសម្បត្តិ​និង​ថា​គ្រួសារ​នេះ​នឹង​គោរព​ការសំរេច​របស់​តុលាការ​។​

​ប៉ាក់​គី​អៅ ក៏​ដូច​បេក្ខជន​ដទៃទៀត​ដែរ សុទ្ធតែ​សន្យា​បោសសម្អាត​អំពើពុករលួយ​ក្នុង​រដ្ឋាភិបាល​និង​ការពារ​លុយ​រដ្ឋ​។​

​សូមបញ្ជាក់​ថា ទោះជា​ត្រូវ​បាន​បណ្តេញចេញ​ពី​អំណាច​ក្នុង​បដិវត្តន៍​អំណាច​ប្រជាជន​ក្នុង​ឆ្នាំ​១៩៨៦ និង​បង្ខំរ​ត់​ទៅ​រស់នៅ​បរទេស ក៏​គ្រួសារ​ម៉ាកូស​នៅតែ​ជា​កម្លាំងមាន​ឥទ្ធិ​ពល​មួយ​នៅក្នុង​ប្រទេស​ហ្វី​​លី​ពី​ន ដោយ​អ្នក​ស្មោះត្រង់​នៅមាន​ពាសពេញ​មជ្ឈដ្ឋាន​រដ្ឋបាល​និង​នយោបាយ ព្រមទាំង​ក្នុង​ក្រុម​ឥស្សរៈជន​ធុរកិច្ច​។​

​គ្រួសារ​នេះ​បាន​វិល​មក​ហ្វីលីពីន​វិញ​នៅ​ទសវត្សរ៍​ឆ្នាំ​១៩៩០​និង​សមាជិក​គ្រួសារ​ម៉ាកូ​ស​បាន​កាន់​តំណែង​នយោបា​យ​ចាប់តាំងពី​ពេលនោះ រួម​មាន​អភិបាល សមាជិក​សភា​និង​ព្រឹទ្ធសភា​៕

​ប៉ាក់​គី​អៅ សុំ​អោយ​គ្រួសារ​ម៉ា​កូសប្រគល់​ទ្រព្យ​ទុច្ចរិត​នៅ​មុន​ការបោះឆ្នោត​ប៉ុន្មាន​ខែ​