ប្រែ​សម្រួល : កញ្ញា​ដា​លី​ស (​ដេល្លី​ម៉េល​,​អេ​ភី​) ៖ ចិន​ដណ្តើមបាន​មេដាយមាស​ដំបូង​របស់​ខ្លួន​នៃ​ព្រឹត្តិការណ៍​កីឡា​អូឡាំពិក​រដូវរងា​ក្រុង​ប៉េកាំង​ក្នុង​វិញ្ញាសា​ជិះ​ស្គី​ល្បឿន​លឿន​បណ្តាក់​គ្នា​លើ​ផ្លូវ​ចម្ងាយ​ខ្លី​។​

​អាស៊ី​គឺ​ជា​កន្លែង​ដ៏​ពេញនិយម​នៃ​កីឡា​ដែល​គេ​ស្គាល់​ថា Roller Derby​លើ​ទឹកកក ទោះបីជា​បរិយាកាស​ដ៏​កក្រើក​កាលពី​យប់​ថ្ងៃ​សៅរ៍​ត្រូវ​បាន​ថមថយ​យ៉ាងខ្លាំង​ដោយ​ការ​រឹតបន្តឹង​កូវី​ដ​១៩ នៅឯ​កន្លែង​អូឡាំពិក​ក៏ដោយ​។​

​ទោះយ៉ាងណា​ក៏ដោយ ជនជាតិ​ចិន​មួយចំនួន​តូច ដែល​ត្រូវបាន​អនុញ្ញាត​នៅក្នុង​ទីលាន Capitol Indoor Arena បាន​អបអរ​ជ័យជម្នះ​ជា​ប្រវត្តិសាស្ត្រ​របស់​ប្រទេស​ម្ចាស់ផ្ទះ​ដោយ​ស្រែក​​ហ៊ោ​ទាំង​ពាក់​ម៉ាស់​និង​គ្រវីទង់ជាតិ​តូចៗ​។​

​កីឡាករ វូ តាជី​ង (Wu Dajing)​បាន​ផ្តួល​កីឡាករ ពី​ត្រូ ស៊ី​ហ្គែល (Pietro Sighel) របស់​អ៊ីតាលី​ត្រឹម​រយៈពេល ០,០១៦ វិនាទី ឬ​ពាក់កណ្ដាល​ក្តា​រស្គី​ដើម្បី​ដណ្តើម​មេដាយមាស​។​ហុងគ្រី​ទទួល​​បាន​សំរឹទ្ធ​។​

​ឈូ ជុន​យូ (Qu Chunyu) ហ្វាន កេស៊ីន (Fan Kexin) និង រិន ហ្ស៊ី​វៃ (Ren Ziwei) បាន​ចូលរួម​ជាមួយ​វូ​សម្រាប់​ជ័យជម្នះ​នេះ​។​

​វូ​បាន​និយាយថា “​វា​ពិត​ជា​ការ​ធូរចិត្ត​ដ៏​ធំ​។ ឥឡូវនេះ យើង​បាន​សម្រេ​ចក្តី​សុបិន​របស់​យើង​នៅ​ថ្ងៃ​ដំបូង​ហើយ​”៕
​​​​​​​​​​​​​​​​​​​​​​​​កីឡាករ វូ តាជី​ង បាន​ផ្តួល​កីឡាករ ពី​ត្រូ ស៊ី​ហ្គែល របស់​អ៊ីតាលី​ត្រឹម​រយៈពេល ០,០១៦ វិនាទី