ប្រែ​សម្រួលៈ​បំណង​(​បាងកក​ប៉ុស្តិ៍​,​វ៉េ​អិន​អិច​ស្ព្រេ​ស​)៖ អ្នកជំងឺ​កូវី​ដ​១៩​ចំនួន​២១​នាក់​ទៀត​បាន​ស្លាប់​និង​មនុស្ស​១០.៤៩០​នាក់​បាន​ឆ្លង​ជំងឺ​នេះ​នៅ​២៤​ម៉ោង​កន្លងទៅ​នៅក្នុង​ប្រទេស​ថៃ នេះ​បើ​តាម​ក្រ​​សួង​សុខាភិបាល​ប្រកាស​កាលពី​ថ្ងៃ​សៅរ៍​ទី​៥​កុម្ភៈ ដោយ​កើន​ពី​ចំនួន​ឆ្លង​៩.៩០៩​នាក់​កាល​ពី​មួយ​ថ្ងៃមុន​។​

​ក្នុង​ចំនួន​ឆ្លង​ថ្មី​នេះ ១០.២៧៣​នាក់​ឆ្លង​ក្នុងស្រុក និង​២១៧​នាក់​នាំ​ចូល​មក​ពី​ក្រៅប្រទេស​។​

​សូមបញ្ជាក់​ថា ចាប់តាំងពី​ជំងឺឆ្លង​រាតត្បាត​នេះ​ចាប់ផ្តើម​មាន​នៅ​ថៃ​មក អាជ្ញាធរ​បាន​រកឃើញ​អ្នក​ឆ្លង​សរុប​២.៤៨៦.១២២​នាក់ និង​២២.២៧១​នាក់​បាន​ស្លាប់​ដោយកូវី​ដ​១៩​។​

​ក្នុងពេល​ជាមួយគ្នា វៀតណាម​ក៏​ឃើញ​ចំនួន​ឆ្លងកូវី​ដ​កើនឡើង ដោយ​កាលពី​យប់​ថ្ងៃ​សុក្រ​អាជ្ញាធរ​បាន​ប្រកាស​ចំនួន​ឆ្លង​ថ្មី​១១.៥៨៦​នាក់ នៅ​៥៩​ខេត្ត​ក្រុង បន្ទាប់ពី​រកឃើញ​អ្នក​ឆ្លង​ថ្មី ៨.៥៧៥​នាក់ ​កាល​ពី​មួយ​ថ្ងៃមុន​។​

​ទី​តាំងបី​មាន​ការឆ្លង​ច្រើនជាងគេ គឺ​ក្រុង​ហាណូយ ២.៧៥៦​នាក់ ក្រុង​ដា​ណាំ​ង ១.៥៤៤​នាក់ និង​ខេត្ត​ណា​ម​ឌិញ​(Nam Dinh)​ភាគ​ខាងជើង​ចំនួន​៦២០​នាក់​។​

​កាលពី​ថ្ងៃ​សុក្រ វៀតណាម​ក៏​ថែម​អ្នកស្លាប់​ដោយកូវី​ដ​១៩​ចំនួន​៨៤​នាក់​ទៀត នាំ​អោយ​ចំនួន​អ្នក​ស្លាប់​ដោយកូវី​ដ​១៩​នៅក្នុង​ប្រទេស​នេះ​កើន​ដល់​៣៨.១៥០​នាក់​ក្នុងចំណោម​អ្នក​កើតកូ​វីដ​ជាង​២,២៨​លាន​នាក់​។​

​សូមបញ្ជាក់​ថា ក្នុងចំណោម​ប្រជាជន​វៀតណាម​៩៦​លាន​នាក់ ៧៤,១​លាន​នាក់​បាន​ទទួល​វ៉ាក់សាំង​កូវី​ដ​១៩​ចំនួន​ពី​រដូស និង​២៨,៣​បាន​ចាក់​ដូ​សទីបី​៕

​ប្រជាជន​វៀតណាម​ស្គែ​ន QR code​បង្ហាញ​អំពី​ឋានៈ​សុខភាព​របស់​ខ្លួន​ដើម្បី​ចូល​ទីតាំង​មួយ​នៅ​ក្រុង​ហូជីមិញ កាលពី​ថ្ងៃ​២៩​មករា ឆ្នាំ​២០២២